رواية أحبك يشهد الله علي -2
أسيل:سباق موافقه بس شنو الجائزه
عبدالله:طلبي
أسيل:إذا فزت عليك تعشينا الليله على حسابك بمطعم
عبدالله:أوكيه بس إذا فزت تطبخين لنا العشى الليله
أسيل:ماأعرف
عبدالله:عادي أقول لعايشه تشرف عليك اوكيه
أسيل:أوكيه
أسيل(تصفر للوضحه متعوده عليها تصفر)يالله يا وضحه لا تخلين أخوي وأخوك(الجارح)يسبقونا
عبدالله:جارح لا يغلبنك البنات
تسابقوا زكان الشارع فاضي وعبدالله سبق أسيل وأسيل تغلبه وتتقدم عليه ويرجع يسبقها ويطالعها و يمد لسانه لها
أسيل(تصرخ)عــــــبــــــدالله أنـــتـــــــبــــه
عبدالله(سحب لجام الجارح)أبكككككككك أبك هددددددددد
عبدالله سحب اللجام وطاح وطاح الجارح فوقه والسياره حكت بريك قوي الله ستر ما أنقلبت
أسيل(تنزل بسرعه)عبدالله فيك شئ
عبدالله:رجلي توجعني
أسيل(نزلت تلمس رجله)لا تحركها
:فيكم شئ
أسيل(توقف وتلف له)أعمى ماتشوف
:أنتي بنت
أسيل(أرتبكت)هاااااه أييييييييييش دخلك
عبدالله:حصل خير
الحارس:تكلمي عدل ما تعرفين من معه تتكلمين وقحه
عبدالله(عصب)هيييييه أنت تكلم عدل
:ميخالف حصل خير
الحارس:ياسيد حمد
حمد(يكتم غيضه من وقاحتها)ما عليش تحبون نوصلكم
أسيل(بإستهزاء)لاوالله أحسن خلنا رووووووووح
حمد(يخزها)هييييييييييييه ترى ما أشتغل عندك
أسيل:هيييييييييه أنت
عبدالله(بصوت عالي)خلاااااااااااااااااااااااااااااص
حمد:أبتعدي خلينا نرفعه حسام تعال معي
حسام:أنا أرفعه سيد حمد خله
أسيل:علامك أنت كأن أخوي نجس ليه ما يساعدك تراه نظيف مالت عليك
حمد(عصب)أووووه شنو أنتي
عبدالله:أسيل سكتي
حمد:سمعتي سكتي
أسيل:أيش حشرك أسكت ولا لا كيفي
عبدالله:شوفي الجارح فيه شئ
أسيل(تلمس الجارح)لا الحمد الله
عبدالله(يوقف مع حمد وحارسه)والخيل
أسيل:أنا أركب الوضحه ومعي الجارح لا تحاتي
حمد(يركب عبدالله السياره)كذا زين
الحارس:سيد حمد العمه وصلت
حمد:عن أذنك شوي
أسيل(توقف عند عبدالله)وين راح
عبدالله:مدري
الحارس:يكلم والدته في ذيك السياره
أسيل:طيب
شوي وإلا حمد جاي مع بنت صغيره وأمه وأخته
حمد عرفتوه ولد عم أسيل بس صار لهم 18سنه مو شايفين بعض وما يعرفون بعض
الام:السلام عليكم
عبدالله واسيل:وعليكم السلام
الام:سلامات ياولدي
عبدالله:الله يسلمك ياخاله
الام (تلف على اسيل):ولدي يقول انك بنت
اسيل(باحراج):ايه
حمد(بصوت واطي):حشى مهي بنت شاذه والعياذ بالله
اسيل(ترفع اصبعها بتهديد)احذرك لا تكرر الكلام هذا
حمد(بعصبيه):احذرك لاترفعين اصبعك بوجهي اكسره
الام:حمد عيب
عبدالله:اسيل خلاص
أسيل: أووووووف(ركبت الوضحه)
ملاك:بابا حزان حزان
حمد(يرفعها):المسيه
مناير:وااااااااااو يهبل حمد
أسيل(تردعلى جوالها):الوهلا...هاه يمه...ييييييمه تكفين لا تصارخين(تلف لعبدالله)كله منك
الكل:هههههههههههههههههههه
اسيل(ترجع تكلم)هلا ما فيه شئ............ يضحكون من.......أمممممم شوفي عبدالله طاح من الفرس ولوى رجله......على هونك والله مافيه شئ..........لالالاام عبدالله لحظه(سكرت)
عبدالله:علامها امي
اسيل:خالي
عبدالله:حلفيييييييي(لف لحمد)سيدحمد لو تكرمت ساعدوني أركب فرسي
حمد:مايصير رجلك
الام:يمه خلنا نوصلك حمد وصلوه لمزرعتهم
عبدالله:ماقصرتو واسفين على الازعاج
حمد:لالازم نوصلك يمه طلعن للمزرعه حسام وصل عبدالله(طالع اسيل بعدين لف لعبدالله)عبدالله
عبدالله:هلا
حمد:ممكن اركب فرسك
اسيل(تهزراسها)لالا
عبدالله(ابتسم)تفضل
اسيل(عصبت وحركت لجام الفرس)انا بروح
حركت السيارات واسيل على فرسها وحمد جنبها على الجارح
حمد:فرسك حلوه.....امممممم تبيعينها
اسيل(تخزه)شايف لافته للبيع
حمد:وليه تخزين
أسيل:كييييييييييييفيييييي
حمد:طيب أنابدفع اللي تبينه
أسيل:شفيك ماتفهم غبي
حمد(عصب)حدك عن الغلط
أسيل(توقف الوضحه)روح اسبقني ماأبي أمشي معك
حمد:أنت الغبيه انت ماتعرفين أنامنو تكلمي بإحترام على شنو مغروره
أسيل(رفعت راسها)ياااااااااااااااااربي هذا من شفته واهويقول أنامنو وأنامنو(لفت له)أذامنت عارفت انت منو روح لماما وأسألها
حمد(قرب ومسك ايدهابعصبيه)شنوشايفتني بزرررررر تقولين رح لماما
اسيل(تحاول تفك يدها)هيييييييييييييه هدني
حمد(بعصبيه)اعتذري
أسيل(بإصرار)لاااااء
حمد:ماراح اهد ايدك(وزاد الضغط)
أسيل(رفعت يدها وعطته بقس على خشمه)تستااااااااااهل
حمد(يمسك خشمه)يابنت اللذين
أسيل(تبتعد بفرسها)احسن شنو شايفني
حمد(يلحقها بفرسه وبصوت عالي وعصبيه)بس اصيدك يابنت اللذين هيييييييين
أسيل قدرت انها تسبقه وتوصل للمزرعه قبله وسيييييييييده على البيت دخل حمدالمزرعه وكان واقف حارسه بانتظاره عند البوابه
الحارس(مسك السرج )سيدحمدخير شنو فيك
حمد:خير
الحارس:انفك دم
حمد(يلمس انفه ويطالع الدم عصب)بنت اللذين ايدها قويه عطني منديل
عبدالله(بصوت عالي)سيد حمد حياك
حمد:لا والله اسمحلي مستعجل
الجد(يوقف من داخل بيت الشعر)حياك ياولدي قرب
حمد(استحى يردالجد)السلام عليكم
الجدوعبدالله:وعليكم السلام
الجد:علامك ياولدي تونس خشمك
حمد:لا ياجد هذي عاده يصب دم دوم
عبدالله:أسيل تشتغل ممرضه إذا تحب تشوفك
حمد:ممرضه
الجد:إيه الله يخليها لنا
الأم(تدخل)السلام عليكم
الكل:وعليكم السلام
الأم(تمد كيس ثلج)تفضل ياولدي
حمد:شنو هذا ياخاله
الأم:ثلج بنتي قالت وانتو رادين لاحظت أن خشمك دم والثلج يوقفه
حمد(يوقف)تسلمين يله اسمحولي
الجد:تو الناس اجلس ياولدي
حمد:والله تارك اهلي بالمزرعه
الجد:طريق السلامه
انـــتــهـــى الــبــارت
*هل لقاء حمد وأسيل سلبي أم إيجابي؟!
*بيعرف انهابنت عمه ام لا؟!
*ماذا يخبي المستقبل للبنات وامهن
البارت الثالث
طلعن البنات بعد ما راح حمد
أسيل:عبود شلون رجلك
عبدالله:مدري أنتي شنو تشوفين
أسيل:نجود جيبي ثلج عبود ألتواء بسيط
عايشه:باين عليه ولد عز
أسيل(بعصبيه)المال ما يخفي عيوب الناس
الجد:إيش قصدك
أسيل:مغروووور يا جدي
الأم:ليه قال لك شئ
أسيل(بارتباك) هااااه.....وأهو يتجرأ كان ضربته
نجد:سيارته تهبل همررررررر
عبدالله:علامك تقولينها كذا(يقلدها)همرررررررررر
نجود:كبيره مررررررره
عبدالله:وأنتتب بعد وعلامها سيارتي تهبل مررره
أسيل:تهبل مررررره الله يخليها لك كم مره وقفت بالشارع علينا
الكل:هههههههههههههههههههههههههههههههههه
عبدالله:طيب ما راح تركبينها راح أخذ أمي زهره وأرجع بروحي
أسيل:عادي أحنا راح نجلس مع جدي
نجد:اليوم الاربعاء و بكره عطله و بعده يجي عابد لما يشتاق لعايشه و يياخذها
عايشه:كركركركررررررررر بااااااااايخه
الكل:هههههههههههههههههههههههههههههههههه
الجد:خلوكم اليوم عندي طفرت بروحي
أسيل:عشان خاطرك بس نجلس
الأم:الحمدلله أن عايشه جابت لكم غيارات كانت حاسه أنكم راح تجلسون هنا
الكل:الله يخليها لنا مــــــــامــــــــا عايشه
عايشه:شكرا يا أطفالي الحلوووووووووووووين
حمد اللي وصل لمزرعته
حمد:السلام عليكم
الكل:و عليكم السلام
فراس:أبو ملاك الحمد لله على سلامتك
حمد:الله مسرع ما عرفتوا
أحمد:خالتي ساره قالت للكل
حمد(يتلفت)إلا الشياب وين
أحمد:بعد وين في بيت الشعر
حمد:بهذا الحر
فهد:ما عندهم لا حر ولا برد
حمد:لا تحسدهم بس
زياد:حمد علامه خشمك خلني أشوفه
حمد(بعصبيه)بنت اللذين عطتني بقس على خشمي
العيال تسدحوا من الضحك: بننننننننت ههههههه
زياد(يقرب منه)خلني أشوف خشمك لا تكون هههههههههههه كسرته
حمد:وووووووووووووخر عني تبي تطبق الطب علي
خالد:خله يشوفك ياحمد
حمد:زين شف وخلص
زياد(يلمس خشمه)لا ما فيه كسر
مشعل و راشد و جراح:السلام عليكم
الكل:وعليكم السلام
راشد:علامك حمد خشمك يوجعك
زياد:هههههههههه وحده عطته بقس على خشمه
الكل:ههههههه
حمد(يطقه على يده)وجع هذولا ينشرونها
جراح(يقعد جنبه)أمانه قل لنا أيش حصل معك
حمد:يا ويلي شنو مغروره بنفسها أسمعوا أنا ما شفتها كانت متلثمه بشماغ عيونها حلوه ما شاء الله لما لوه أخوها رجله قلت فرصه أكلمها أقنعت أخوها أن يوصله السواق وأنا أركب فرسه
أحمد:أنت وين شفتها
حمد:يا أخي الظاهر أنها كانت تتسابق مع أخوها
مشعل:على شنو
حمد:يوووووه بقول لكم السالفه من الأول هذا وأنا جاي لكم طلع قدامنا شابين على الخيل واحد سابق الثاني حكينا بريك وواحد سحب لجام فرسه وطاح الفرس فوقه وألتوت رجله نزلنا نسأله خير شنو فيه قال حصل خير أنا بالأول ضنيت أنهم ولدين بحكم لابسين ثياب وشمغ نزلت تشوف رجل أخوها قلت فيكم شئ عصبت و قالت أنت أعمى ما تشوف قلت لها أنتي بنت صوتها حلووووووووووووووووووو ردت علي بكل وقاحه و قالت أيييييييييييش دخلك
فراس:قويه مهي هينه
خالد:كمل وبعدين
حمد(يكمل)قالها حسام تكلمي عدل معه هبت بوجه بغت تاكله قلت معليش حصل خير تحبون نوصلكم عصبت و قالت لا أحسن خلنا هنا و بدينا نتهاوش وسكتها أخوها بعدها وصلت أمي ولزمت عليه إلا نوصله و قلت فرصه
راشد(يغمز له)تطيح البنت
حمد(بإستهزاء) وليتني ما قلت لها إهي ما تعطي وجه أبداااااااااااااااااااااا
فهد:وليه تحسبن البنات كلهن مثل بعض كل من قلت لها أنا حمد بن فهد محسن الـ...... تطيح في أحضانك و تولع في حبك
حمد(يحك راسه ويبتسم) إيه والله قلت يمكن إذأ أبعدتها عن أخوها تأخذ حريتها بالكلام
زياد:واللي صار العكس صح
حمد:صحييييييين قلت بلطف الجو قلت لها الفرس للبيع
جراح:أكيد عطتك بقس
حمد:لاااااااااااااااااااااا تونااااااااااااا
مشعل:أيش قالت
حمد(يقلد صوتها) شايف لافته مكتوب عليها للبيع
الكل:ههههههههههههههههههههههههههههههههههههههههههههه ههه
فراس:أسكتو خلوه يكمل
حمد:قلت لها أدفع اللي تبينه بالفرس
خالد:أنا مو فاهم تبي البنت ولا الفرس
حمد(يأشر بأصابعه)الإثنين البنت باين حلوه والفرس آآآآآآآآآه أموت بالخيول تهبل
أحمد:الحمد لله والشكر
فراس:يووووووووووووووه بسكم تقاطعون كمل
حمد:قالت غبي ماتفهم بصررراحه أنا عصبت كل مره تقول غبي وقفت فرسها قالت أسبقني قلت أنتي ما تعرفين أنا منو قالت كل مره تقول ما تعرفين أنا منو إذا ما تعرف أنت منو روح لماما تقولك من أنت
الكل:ههههههههههههههههههههههههههههههههههههههههههههه ههههههههههههه
هههههههههههههههههههههههههههههههههههههههههههههههههه ههههههههههههههههههههههههههههههههههههه
راشد:أكيد خليتها ورحت
فراس:ما أظن حمد مايستسلم أنا عارفه
حمد:عصبتني مسكت يدها وقلت أعتذري رفضت ضغطت على يدها وقلت أعتذري
أحمد:أكيد أعتذرت
فراس:أنا واثق حمد لما يعصب وربي يخوف
حمد(يمسك خشمه)لا والله عطتني بقس على خشمي
الكل:ههههههههههههههههههههههههههههههههههههههههههههه هههههههههه
فهد:و إيش سويت
حمد:إيش أسوي ما لحقت عليها بنت اللذين إنحاشت بس الظاهر طيبه خلت أمها تجيب ثلج لخشمي
الكل:ههههههههههههههههههههههه
جراح:تجرح و تداوي شنو دكتوره
حمد:أخوها يقول ممرضه
زياد:وأخوها عرف عن اللي صار
حمد:لا بس وين تروح مني صايدها صايدها بغت تكسر خشمي
خالد:إذا عاجبتك خل خالتي تخطبها لك
حمد:لا أن شاء الله أنا أتزوج بعد المرحومه لا وألف لا
فراس(يهمس له)و زواج المسيار حالف بعد
حمد(يبتسم له)لا ذا حلوووووو
حمد(دق جواله)ألو......هلا يا الغاليه.......إيه وصلت.......خلاص جايك ألحين
حمد(يوقف) بروح أشوف الوالده وأرجع
حمد(يتنحنح بيدخل الصاله) يا هيه السلام عليكم
الكل:و عليكم السلام
حمد(يحب راس جدته) شلونك جده
الجده:بخير وأنت زين
حمد:زين لله الحمد عساك مستانسه هنا
الجده:ما شاء الله مزرعتك حلوه
حمد:بوجودك(يلف لأمه)هلا يمه بغيتي شئ
أم حمد:إيه يمه الولد كيفه
حمد:بخير ما له شر
العمه أمينه:يمه بيرفع قضيه
حمد:ههههه لا ما توصل كذا جت خفيفه
ملاك(تنط بحضن أبوها) بابا
حمد:هلا قلبي
ملاك:خشمك أح
حمد(يلمس خشمه دم) يووووه ما يوقف
أمينه:لحظه أنادي لك روابي تشوفه
حمد(يوقف) ما له داعي ألحين أغسله يله تامرون على شئ
الجده:بحفظ الله
طلع حمد ووحده كانت قدامه وقف لما شافها
حمد(في نفسه) ما شاء الله عليك يا طيف أحلوووويتي
طيف(بدلع) كيفك حمد
حمد:زين وأنتي
طيف:بخير ما نشوفك تزورنا ليه (بدلع) نسيتنا
حمد:وأحد يشوف ذا الوجه وينساه أبدا بس مشغول
طيف:أوكيه دام كذا(بدلع زايد) عذرناك باي
حمد:باي
حمد(قبل يدخل المجلس رن جواله) ألو هلا هلا وغلا بهنوده كيفك.....لا زعلانه أراضيك.....طبعا أقدر على رضاك.....أهون عليك تزعلين مني.....بعد يومين رايح جده......لالا مو شغل عشانك يا جميل.....أذوب أنا بالضحكه يا بنت خفي علي.....أوكيه باي يا قلبي باي
:ليه ما تتزوج دامك تعرف تحب
حمد(خاف ولف) وجع خرعتني عبالي أحد عمامي
فراس:هههههههههههههه طايح تغزل بمن
حمد(يبتسم) بأهل جده
فراس:أهااااا وأهل الشرقية والرياض والطائف
حمد:لا أهل الطائف طلقتها والثانيات زينات لحد ألحين إلا أنت إيش مسوي
فراس:أهل جده يكفون بعدين أنا يالله قادر على وحده مسيار إذا طابت النفس منها أغيرها
حمد:كم مره تزوجت
فراس:خمسه في عين العدو
حمد و فراس:هههههههههههههههههههههههههههههههههههههههههههه
فراس:لو يدري عنا أبوي أو عمامي كان أذبحونا
حمد:الحمد لله دوم نتحجج بالصفقات و السفرات
محمد(طلع)أقول أقترحنا نلعب كوره قبل صلاة العشى ساعه كذا
فراس:أنا موافق
حمد:خلاص نشغل الكشافات خلونا ندخل ونقسم نفسنا
عند أسيل........
نجود(تقطع بصل) يووووووه عماني البصل لازم عشى
نجد(تقطع سلطه) أحسن يمكن الدموع زايده عندك
نجود: جــــــب
نجد: جـــــب أنتي
نجود تقطع البصل قريب من نجد اللي دمعت عيونها
نجد:أح أح عمى عمى يا صخله ليه كذا
أسيل(تاكل خياره)نجد أمانه لا تطيح دموعك بالسلطه ما نبغيها مالحه
نجد و نجود(مع بعض) سكتي
أم أسيل:أسيل أكل و مرعى و قلة صنعه
عايشه(تشوف الرز أستوى)يا أختي سوى حاجه زينه
أسيل:يا ربي أروح عند عبود و جدي أحسن
أم أسيل(تمسك يدها)تعالي تعالي
أسيل:هلا
أم أسيل:غسلي المواعين أخلصي
أسيل: لااااا يمه ووووووع قرف وووووع
أم أسيل:أخــلــصــي يـــلــــه
عايشه:أحـــــســــــن
أسيل:ليه خليتوني على المواعين
نجود: تبادلين بالبصل
أسيل(تفسر عن يديها)لا لا هونت بصل وريحه خايسه لا المواعين أهون
بمزرعة حمد.................
في غرفه البنات يتبادلن البلوتوث والرسايل
شهد(تدخل فجأه) بــــــــــــــنـــــــــــــــــات الشباب مسوين مباراة
البنات:والــــــــــــــــلـــــــــــــــه
شهد:على التشجيييييييييييع
بنات:يللللللللللللللللللللللله
فهد(يقسم)أنا وأعوذمن كلمت أنا وخالد وزياد ومشعل وسلمان(أخو تهاني) وخالدالحارس
أحمد(يأشر) وأنا وحمد وفراس وراشد وجراح وأنا الحارس
فارس:أنا الحكم يله نبتدأ
أمـــا عـــــنــــد البــــــنــــــات ومـــــا أدراك مــــا البــنــــات
كل وحده هيمانه مع الحب<<<< بنكتشف من تحب من ^_^
وجدان(تتنهد)آآآآآآآآه
شهد(تنفز وجدان) وجدان وجدانوه أصحي
وجدان:يااااحلوه ياشوشو شوفيه
شهد(تهمس لها)عارفه أنه حلو مو أخوي بس أذكري الله عليه<<<< من تقصد خالد مشعل أحمد محمد بنكتشف
وجدان:ماشاء الله عليه بس ليته ليته يحس فيني
شهد:العم ولا داري عن هوى دارك أنسييييييييه
وجدان(تطقها على كتفها)وووووجع لا تقولين انسيه عادي المهم أنا حاسه فيه
هيام(تلف لأختها)أيش اللي حاسه فيه
وجدان(بأرتباك):ولاشئ شنو قاطه أذنك هنا
هيام(بعصبيه)وجداااااان
وجدان:سوووووري
رنا:خلونا نبعد عنهن أحسن ونشجع
البنات :يله
هيام(تطالع بشاير بخبث)ياحلووو أخوي فراااااااس
روابي(تشد بحنيه على أيد بشاير)أهدي
طيف(فهمت بنت أختها)بسم الله عليه مزيون أنا موعارفه ليه رفعت الخشم أخضعوووو
هيام:صادقه والله مو عارفه
رشا:بنات خلاص
بشاير(توقف وبعصبيه)لا تقطن نغزات وكلمات خلاااااااااااص تعبت
روابي(توقف جنبها) هدي بشوره ماعليكي منهن
بشاير:أففففففففففف ذبحني أنا(وتأشر بأصبعها على راسها)كيييييييييفي كيفي كيفي فاهمااااااااااااااات
شهد(من وراها) بشاير خلاص الكل قعد يطالع لك
بشاير(لفت وأنحرجت)أأأأأأأأسفه
روابي:بشاير وين رايحه تعاااااالي
بشاير(بعصبيه) لجهنمممممممم
خالد(يطالع لاخته)شباب فايف منت بليييز(لحق اخته ومسك يدها)أنتظري أنتظري بشاير ليه معصبه
بشاير(بنظرت حزن)ولا شئ
خالد:أنا أعرفهن إيش قالن لك
بشاير:سوالف بنات عادي أرجع ألعب
خالد:ماراح ألعب لين ترجعين وتشجعيني
بشاير(تبتسم)بس كذا عشان خاطرك برجع اشجع
خالد:وماعليك من هرجهن أوكيه
بشاير:أوووووووووكيه
وشجعو البنات كل وحده أخوها وفي قلبها من تحب وفاز فريق فهد2_1
اليوم_ _ _الثاني
حمد:يله شباب أصحو بسكم نوم
أحمد:همممممم ياأخي فارق مانمنا إلا الصبح
زياد:أأنت أيش مصحيك بدري كذا
حمد:أأنت ناسي الشياب لازم أفطرهم يله عاااااااااد أصحو
فراس:أفففففففف طيب أيش دخلنا رح لهم
حمد:مالي خلق أروح بروحي كل ما جيتهم يبدون نصايح ليه ماتتزوج أخطب من بنات عمك تحت امرك وأن تبي من ترى كيفك ملاك محتاجه أم وأمك تبي تشوف لك ولد يوووووووووه يصدعون
أحمد:لا والله أحلف بس ماالحال من بعضه كلنا بالهوا سوى
حمد(بخبث)أدري أبي يحطون الحره فيكم وينسوني
فراس(رفع المخده وضرب حمد فيها) نذذذذذذذذذل
حمد:طيب مخصوم من راتبك على هذي الحركه
فراس(ينط ويحب راسه)لاأسف طال عمرك عمي حمد
الكل:ههههههههههههههههههههههههههه
فهد:وأنا أخوك أتركه وتعال معنا ليه المذله
فراس:معاه أطلع أروح على كيفي أما أبوي يحاسبني على الخروج والدخول
حمد(يلعب بحواجبه لفهد) شفت عارف قيمتي
خالد(توه صاحي) إلا ذليته
حمد(يحب راس فراس) ماعاش من يذل أخوي أبوحمد
جراح(يحط أيده على عينه) إهئ أهئ إهئئئ خليتو الدمعه تفر من عيني اقووووول قم أنت وياه كملو عواطفكم بره خلونا نناااااااام
حمد:خلااااااااص أروح أنا ناموووو زين
فراس(يوقف ويلبس ثوبه) معاك يابوملاك
فهد:وأنا ليه أجلس طيرت النوم من عيني أروح أفطر أحسن
أحمد:دام فيها أكل أنا معكم يله
حمد:طيب بروح أجيب الفطور غسلو وواحد يجي ياخذ الشاي والقهوه
الشباب:طيب
دخل فارس المطبخ وتجمد في مكانه من اللي يشوفها بنت شعرها كيرلي بني خصل ذهبي وبيضه تسوي لها توسته حست أن أحد يراقبها رفعت نظرها أرتسمت على وجها علامات تعصيب منه لفت وحطت طرحتها(لفتها)على راسها ووجها أخذت توستتها وطلعت ولأنها ماتبي تكلمه دزته عن طريقها
فراس:أأأي وجع
طيف (تدخل المطبخ) هلا فروس شخبارك
فراس:هلا طيف أممممم طيف من ذي اللي تو طلعت
طيف(تبتسم)ماعرفتها اللي أنت رافضها وإهي بالمثل
فراس(متفاجئ)بشااااااااير
طيف:أيه بشاير إلا أنت ليه جاي للمطبخ بغيت شئ
فراس:هااااااه....أأأيه جيت أخذ القهوه والشاي للشياب
طلع فراس والفكر مع المزيونه ياكل معهم ومو معهم
فراس(في نفسه) معقوله أحلويتي يا بشاير أنا أنا رافض ذي الزين صدق ما افهم
أحمد( يلكزه بكوعه)فراس فراس
فراس(تنبه)هاه هلا
أحمد:علامك ما تاكل
فراس:هذاأنا أكل كل أنت بس
حمد(يهمس له)علامك
فراس:بعدين أسكت بس
أما بشاير اللي من شافت فراس أهي بعصبيه والكل لاحظ بس السبب مجهول
مناير(تهمس)روابي شوفي بشاير كيف تاكل
روابي(تطالع لبشاير) شكلها معصبه لحظه(لفت لبشاير)بشاير أيش فيك
بشاير(بعصبيه) مافيني شئ
هيام:مولعه الأخت
بشاير(لفت لها بعصبيه) جـــــب أنتي
هيام:وأنا أيش سويتلك
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك