رواية بقول ولا تقاطعني -30
تذكرت كلآم مرة ابوها.."هذا ألم طبيعي ياأمي لازم يوجعتس شوي..تحملي"بتحمل بس لو النتيجه حلووه..لو النتيجه اني افرح بهالولد مع طلآل..ونعيش عائله..بس ليه اتحمل وانا كارهته هو و أبوه
" انتبهي ماتشيلي حاجه تئيله"..أبتسمت!..ماأشيل شي ثقيل؟..
قمت لـ المطبخ وانا اترنح..بدور كرتون الطماط اشيله..تذكرت يوم يجيبه طلال ويحطه عند الثلآجه
بــس
حسيت بـ طلال يفتح البآب ويدخل..طلعت من المطبخ لآني عارفه انه بيمنعني هو ينتظر هالطفل عشان يكمل انتقامه
أبتسم وهو يفصخ شماغه:السلآم عليكم
دريت من غير نفس:وعليكم السلآم..
دخلت الغرفه بس هو لحقني..اففف يقهر..طلعت بس سمعت ضحكه واطيه طالعه منه..خل يضحك بس نشوف من بيضحك فـ الاخير..
جلست ع الكنبه ورجعت اتصل على أخوي بس التبن مايرد
افف..شغلك عنندي مجود
{ ملآحظه:- ماجد اخو غلآ مب نفس ماجد حق هيفـآ..تشآبه أسماء فقط}
"الوليـد"
قمت وانا احس بـ خوف روعه..انا وش سويت..وش سويت؟؟؟؟؟
همست بـ أبتسامه ذابله :الوليد..وش فيك؟ ليش قمت؟
قآم الوليد وهو يسب ويلعن في نفسـه وعلى هالغلطه اللي سوآها..وش سوى هو الحين..يوم ملكته يروح لـ الحرام؟
قآم ورجع لبس ثوبه..وسط دهشة مريم..بعدها أستوعبت وقالت بسخريه:بتروح لها؟
الوليد بـ عصبيه منها:تدرين ان اليوم ملكتي؟؟..تدرين ولا ماتدرين؟..قد شفتي واحد ..واحد يروح لـ الحرآم يوم ملكته؟
مريم رافعه حاجب وتطالعه من فوق لـ تحت:هالكلآم موجه لي ولا لك؟
الوليد يسكر ازراير ثوبه:انطمـي بس!..
اخذ شمآغه ورآح لـ بيت عمـه..طالع في ساعته كانت 11..الملاّك من ساعه جآي
×
×
"قالت وهي ميته صيآح"- قلت لكم..قلت لكم انه مايبيني..انا ادري!!!!
ام محمد:هدي يمه هدي..الغايب عذره معه..يمكن سيارته متعطله ولا شي
عبير:وش متعطله يمه!!..لو متعطله كان دق..محمد جالس مع الملاّك وعماني وحضرته ولا هووب حاااس..الا احد يتأخر يوم ملكته
ام محمد:عبير..اسكتي الله يرحم والديك
عبير طالعت في التلفزيون..ومن غير اهتمام
"منـآل"
سكرت لابتوبي وانا اتثآوب ودي أنام عشان الدوام بكره..أبتسمت..مابقى ع الجامعه الا أسبوع تقريباً..والله أنواع الفله!..بدخل جامعة الملك سعود..اممم احس بـ جوع..طلعت من غرفتي و أتجهت لـ المطبخ..نزلت الدرج..وصلت لـ تحت..طالعت يمين يسآر بس مافيه احد ..المكان ظلآم وش عندهم؟..اتجهت لـ المطبخ وسويت لي سانوديش كلب
جلست على الكرسي..وبديت آكل..شفت عندل تنزل الدرج وهي لابسه بيجامتها..جلست معي والظاهر فيها النوم
منال:ليش مانمتي؟
عندل:تعرفين حالة لما يكون فيك النوم بس لما تحطين رآسك ماتنومين؟
منال:هههههه ايه اعرفها..انتي متعوده تنومين وحده..والحين تنامين 10..مب كنها صعبـه؟
عندل بـ نبره ومطنشه حكي منال:اناا خايفه اقوم يوم من الايآم ولا ألقآك..
أبتسمت وانا اطالع الخبزه..وهي كانت تطالع الصآله جنب طاولة الاكل اللي كانت ظلآم والنور اللي جاي من الدور اللي فوق هو النور الوحيد
منال:حتى لو لقيت أهلي ماراح اتركك عندل..انتي اختي وأكثر..وربي اني ادعي لك في كل صلاة انتي وخالتي ام عبدالله
عندل:وانا ادعي لك بعد انك تلقين اهلك..
منال:انا اصلاً مب مهتمه انا ابي اطلع من هنا لاني ماأبي اثقل عليكم..ولا اهلي ماهموني لاني انا اللي أدورهم وهم ماكلفـوا على نفسهم يدورون بنتهم
عندل:ماتقدرين تلومينهم يامنال
منال بـ شوية عصبيه:شلون ماألومهم؟؟..وانا عشت عيشه تقهـر ياعندل..احياناً انام ودمعتي على خدي..ليش ماعشت عيشة البنات اللي في عمري؟
عندل بـ هدوء:بس انتي ماتعرفين وش القصه يمكن هم يبغونك..اكيد عندك جده ومافي جده ماتبي احفادها..يمكن ابوك هو اللي حطك عند عمك عشان خايف عليك من اهله ..ولا مايبي امك تاخذك فرنسآ..في مليوون عذر تحطينه لهم
منال:عنـود!..انتي تعرفين كيف عيشتي؟؟..تدرين ان الحسنه الوحيده اللي قدموها عمي ومرة عمي هي انهم دخلوني المدرسه ولبسوني ووكلوني..بس!!..كنت كل يوم انضرب..وكذا مره عمي وهو سكران بغـى يعتدي علي..ومرة عمي كانت تكرفني وهي مرتاحه..ولو اغلط حتى لو ماأقصد كنت انجلد وانوم من غير عشـى..سلطان دايم يعايرني لأني ماحسيت بـ الغربه هنا..ولا خفت على قولته بس لآني حبيت العشيه هنـآ..صحيح انا غريبه!..بس ع الاقل متطمنه على نفسي لأني بـ أمان
عندل:....
منال مسحت دمعتها:انا بكيت على مرة عمي وعمي يوم ماتوا بس لأنهم هم من بقـآ لي..بس والله اني ارتحت..أرتحت كثيـــر يوم رآحو
عندل:استغفر الله..مايجوز خلااص هم ماتوا ..
منال:الله يحللهم ويبيحهم..انا مسامحتهم
"ريـم"
مشيت ورآه وانا طالعه من البيت..ماخليت امي الا بـ شق الانفس..بـ الموت خليتها
ركبت معه السياره وانا سااكته واكتم عبرآتي..متأخر ساعه الا ربع..ساااعه الاربع هذي وش معناها؟؟؟؟..ليش يتأخر؟..يحسبني الحين ميته عليه
- آسف ريم لأني تأخرت!..بس والله ظروف منعتني اجي بدري
مارديت عليه..قال بعد صمت:جوعانه؟
هزيت رآسي بـ لآ
أبتسم وقال بـ مرح..وهو يمسك يدها:بس اخوك يقول انك على لحم بطنك من الصبح
ريم شالت يدها من يده يقـوه وعفويه..ماتقصد:الوليـد
لف لها..طالع يدها ثم رجع يطالع الطريق وتنهد:نعـم
ريم:أ..ابقولك شي..واتمنـى انك تفهمني
الوليد:....
ريم:..انا رضيت اتزوجك..عشان وصية ابوي بس..
فآجأها يوم يقول:أدري
ريم كملت:فـ عشان كذا..أنا ماراح اخرب عليك انت ونوف..انا بصير زوجتك بـ الاسم..لو تبي خلني في بيت اهلي
الوليد:وش هالحكي ياريم؟؟؟؟..من جدك انتي؟
ريم شوي وتصيح:ايه
الوليد رفع يده الثآنيه لـ الدركسون..وهو يحس بـ ضيقه..يمكن منها..يمكن من فعلته مع مريم..:ريـم!..أسمعي..انا أدري ان ضايق صدرك وهالشي واضح من وجهك يوم أدخل..عليك..بس تأكدي ياريم..اني بآحاول اوفق بينكم..بآحآول اني اصير لك ولـ نوف زوج.."وكمل بـ سخريه وألم مب واضحه لـ ريم"..زوج صآلح
ريم بدت تنزل دموعها:لاتكذب علي
الوليد:من قـ.......
ريم:اسمعني يالوليد..انا خلاآص..ماعاد تفرق معي..بس ابي منك شي واحد كان لي معزه عندك..او أبوي له معزه عندك
الوليد:.......
ريم:انا بصير زوجتك بـ الاسم..بس انا مجرد انسآنه عايشه معك في نفس البيت..يعني احنا تزوجنا عشان ابوي وبس..راح نكون زوجين في نظر الناس ..أما في نظري ونظرك ونظر نوف...انت متزوج نوف وبــس
الوليد:طيب ليش تسوين كذا بـ نفسك؟؟
ريم:خلاآص ياالوليد..اتمنـى انك تفهمني..انا وانت مظلومين في هالزواج..وعشان لانظلم نفسنا اكثر ونظلم زوجتك المسكينه..نسوي كذا..
الوليد:...........................
ريم:وش قلت
الوليد:أسمحي لي
ريم:اجل طلقنـي
الوليد لف عليها وفاتح عيونه:صآحيه انتي؟
هنا بدت تصيح..طالعها ورجع ناظر الطريق..زفر:ان شالله..اللي تبينـه بيصير..بس....."وسكت"
ريم:بس أيش؟
لف لها بيتكلم..كانت تطالعه..طالع في عيونها شوي..أرخى حوآجبه ..يحس انه ظالمها..مرر عيونه عليها كلهـآ..بعدها رجع يناظر الطريق:ولا شي
تنهدت بـ رآحه..وطالعت الطريق..
"طـلآل"
- ماندمت ولا بعد؟
طلال يشرب من الشاهي اللي معه..وقآل:لا..مابعد انتقمت
سعد:صاير اصمخ
طلال:هههههههههههههههه
سعد:ضحكت بلآ ضروس قل آمين
طلآل:وووووووجع..وش فيك انت ماغير طايحن فيني سب ودعا؟
سعد:مزديـه فيك..يمكن تعقل..
طلال يقـوم ويحاكي واحد من اخوياه:أبلعب شووط مع عبدالله..
وقـآم
هز سعد رآسه..وهو يدعي في قلبه انه يرجع لـ زوجته..بس انها مقيوله..اللي انكسر مايتصلح
×
×
كنت جآلسه وهو متجه لي ومبتسم بـ حنيه..مدري ليه بدالته الابتسامه..يمكن رجع لي زي اول.. يوم قرب لي..طلع من وراه سكينـه..شهقت وصرخت بـ خوف..رحت اركض وهو كان يلحقني..
"شهقت"- بسم الله ..بسم الله..
طالعت حولها كانت في الغرفه وظلآم..كانت ترتجف..لفت مكـآن طلال..فآضي!..تخيلته واقف جنب السرير..وعلى نفس وضعيته كان ماسك السكينه..قامت بسرررعه وراحت لـ المطبخ..وهي تردد
غلآ:حلـم..هذا حلم يآربي..غلا لاتخافين
لقت عصير سنتوب في الثلآجه وشربته ..شوي بدت تصحصح..
"لين متى وانتي على هالحآل يآغلا..لين متى!!!"
اخذت جوالي واتصلت على ماجد ورد علي وشكله مصحصح.. ودامه مصحصح بيجلس يتميلح شوي
ماجد:هلا والله وغلا..بـ أكوس غلآ
غلا:ماجد فاضي؟
ماجد:اصيرك لك فااضي بس وش تبين ياروح ماجد انتي
غلآ أبتسمت:ابـ...ابيك توديني المستوصف
ماجد:ليش؟..عشى ماشر؟
غلآ:أبد بس من زمان احس بـ دوخه وصداع
ماجد:ايييييه على بالي عندك سالفه..هذي عشان حامل
غلآ تمسك رآسها:ماجد حبيبي تعال وانت ساكت
ماجد:غلا حبيـ
غلا وبدت تصيح:ماااااجد
ماجد بدى يخاف عليها السالفه مب دوخه:ان شالله انا بالطريق
"منـآل"
رقيت لـ غرفتي عقب ماأكلت..
دخلت غرفتي ..انسدحت ع السرير وانا افكر..هالمحامي جيته بدت تسوي فرآشات في بطني.. وش السواة وان طلع ماعندي اهل وش أسوي
"غـلآ"
- سكـر ياغلا؟.سكري مره وحده؟
غلا ارتبكت لأنها حاسه انه سكر..وهي تعرف عوارضه من أمها:أ..أيه ادري
ماجد:تدرين؟؟..طيب ليش ماقلتي؟..ووين طلآل؟! مايدري
غلا:يابن الحلال اقولك ادري..يعني طلال يدري..ر..رحت ذاك اليوم معاه
ماجد مبتسم:سلآمتك..بس والله توك صغيره ع السكر
غلآ:المرض مايعرف كبير وصغير..بس مجود لاتقول لـ احد اوكي؟
ماجد:ان شالله
أول مارجعت دخلت البيت لقيت طلآل جالس على الكنبه ويهز رجوله بـ توتر..فصخت عبايتي وعلقتها على المعلاق..طالعت شكلي بالمرآيه وكأني مب مهتمه له..شفت وجهي اللي صاير اصفر..وجمسي صاير ضعيف.."تنهدت"..توني في الشهر الاول او دخلت الثآني..مدري ولا أبي ادري..آآآآه ياغلا سكـر وانتي توك؟؟..توك فـ عز شبابك ويجيك السكري..
تمـون ياطلال..لو تذبحني انا راضيه
صلحت لبسي اللي كان جلآبيه موف قصير لـ نص الساق وعليها رسمة دبدوب بنـي.. حطيت يدي على بطني وانا احس مافي أي حركه..مافي رفسات هههه..
فجأه..حسيت الدنيا حر ..جسمي بدا يحتر..طالعت خصري شفت طلال لاف يده علي وفمه عند اذني..:وين كنتي ياقلبي
رصيت على اسناني..وش اسوي؟..هذا يتكلم ويتحرك ولاكأنه جرحني ولا سوى بي شي
وخرته عني بـ قووه..لكنه ماعصب ولاشي..قال بـ حنيه:غلآ!..وين كنتي؟
غلآ:مالك دخل
طلال:غلا اعقلي
غلا:من المفروض يعقل؟
طلال يرص على اسنانه ويتكلم بـ هدوء وضوح:ويـن كنـتـي!
غلا جلست ومسكت رآسها:في المستوصف
جلس جنبها:ليش
غلا هزت رسها لاتصيح:..عادي
طلال:شلون عادي؟
غلا:يعني عشاني حامل بـ ولدك..مب مفروض اروح اكشف؟
طلآل:......................
قآم عنها..ودخل الغرفه..
" حبيتك وذي غلطه حسافة واحساسي وعمري ماتخيلتك تكون اقسـى من القاسي"
"هيفـآ"
الطفش لاعب بي لعب..قسسم بـ الله ان ودي انتحر..مسكت جوالي واتصلت على عبير..بس عطتني بزي..الله ياخذها..مدري وش أسوي..اتصلت على وحده من البنات كانت معاي فالجامعه بس..مقفل!!
- وش تسوين بسم الله عليك
لفيت طالعت فيها..ووجهها علامات سخريه..قلت بـ ضيق:يختي طفشااااااااااااااانه
امل تسند نفسها ع البآب:اكيد!..مو قايمه بدري..ماشالله من يأذن الظهر اشوفك تكرفين بالمطبخ
هيفا:تستهبلين؟؟
امل:هههههههههه
هيفآ:احد قالك قبل انك ظريفه؟
امل:انتي
هيفا:افففففففففففف..فوق ماأنا طفشااانه..تجين انتي تزيدين علي
امل:اكيد بتصيرين طفشانه وظايق خلقك..هذا اللي يقوم متأخر
هيفا تأشر ع البآب:برآ لو سمحتي
طلعت امل وهي تتحمد على القعل..واللي خلـى هيفآ تعصصب اكثر..مسكت جوآلها وجلست تقرآ الرسايل..شافت مسج ..ومكتوب داخل رقم..تذكرت هذا البلوتوث اللي من ماجد
وبـ أصابع ترتجف اتصلت عليه..يمكن تتسلـى شوي
- آلوووووو؟
جلست قلبها يدق ويدق....ووتورها صوته مره ثانيه وهو يقول "آلوو"..سكرت السماعه في وجهه ورمت الجوال ع السرير..رجع اتصل مره ثانيه..بس طنشته..دخلت الحمام وكأنه تهرب من الجوال..
"منـآل"
قمت من بكره على صوت جوالي..رحت الحمام وانتوا بـ كرامه لبست ملابسي أتصلت ع السواق عشان يحمي السياره وتكون جاهزه اول ماأخلص..نزل تحت لقيت المكان فاضي.. اخذت لي خبزة جبن وعصير من الثلآجه..ماقلت لكم ان الراتب طلع؟ طلع والحمد الله استلمت حول الـ 5 الاف..بس باقي لي 3 الااف واعطي سلطان حقـه..بس والله عندل يوم قلت لها ياأنها عصبت علي تعصيبـه بغيت اروح وطـي من نظرتها..اجل لو يدري سلطان؟؟
الطيب عند ذكره..كان مـآر من عندي مدري ليه مايطلع مع بابه..عندك باب وش كبره..يعني لو فرضنا انه مايكفيه..
كان يكلم مشـى من عند البـآب حق الفله..لين الباب انا باقي لي كم خطوه واأوصل بس وقفت احتريه يطلع ..الظاهر شافني..ماشفته وهو يطالعني بس اكيد انه شافني..
"لايكون بس المستشفـى حقك وانا مدري..اقول حبيبي لايكثر انا جاي الحين بالطريق..كلها 4 ساعات وانا جـآي..مسافة الطريق بس"
طلع وسكر البآب..مستشفى؟..من اللي بالستشفـى؟..واربع ساعات؟؟
طلعت وراه وركبت السياره وتوجهت لـ البنك
"هيفـآ"
ركبت السياره مع عزوز نزلنا الجامعه..قالت لي امل
- اكلمك تسمعيـن؟
لفيت لها..:هااه؟
امل:اقولك المنبه حطيه على 12..لأن عزوز بيجي
هيفا بـ ببرود واسلوب يقهر مع رفة حاجب:وليش مايدق عمي؟
امل:يقول انه ناسي جواله مدري وش عنده المهم انك حطي منبهك ع الساعه 12..
هيفا وهي تفتح شنطتها:اوكي
طلعت جوالها وراحت امل.لقت كم مسدكول من ماجد..اتصلت عليه..بعد ماظبطت المنبه..رن ورد علي بـ"هلاوالله غلا بهـ الرقم"
هيفـآ:........
ماجد:أفا..
هيفآ:أ..أهلاً
ماجد: لا الحين اقول...هلاوالله بهالصوت
هيفآ:هـ..هلا بك
ماجد:كيفك ان شالله تمام
هيفآ:الحمدالله بخير
ماجد:وينك ياأختي اتصل عليك ولاتردين..كذا يعني تدقين وتخليني كذا خايف عليك واحسب صاير بك شي
هيفآ:انا.......
ماجد:لا انا ولا انتي..اتمنـى معد تعديينها..حلو؟
هيفا:حلوو
ماجد:ههههههه ياعمري..والله مالحلو الا انتي
هيفآ:آآ انا اسفه بس لازم اسكر..
ماجد:بدري ماسمعت صوتك زين
هيفـآ:بـآي
ماجد:لحظه لحظه!
هيفآ:....نعم
ماجد:أسمك اول؟؟..ماتبيني اعرف اسمك؟
هيفآ:لازم؟
ماجد:اكيد لازم..خاطري اعرفه
هيفآ:مآله داعي..
ماجد:اوكي بس اذا انبك ضميرك انا موجود..لاتقطعين قلبو
سكرت بدون لاترد عليه
"الع ـنود"
-يمه!
لفت ام عبدالله على بنتها:سمي
العنود:سم الله عدوك!! امممممم سلطان داق يقول انه بالشرقيه
ام عبدالله:وش عنده؟
العنود:يقول رآيح لـ صديقه سالم..في المستشفى
ام عبدالله:ياسآتر وش فيه؟
العنود:مدري يقول انه تعبان شوي..عاد تعرفين سلطان يقولك كلمتين ثلآث يسكتك
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك