رواية بقول ولا تقاطعني -1
[مؤلم]
أن تشعر بالظلم وتعجز عن الانتصار لـ نفسك
[مؤلم]
أن تضطر إلى تغيير بعض مبادئك لتساير الحياة
[مؤلم]
أن تتظاهر بما ليس في داخلك كي تحافظ على بقاء صورتك جميله
[مؤلم]
أن تعاشر أناساً فرضت عليك الحياة وجودهم في محيطك
[عندمـا نحب]
تتغير نظرتنا للأشياء و يتغير تفكيرنا في الأشياء و يتغير إحساسنا بالأشياء
[عندمـا نحب]
نحلم بصوت مسموع و نبتسم بصوت مسموع و نشتاق بصوت مسموع
[عندمـا نحب]
نحب الليل كثيراً و نحب السهر كثيراً و نحب القمر كثيراً
{ أروع اللحظات} هي عندما تستطيع أن تُحسِنْ إلى من أساء إليك
{ أروع اللحظات} هي عندما تبتسم للأمل والألم يقطعك من الداخل !
{ أروع اللحظات} هي تلك عندما تسمع صوت الحبيب
{ اروع اللحظات} عندما تجد من يحبك ويخلص في حبه لك
,
‘,‘همسـه‘,‘
ليس مايقـآبل الرجل العصري...المحافظ..
بل يقـابله "القديم"..انما مايقـآبل المحافظ هو
"المتحـــــر"
,
بـ قلم: عاد انا اللي احبكـ
~بقول ولاتقاطعني~
×|الفصل الاول|×
" العنا .. وشهو العنا ؟"
دخل البيت..الشـآب اللي مابعد كمل الـ 23 من عمره..همه كبره 20 سنه قداام..رمى بـ نفسه وثقله على السرير وتنهد:آآآآه الحمدالله...اليوم اخر يوم من العزا..الله يرحمك ياأمااني!
أبتسم..من قلبي هـ الكلمه؟؟..هذا زواجي اللي ماكان بـ رضآي لـ حد ماا..ماكمل السنه على بعضهاا..
×
هذي هي تجر بـ سريرهاا..البنت اللي مابعد كملت الـ 18 خريفاً من عمرهاا تسحب بـ سريرها الابيض الملئ بـ ريحة البنج لـ غرفه..ماأدري وشهي الغرفه بـ الظبط..اسمع الدكااتره يتكلمون بس كأني فقدت القدره على الفهم..كنت اركض وراها مثل المجنون..وكأني طفل يركض ورا لعبه هو عاارف انه ماراح يجيبها ابد..
"قال بـ رجا اول مره"- يادكتور..خلااص انا ابروح بها برآآ
الدكتور طالعني بـ نظرات كأن وده يضربني:وش عقبـه؟؟..اللهم اني برئ منك..
دخل الدكتور الغرفه..وانا أشوف اختي اللي في المرحله المتوسطه..وامي واخت زوجتي وامهاا..يصيحون!..وانا؟.."انا المفروض" اصيح
طلع الدكتور وجهه مايتفسر..قالت ام امااني:هاه يادكتور..بشرنا عن امااني
الدكتور بـ نبره:تطلبكم الحل!..ادعووا لها بـ الرحمه
الام:لاآآآآآآآ..
دخلوا اهلي في دواامه من الصيااح والنيااح..وانا لاتعليق..حسيت بـ نظرات الدكتور شوي وتاكلني..لكني رديت عليه بـ نظره مثل نظرته..مب انت ولا أمثـآلك اللي يطالعني كذا!!
رفعت الحاجب وحول نظره عني ورااح..طالعت فيهم ..في حالتهم..حزنهم هذا سحابة صيف انتظروا سنه وراح تفقدون هـ الاحساس..
حطيت يدي في جيبي ماأخفي عليكم ان الحزن دااخلي ينهشني نهش..بس مقدر ابين..ماأعرف.. مقدر حتى انزل دموع مثلهم..اصعب شي اوآجهه الحين هو التعبير
طلعت من المستشفى وانا اترك ورااي شتات..بقآياا!...والاهم..تركت ورآي "جثـه"
جثـة زوجتي!
"بعد مرور 7 سنين"
كنت ادور في الساحه..اليوم اخر يوم..خلاااص..خلصت الثنوي...نقلت عيني بين اجزاء المدرسه..والله بشتااق لأياام الثنوي..من احلى اياام عمري.."ابتسمت" ..هو اصلا انا في من اياام عمري حلووه؟..كلها تنعد ع الاصابع..مو مشكله انا اخذت ع الوضع...ناظرت ساعتي.. اممم..تأخر عمي..اكيد الى الان في الشغل..تذكرت الاياام والسنوات اللي راحت..كنت دايما اخر من يطلع من المدرسه..انا ابغاا احافظ ع الباقي من ماء وجهي..كل يوم المناوباات ملطوعين مساكين عشاان حظرتي عمي ماجاا ياخذني..كل وحده وراها زوجهاا وعيالهاا..حتى لو ماكانت متزوجه..تبي ترجع ترتااح...الحين الساعه 2ونص...مابقى الا شوي ويجي...اصبروا شوي يامعلمااتي الحبيباات..خخخخ..
طاحت عيني ع الزاويه اللي عندها البرااده..تذكرت اياام يوم كان عندنا يوم مفتووح..كانوا بعض البناات اللي تطق واللي تصفق..والجريئاات منهم كانوا يرقصون..وتجي المديره..وتهزء وكل البناات ويتفرقون..تحت شعاار.."نفسي نفسي" .. ههههه..واول ماتروح لـ مكتبهاا يرجع تجمعهم..خلاااص هـ الاياام رااحت..تذكرت اليوم بالاختباار..طالعه وانا حالّه زين..والله ان مرة عمي تطلع منها حركاات حلووه احيانا..مااشغلتني بـ شغل البيت..تبي رآآحتي..خخخ..انا العب على نفسي ولا على نفسي؟..هي بس فترة الامتحانات ومن اجي اكيد بتكرفني كرف يحبه قلبي..بس نشوف من الناحيه الايجابيه..تعلمت الطبخ والكنس والترتيب من بعد ماااكنت دلووعة العائله..اممم....الحين انا مدلعه نفسي بنفسي لازم الوحده تلقى منهو يرضي غرورها ويراضيها وقت زعلها..ولا بتلجئ للـ الجنس الاخر..ههههه..والله وخربتني بعض الدروس..
سمعت صوت البواب وهو ينادي بـ اسمي اخيراا
اخذت شنطتي السودا..وعبايتي اللي ع الرااس..ابتسمت للـ استاذه اللي هي بدورها بادلتني الابتساامه
الاستاذه:حليتي زين يامنال؟
منال:الحمد الله..ماتشوفيني مبسووطه ياستاذه؟
الاستاذه:عقبااال تخرجك من الجامعه يارب
منال اكتأب وجهها:ربك كريم ياأستااذه..
ابتسمت لي وانا لبست عبايتي وحطيتها على راسي..
طلعت وانا اسمع صوت البواب يتحلطم..ههههههه..اكيد مني..طيب انا وش اسوي ياعم رمضان..لازم اقوله عم لان..امممممم..مدري بس من جيت لـ قسم المتوسط والثنوي والناس تقول عنه عم رمضاان...يمكن تنطبق علي مقولة مع الخيل ياشقراا..خخخ
ركبت السياره:السلااام عليكم
بس مافي رد..
اكيد معصب..عمي من عرفته وهو مايروق الا مع سيجااره بعد المغرب..الناس تسبح وتهلل وانت تدخن..اللهم اصلح شباب المسلمين..لايروح تفكيركم بعيد..عمي موب شااب.. اممم..يمكن انه ابوو 45 سنه..بس مارزقه ربي بـ عيـال..بس انا ماأعرف وش تفاصيل هذا الموضوع هل البلا من زوجته ولا منه هو؟؟..بما اني قلت عمر عمي بقولكم بعض الاشيااء عنه..يمكن من العبث اني اقولكم شخصيته ووش يحب وش يكره لان كل شي بيتضح مع الاياام.."مع الصفحاات الجايه"..امم..اسمه حمد...عمي الوحيد اصغر من ابوي بـ سنتين..
تزوج وهو عمره...اذا انا موب غلطاانه 32 سنه...كبير موو؟..بس يلله هذا اللي تبغااه اغلب البناات..انه يكوون كبير...ابتسمت يوم تذكرت كلااام صديقتي..يوم تقول..انا ماراح اتزوج واحد عمره تحت الـ 25..بزر توه طالع له شنب وفرحااان فيه...والله ان اصابع يدك مو وحده..ماتدرين يمكن يجيك زوج عمر 20 وعقله ورزانته وكأنه بـ الـ 50.خخخ..ماكأني بالغت؟..خلاااص غيروا موضوع الزواج..قطعنا في جلوود الذكور المساكين..يمكن ماأتزوج وش درااكم؟؟..
حمد بـ عصبيه:انزلي يلله
نزلت من غير نقااش..او حتى حسسته اني موب راضيه بـ أسلوبه..امم رضاي مو مهم لـ درجة اني نااسيه اني اشعر بهـ الشعور
دخلت البيت..ولقيت مرة عمي..كانت جالسه في الصاله وباين انها معصبه
دخلت انا وعمي:السلااام عليكم
مرة عمي:كان تأخرتوا بعد؟؟...موب احسن؟؟
عمي:يامره ترااني تعباان وابي اناام مانيب فاضي لـ حنتك
مرة عمي:ايه تتهمني بـ اني انا اللي اجيب لك التعب وعوار الرااس..بلا والله من هـ الشغله اللي ماتجيب فلوسن زينه
عمي:هو فيه البديل وقلناا لا؟
مرة عمي:اذا ع البديل في مليوون بديل
مرة عمي تناظرني بس مافهمت نظراتها..من زمااان وهي تناظرني كذا..ودي اقولها.."خير وش تناظرين؟..معجبه"...ههههههه..والله ان تسطرني وتحطني بـ الخلاااط..
مرة عمي:ليش الضحك؟؟..
صديت بـ وجهي لاني مقدر اخفي ابتسأمتي:ولاشي
مرة عمي:روحي غيري مريولتس..وع المطبخ بسررعه
منال:ان شالله
رحت فوق لـ غرفتي..
غيرت مريولي..الله معدني لابسته..بس والله خسااره اياام الثنوي من احلى الاياام..كرف ومذااكره بس وناسه..كانوا صديقاتي يقولون ان المريول حلوو على.. والله اني جلد على عظم ..عباره عن تنوره رمادي وقميص ابيض..هذي مرآييل المدارس الحكوميه ...
لبست جلاابيه عنابيه..وربطت شعري..لان عمي مايحب البناطيل...بس تنانير وجلابياات..
ناظرت ساعتي بقا ع السااعه 9..6ساعات...
تدورن ليش؟..عمي الله يصلحه من الساعه 9 يبدا مفعول السجاير يروح..طبعا بـ حكم ان الزقايز هي اللي تخليه يروق..يعصب ويقلب البيت فوق تحت في هذه الاثناااء انا اكوون في غرفتي..بس هذا ولاشي عند الساعه 2او3 بـ الليل..لانه يكوون...سكـــــــــران!
بس لاتخافون مب داايم يسكر
الله يهديه بس...صدق ان المسكر ماحرم عبث...لانه سبب مشااكل كثيره..كذا مره بغاا يجيني حقي منه..بس مرة عمي كانت تمنعه..صحيح انهاا نجسه بس تطلع منها حركاات حلووه
مثل يوم انهاا ماخلتني اسوي شي اياام الامتحاانات العاده الشغل فوق راسي..
مـرة عمي تصاارخ من تحت:منآآآآآآآآآآآآآآآل
منال:ان شالله جاااااايه
نزلت تحت وانا اهرول..يوم وصلت لـ أخر درجه كان عمي راقد ع الكنب ومغطي وجهه بـ شماغه..الظااهر نايم..مسكين من الكرف اللي يشوفه يوميا...في هـ المحل..
- وش تناظرين؟..يلله ع المطبخ
منال:ان شاالله..
بسم الله متى جت ذي؟؟..
رحت للـ المطبخ وانا افكر وش اطبخ...امممم..وش تتوقعون ممكن اطبخ؟؟..هههه..الحين اللي يشوفني يقول عندها كل مالذ وطااب..بشوف وش فيه بـ الثلاااجه..ان صارت في مكوناات للـ طبخه معينه سويتهاا..
ع السااعه5..خلص عمي غدا..
وبدا يدخن...امم..المطلووب مني الحين اروح...لاني بصرآحه مابي اتضرر
طلعت فوق لـ غرفتي...المفروض في اياام الاختبارات اصير الحين اذااكر..بس الحين ماعندي شي..فتحت الشبـآك وطالعت في حينّـآ اللي كان متوسط يعني تسكن فيه جميع الطبقـآت..
الغني والفقير والمتوسط اللي يمكن نص اللي في الرياض من هـ الطبقه..
تدرون وش سبب غلا الاسعار..هذي خظه صهيونيه..هههه..امزح بس خطه من الغرب عشان الناس تترك السياسه..الغني بيخاف على فلوسه وبيسكت اماا الفقير بيكون لاهي مع جمع الاموآل..اما المتوسط بيصير بايعها بـ ترآآب..عشان كذا الغرب يبون يخلون اغلبية الشعب اماا فقاره او اغنيااء..وطبعا صار اغلب الشعب الحين يعاني من غلى الاسعار بسبب هـ الخطه..حسبي الله عليهم
التفت لـ شنطتي حقت المدرسه اللي كانت كـآت..يمكن بتستغربون ان وحده مثلي معها مثل هـ الشنطه بس انا كنت شاريتها من قبل 4 سنين يمكن..بـ المووت وهذي هي شنطتي من يومي في ثالث متوسط..
فرغت الدروس اللي فيها وحطيتها في كيس..ثمن جبت الشنطه و المريول وحطيتهم في كيس اسود اللي يحطون فيه النااس زبايلهم..وانتم بـ كرامه
يوم خلصت اخذت نفس..سمعت صوت بـآب الجيران يتسكر..رحت عند الشبـآك وطالعته..هذا ابو عبدالعزيز..رجـآل كبير..بس يعني مو عجوز..اممم..بلكن بـ الـ50..
رجآل ديّن وملتحي..هـ الانسـآن مجرد اني اشوفه احس بـ الامان..لانه كان صديق ابوي الروح بالروح ..ويحسسني بـ الامان ..شكله من يشوفه الواحد يرتآح له....انا ماقد جلست معااه ولا كلمته حتى..خخخ تخيلوا اجلس معاه..امم..ليته محرم لي واقدر اعتبره ابوي..بس علاقته مع عمي حلووه يمكن صحيح ان مابينهم الا السلآم عليكم وعليكم السلآم..بس ينحب من اول ماتشوفه
تدرون ان الله اذا حب عبد نادا جبريل وقال..ياجبريل اني احب فلان فـ احبه..ماأدري وش نص الحديث بس المعنى ان جبريل يقول لـ الملائكه ثمن الملائكه تخلي كل من في الارض يحبونه بـ مجرد انهم يشفون وجهه..
والله ان هـ الرجال مثـآل حي على ان الخير موجود لين الحين
طآلعت بيته اللي كان حلوو صحيح انه موكبير مره بس في فخامه وذوق في التصميم الخارجي..بس من جواا ماشفته
"صوت من براا"- منآآآآآل!
طلعت من غرفتي بعد ماسكرت الشبـآك..شفت في طريقي عمي اللي كان يتحلطم..وكان معصب..ههه ذكرني بـ عم رمضـآن والله بيكون له وحشه..وصوته لماا ينادي علي..عطااني عمي دزه حلووه وهو ماار من عندي..امم..متعوده الله يسامحك..نزلت الدرج وشفت بـ عيني ليش عمي كان معصب كانت مرة عمي مستقبله صديقـآتهاا..
مرة عمي:منال..روحي صلحي قهوه
منال:امم..بس مافي هيل
طالعتني بـ غضب..بسم الله من الخوف بغيت اصير هيل..قالت بـ نبره تخفي الغضب:طيب روحي صلحي شااهي
بغيت اقول مافي لبتون بس خفت تخليني لبتون ومويه حااره..خخخ..تسويها والله..رحت المطبخ وانا ادعي ان تصير معجزه ويصير لبتون فتحت الدولاب وانا فاقده الامل..ولالقيت شي مثل ماتوقعت..رحت اسوي عصير..طبعا مو جااهز مثل حقكم اللي في البيت لا..انا مسويته كان في برتقـآل ورحت عصرته وحطيت سكر حمدت ربي انه فيه ولا كان نمت اليوم بدون عشـآ..
يوم خلصت دخلت المجلس وانا شايله العصير وحاطته في طوفريه..كان في ام حسن وام سلمان
هـ الانسـآنتين راعياات سواليف بـ شكل..ونفس عيّناات مرة عمي..
ام حسن:ماشالله منال..خلصتوا اختبـآرات؟؟
منال:ايه..
ام سلمان:عسـآتس حليتي زين؟
منال:الحمدالله
ام حسن :وش ناويه تدخلين قسم؟..خلتس في الادااره ترا ذا اليومين مايمشي الا اللي يدخل اداره
طالعت مرة عمي اللي ودها تسطرني ..اكتفيت بـ ابتساامه..
مرة عم منال:لا ان شالله علطوول لـ بيت رجلهاا..
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك