رواية بقول ولا تقاطعني -25
"نـوف"
كنا جالسين انا والوليد في المطعم وانا كل دقيقه اوكله هههههههه..وهو ينحرج مني بس خل يتعود
الوليد:نـوف..خلاآص عاد اعرف آكل ترا
نوف بـ دلع "ماصل":وليد.يعني ماتبيني اوكلك بيدي؟؟؟
الوليد خـق:امزح يابعد عمري انتي..وكليني وشربيني بعد..احد يحصل له توكله نوفوو ويقول لا
ضحكت >يامحلي
رن جوال الوليد وانعفست ملامحه..هذي كل شوي تدق
نوف:من اللي دق عليك ؟
الوليد:واحد من الربع..قلق لازم كل يوم دق..تقولين مضاد حيوي
نوف:هههههههه
"بعـد أسبـوع"
دخلت البنك وانا متملله..افف ماتسوى علي اشتغل وأكرف نفسي..دخلت المكتب وكانت نجلآ جالسه ومدري وش تسوي بالكمبيوتر اللي قدامهاا..جلست على كرسيي وطلعت لابتوبي وحطيته جمبي وجلست اشتغـل..دخل رجـآل وعطا نجلآ كم ورقه وطلع..حطيت يدي على خدي..الحين احنا بالسعوديه ليش الشغل هنا مختلط؟..لوني داريه كان ماأشتغلت هنا.. بس الحاجه مقدر اقدم استقالتي
نجلآ وعينها ع الاوراق:وش فيك سرحانه؟
منال:ابد! بس افكر ليش الشغل مختلط؟
نجلآ:مب مختلط
منال:في قسم رجال وقسم حريم..بس أي رجـآل يقدر يدخل بسهووله
نجلآ:مب شرط..بس لآن مدرينا رجال لاأكثر
منال يهمس:اول مايجي المحامي ابترك الشغل
نجلآ وهي تطقطق ع الكيبورد:أيـش؟
هزيت راسي:ولا شي..
نجلآ طالعتني:الا بسـألك..اخبار المزيون اللي جابك ذاك اليوم؟
منال:تقصدين سلطان؟
نجلآ:مدري..اللي جابك
منال:وش فيه؟
نجلآ:معد جـآ..
حسيت بغيره شوي وش دخلك فيه:ليش؟..وش يخليك تسألين عنه؟
نجلآ تهز كتوفها..الاسبوع اللي جلستها مع نجلآ عرفت عنها بعض الاشياء صحيح الى الان انا امضه بالنسبه لها وهي نفس الشي..بس اكتشفت ان شخصيتها قويه..وماترضى على نفسها وكرامتها فوق كل شي..بس نفس الوقت لاحظت انها من النوع الخفيف دم..يمكن شفافه شوي
نجلآ:وش يقرب لك؟..اخوك؟..زوجك؟..مع اني ماأظن
منال:لا! ..اخاف اقولك واطبح من عينك
نجلآ ابتسمت:شدعوه!..قولي كلنا بنات
منال:ههههه شدخل.."كملت"..اوكي..انا عايشه عندهم فتره بسيطه
نجلآ وهي تناظر شاشة الكمبيوتر..:حسيت انك مشتغله هنا لظروف
مدري ليه عدم اهتمامها عطاني دافع اني اقولها كل شي..عكس لو كانت متلهفه..يعني لو بتجلس تسألني كان يمكن انفريت منها..بس هي ماأتهمت او تمثل عدم الاهتمام
منال:أيه انا حاليا مالي اهل
لفت علي بقوه..حسيت ان رقبتها بتنفك من جمسها:لقيطه؟؟؟؟
ارتعت وقلت بسرعه:لالالا..
علمتها سالفة المحامي:الله..4 شهور؟؟؟..صدق طويله
قلت بقل حيله:شفتي؟ اجل انا وش اقول؟..بس احياننا ماأبي افكر بالموضوع
نجلآ:احسن لك والله..تدرين؟ عندي لك فكره؟
منال:ايش؟
نجلآ:تزوجي ذاك الاطخم؟..وش رآيك؟
منال:هههههههههههههههههه..على كيفي هو؟
نجلآ:هههه..ولا ودك انتي ووجهك
منال:احد يعاف هالزين
نجلآ:اثر عينس زايغه
طارت عيوني:حراام عليك..وشو زايغه
نجلآ:ههه امزج معك
"آلوليـــد"
دخلت البيت وأستقبلتني نوف كـ العاده استقبال حاار..ضمتني وانا بس ادور الفراش
نوف:كيفك يالغـآلي؟
الوليد:الحمدالله انتي؟
نوف:ههههههه..وراك تقولها ونفسك خايسه
الوليد يوخر عنها:أبي اناااااااااااااااام
نوف تمسك يده وتجره ع الغرفه:أوكي..امش
ودتـه للـ الغرفه عشـآن وهي طلع عشان تكلم صديقتها
"طـلآل"
حالي ماكان احسن من الوليد..دخلت البيت وانا هلكـآن..جلست والله شمس الرياض حااره شكلي كنت متهني يومي بجده ماأطلع الا السـآعه 6 المغرب
غلا ومعها كاس مويه تمده لي:الحمدالله ع السلآمه خخخخخ
اخذت الكاس وانا مبتسم..جلست جنبي:طلول انت تعرق؟..كل هذا حر؟
طلال:وأكثـر
غلا:امممم طيب انا مجهزه لك الحمـآم..
طلال:شكراً
وقـآم للـ الحمام..استغربت من كلمة "شكرأً"..وش عنده صاير مؤدب
خخخ انا اللي وش عندي صايره ادقق على حركاته هو ماقال الا شكراً..
أول ماطلع من الحمام لبس بيجامه وانسدح ع السرير..مسكين شلكه تعباان حيل.. الظاهر مكروف كرف مب صااحي في الشغل لانه اخذ اجازه اسبوع..
جلست جنبه وانا اطالع فيه..كيف قدر يتحمل بعد اهله مره وحده؟؟..معقوله في احد يقدر يتحمل..انا مقدر اهلي كلللللهم يموتون في يوم واحد..لا مرة ابوه اخر مره شفتها يوم العرس
الله يهديها..لقيت نفسي انسدح جنبه واطالع فيه..اممممممم اوصف لكم شكله؟
وجهه طويل شوي..مسوي سكسوكه..انا انبهت لـ عمه الصغير اللي اسمه سلطان..هذاك مب مسوي سكسوكته زي طلال لا..هذاك حقته زي حقة الملك عبدالله الله يحفظه..عم طلال سكسوكته شنب وثمن شعر فالذقن وبس..اما طلال لا..ياحوبي له..سكسوكه كاامله..امم خشمه طويل شوي بس مب مشينه..عيونه وسيعـه واحسها بريئه عكس عيني..ضيقه وحاده شوي..على طاري العيون هههههههههه..فتح عينه وأبتسم لي
طلال:وش تطالعين؟
غلا :أطالعك
طلال:تراي شين لاتتحمسين واجد
غلا:أفـآآ..اجل انا بعد شينه
طلال:ههههههههههههههه..لا انتي ملكة جمـآل
غلا بدلع:احلى من لميـس
ضحك من قلب هالمره..مارد علي وجلس يطالع وجهي..قلت بحيـآ:ارجع ناام..ابي اطالع فيك
طلال سكر عيونه:لا تطالعين فيني..روحي سوي لي كبسه ابي لامني قمت القاها ع الطاوله
علا:هههههههههههههههههههههههه..ان شالله عمـي
"سلطـآن"
طلعت من بيتي وانا لابس وقااضي باقي على طلعتي نص ساعه فكرة اقضيها مع امي..بمـآ ان ست الحسن صاحبة البيت بالشغل..
والله اني احياننا أبي اروح لـ أمي بس تكون موجوده فأهون...مب لازم اجلس وأقاابل وجهها..يكفي موافقي معها يوم التخرج..
وانا جـآي شفت ابو عبدالعزيز جـآي ومعه ولده عبدالعزيز..سلمت عليهم
دخل ابو عبدالعزيز واما استلمت عزوز:هااه يالاخو اشوفك جاي؟..وش عندك العاده ماتذكرنا الا بالاعياد
عزوز:وش دعوه ياعمي..حرآم عليك
سلطان بنظرا شك:وعمي بعد؟؟..العاده سلطان حااف
عزوز:ههههههههههههههه..افاا يعني الواحد لامنه جا بيوصل اهله تحاسبونه
سلطان:افا لا ماقلنا كذا..تفضل..
دخل عزوز ومعه سلطان..وجلسـوآ مع ام عبدالله
"هيفــآ قبلهأ بـ وقت"
هالمره مافي مفر ماأبي اطلع صغيره بـ عين رنا وصديقات عبير..لازم القـى طريقه اطلع فيها..
طلعت من غرفتي وأتجهت لغرفة عزوز لقته يطالع في دولابه ويدور الظاهر أي ثوب يلبس..هالرجال كل ثيابهم زي بعد بس اختلف اللون...ومابعد دخل الشتـآ عشان يلبس ثوب اسود ولا بني..
عزوز:وش بغيتي
طالعت فيه وانا اقول:اممممممممم ودي اروح عند عبير
تغير وجهه:قلتي لـ أمي؟
هيفآ:لا..بس ابي اشوف اذا بتقدر او لا
عزوز:انا طالع اقدر اذبك على طريقي روحي شوفي اذا امي موافقه
نطـت هيفـآ لـ أمها
- يعني كل يوم هالمـوال؟
هيفآ:يووووووه يمه بليـز؟؟
ام عبدالعزيز:روحي واللهم اني بريئه كان في منكر ولا شي في عزيمتهم
هيفا:لا افا عليك اصلاً انا قلت لعبير اني ماأبي هالاشياء..واذا تبيني اجي قلت لها لازم يصير مافي اغاني او أي شي
ام عبدالعزيز:كفـو بنتي..الحين روحي وانا متطمنه...
صحيح ان ام عبدالعزيز مب متطمنه مثل ماقالت..بس اهم شي ان هيفا طلع منها شي يخليها تفكر انها تتغير
طلعت هيفآ من هند امها وهي تحس بتأنيب الضمير لان امها صدقتها..
"ع ـبير"
دخلت الغرفه كانوا عهد ورنا جاييني..انا كنت توني مخلصه من مكالمتي لـ ثامر..
عهد:أقول بنت عمك مهيب جايه؟
عبير وهي تجلس وتلعب بجوالها:الا..تخيلي؟
عهد بصوت رجولي معتاد:لازم نلقى طريقه نضمها للقروب..لاتنسين انها درت انك تكلمين ثامر
رنآ:امممم..انا أقول اننا نقنعها على شوي شوي..يعني مب مره وحده
عبير التفت على رنا وقالت بنظره:لانسين من اللي قاللي اعلمها..ولا انا كنت ناويه اسكت
رنا:ههههههههه..اقص غرتي كانها معلمه احد..لوها قايله لحد من اهلها ماأظن بيخلونها تجي عندك ..فكري يابقـره
عبير طنشت كلمة بقـره:اممم..أحس انها تبي تجرب اللي احن نعيشه بس شي مانعها غير اهلها
عهد هزت كتوفها:اكيد خايفه مافي شي ثاني..
وطالعت رنا اللي أيدتها:الا صح..الخوف
عبير:انا أبوي ذا اليومين تعبان مدري وش فيه..اظن لو ستخدمها حجه انها تزوره يكون احسـن
عهد:ابوك تعبان؟
عبير:ايه بس الى الان محد يدري غيرنا اهل البيت..محمد واللظ ظاق صدره بس مب اول مره يتعب كذا..يعني ان شالله ماراح يصير شي يخووف
رنآ:من قلتي ابوي تعبان وبكل برود حسيت انه شي عادي..الله يقومه بالسلآمه ان شالله
رن جوال عبير
المتصل>>هيفـآ
عبير:هلا هيفا
هيفا:افتحي لي انا عند الباب
عبير:اوكي..
طلعت عبير عشـآن تفتح لها
"نـوف"
كنت أكلم صديقتي شادن ودخل على الوليد..أبتسمت ماأنسى شكله يوم العزيمه اللي سويناها بدل العرس..كآن متوتر هههه ..بس هو وعدني يعووضني لان حلم العرس والزفه والكـوشه حلم اكثـر البنات..
الوليد وهو يجلس ع السرير:اخباركـ؟
نوف وهي تجلس على كرسي التسريحه:الحمدالله...وش فيك
الوليد:عمـي ابو محمد.."فضخ شماغه ورمآه"..اليوم فالدوانيه دخل محمد ولد عمي وهو مكشر وزعلان يوم سألناه قال ابوه مريض شوي
نوف:اها
الوليد :بس عادي يعني مب اول مره يقولنا كذا..يعني قد صارت قبـل..
نوف:لا ان شالله ماراح يصير شي..ويقوم بالسـلآمه×|الفصل الرآبع عشـر |×
"حبك لي..نزوه؟"
طلعت من شقتي وانا العب بالمفتاح حقـي..أتصلت على فهد صديقي مايرد حتى راشد..انا دريت انه مب مع الممسوكين بس انه التبن مايرد اكيد متوزي هالخكري..
ركبت السياره وانا ناوي اخذ لي كم دوره ..كود احد يرد علي وورأف بحالي..لوني داري كان أخذت معي نوف..ياحبي لها الحين صار لنا اسبوعين متزوجين..وهي الى الان معـآملتها لي مثل قبل..يقولون الزوجه تبدى تفتر بعد شهر..اممممممممم..جآيز..!
جلست ادور ووصلت عند أشـآره..شغلت اغنية take abow...من ذوقي طبعـاً لان انا الاغاني الخليجيه ماتستهويني كثر الغربي..
"محمد"
- يبـه الله يخليك لاتطلع!..شف شلون انت تعبـآن
ابو محمد:ادري ياولدي..بس لازم اوجب الرجآل..انت تدري انه اقرب اصدقااي ولا اقدر اتركه وهو تعبان
محمد:معليه انا أوديك
ابو محمد:لايامحمد انت مشغول..يلله فمان الله
لحـق محمد ابوه يبي يقنعه بس من غير فايده...
"يـآسر"
دخل البيت وهو ماسك العصى حقته..ويتحسس الجدار الى ان يوم يوصل للباب..
- هلا والله
أبتسم ياسر يوم سمع صوت امه:هلا يمه
أول ماجلس على الكنب..:ياسر يامي..تراني داريه انه ضايق صدرك ان العرس تأجل.بس وش نسوي..ان شالله هذي اخر مره
ياسر:لا يمه عادي..لاضايق صدري ولا شي..بس هو كان مفروض بعد أسبـوع..ولا تأجل وهالشي فآجأني
ام يآسر:وش نسوي الشكـوى لـ الله أبوك هو انشغل وجته السفره فجأه ولا تسآن مفروض انك معرس
أبتسم ياسر على معرس..يعني المفروض ليان جنبه..
×
×
فهده وهي تمسك يد ليـآن وتقول بطريقه رومنسيه ماتركتها من جت:آآآآآآآآلله يعني معك وقت
ليان تفك يدها:ههههههههه لو ربي يفكني من رومنسيتك كان انا بخير
فهده:محد علق ريـآن فيني الا رومنسيتي
ليان:ههههه الله يوفقكم..الا تعالي وش طاري عليك من جيتي وانتي ماغير طايحة لي حركات..وش عندك؟..قولي
فهده:آمممم انا الله يسلمك نشبت في حلق ريـآن انه ياخذ اجـآزه عشاني منزعجه منه..كل وقته شغل..قام ووعدني انه ياخذ اجاازه حتى من نفسـه..هههه
ليـآن:نفسه؟..ياحافظ
فهده:ايه رجال مايجون الا بالعين الحمرا
ليان:ترا عندي رقم جواله كان تبين اعلمه
فهده:لا ليوونه حبيبتي!..احبك انا
ليان:ههههههههه
"منـآل"
طلعت من البـنك وانا منهد حيلي من الشغل..ركب السياره وطلبت من السواق يشغل لي أغنيه هاديه..ومشـى جلست اطالع بالشـوآرع وانا افكر هل ممكن بيكـون في بيت يلمني بعد هالحوسه اللي صار..والمحامي هذا اللي صار لي شهرين احتريه وش يسوي مسـآفر..لايكون بيحل قضية فلسطيـن؟؟
طالعت قدام..امممم اظن عنده شغل مهـم..بس ماأظن اهم من شغل انه يقلى لـ بنت اهلها..بنت لو أي حركه من أي شخص تمس شرفها..أحياننا اقول لو أني حرمه في الـ 40..هل بيقبل احد يضفني؟..ماأظن
طيب سلطان اذا مب متحمل وجودي..ليه ماخلاني وين مالقـآني؟؟..ليه رحمني وأشفق علي؟
تسـؤلات ماراح القـى لها اجوبه..الا منـه..من جد احسه يلعب غلي..لا..يلعب بي
أحيآننا تقهرني بعض الاسـأله..يعني ليش اني عايشه في بيت ناس لاأعرفهم ولا يعرفوني.. طيب انتوا حطـوا نفسكم في مكاني..لاسمح الله كل اهلكم اللي تعرفونهم ماتوا؟..ومالكم الا هالبيت اللي فيه حرمه تعتبرك بنتها وبنتها اللي لك مثل الاخت وماشفت منها الا كل خير؟؟..واللي يقولون اطلعـي عنهم..ويـن اروح؟؟..دار رعايه؟؟..مستحيـل..ماراح اروح..انا كل جلستي هنا مب لسواد عيون سلطان..انا فالاخير مراهقه..يعني يمكن حبي له يصير حب مرآهقه..او يمكن مب حب ليه حكمت انه حب؟..وزياده على كذا انا احس بآالامان دامني قريبه من أبو عبدالعزيز..وفي احضان عايلته اكيد يعرف شي..آآخ انا اكذب على مين الظاهر على نفسي..أبو عبدالعزيز اكيد متعاطف معي..والظاهر مايعرف شي
{هذي بعض تسؤلات بعض القراء اللي مـت وانا اجاوب عليها ^^}
"آلوليـد"
طفشت وانا افتر في هالشوارع..ياليـل البعارين..محد راضي يطلع معي..وقفت عند أشـآره وانا اغير الشريط اللي طفشت منه وهذا حاالي..
أول مارفعت راسي شفت ناس متجمعه وعرفت من هالتجمع ان صاير حادث..نزلت من سيارتي..خبركم تأدية واجب..اللقافه ذابحتني لازم اشوف واتطمن على النااس اللي بالسياره ههه..مع اني وااثق تمام الثقه انهم شبـآب..وأكيد مسرعين ..
أول ماوسلت ماقدر اشوف شي من هالتجمع..سألت وحد طعععس كان لابس ثوب نصه مغبر وقصير ولابس طاقيه طووووويله ومادخلها كلها في راسه ههه..
الوليد:لو سمحت!..وش السـآلفه
تكلم والحمدالله اني فهمت لان مثل هالناس يحكون حكي..خلنا ساكتين بس:والله ياأخوي ماأدري..انا كنت رايح اتعشى في بوفية 88..وشفت هالحادث..
الوليد:بوفية 88؟؟
أشر على مطعـم..كان ماكدونالدز..ههههههه..اجل ماك صار بوفية 88؟..لا ويوقولها وهو يفتخر انا ماسألته وش تعشى بس للزوم الكشخه..مايدري اني من 4 سنين ماكلت منه..اففففف أأكررررره
..أستغفر الله..جلست "ازورق"..بين الناس..ماكانوا شباب بلعكس كان رجـآل كبير..لحظـه!!
جحظت عيون الوليد وهو يطـآلع في الرجال المدد قدامه..كان عمه...عمه ابو محمد وكان ينتفس بصعوبه راح له بسسسسسسسرعه..وجلس عنده
الوليد:عمـي..عمي فهد الله يخليك رد علي
طالع فيه ..كان نص جسمه تحت السياره والنص الثاني بـرآ..الموت بينـآل منه خلاااص.. صرخ الوليد ع الناس اللي حوله:اتصـــــلللوا ع الاسعاااااااف.. بسررررررررررررعه!!!!
حس بيد عمه تمسك يده..ناظر فيه:أ..ألـ..الوليـ...دد
الوليد اخذ يده وباسها:انتظر عمي..والله لـ أطلعك بس اصبر
أبتسم وهو يقـآوم الالم:الوليد اسـ..مع..ريم يا..لدي..ري...م!
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك