رواية بقول ولا تقاطعني -19
غلا:اوكي!..ابجلس معك
جلست تحت ع الارض معاه..وتفرجوا ع الفلم
- اقول غلاتي لفي شوي منااك
لفت غلا شوي بحيث ان التفلزيون صار جنبها..انسدح طلال على رجلهاا..:يآآآآآآآآزين الرآآحه
غلا:هههههههه..فديتك!..مرتاح؟
طلال:مررررره
"يـآسر"
- طيب رح زرهاا
ياسر:اممممممم..مدري ياميعاد..اخااف احرجها..تدرين انها تجهز
ميعاد:دق عليها طيب..ولا انت ماتدق؟
ياسر:الا..من وقت لـ وقت
ميعاد:اتصل عليها..أسألها اذا هي بتطلع عشان تزورهاا
ياسر:اوكيه
اخذت ياسر جواله اللي كان جنبه..ومده لـ أخته..دقي عليها
ميعاد مسكت الجوال:وش اسمها؟
ياسر:ليان
ميعاد:ليه ماتسميهاا اسم حلوو؟..تراكم متزوجين قريب
ياسر:لا ياختي..الواحد يخاف من العين..
ميعاد:عيـن؟
ياسر:ايه عين العين حق!..يمكن واحد من اخويااي مب مرتاح مع مرته..ويقرا اني كانت اسم زوجتي دلووعتي..ولا حبيبتي..ومن هالحركات..يمكن يحز بخاطره..وينظلني من غير شعور
ميعاد:طوول عمرك ترااعي شعور الناااس ياياسر..."وتغيرت نبرتها لـ توبيخ "...لـ درجه بتتعب
ياسر:ماعليه..يلله كل هذا تدورين رقم؟
ميعاد:ايه خلاااص!..لقيته بس كنت اسمع سالفتك
اخذ ياسر الجوال واتصل على ليان
ليآن بصوت ناعم:آلوو؟
ياسر:اهلين ليان...كيفك؟
قام ياسر وهو يتحسس عصاه..يوم لقاها طلع من المجلس وراح لغرفته اللي كانت في الدور السفلي
ياسر:دوووم ان شالله.."جلس ع السرير"..ايوه وكيف التجهيز معك؟
ليان:الحمدالله!..تقريباا خلصت اغلب الاشياء
ياسر:الله يسهل!..يلله شدي حيلك بااقي 3 اسابيع بس..
ليان:ان شالله!..امممم..ياسر؟
ياسر:سمي؟
ليان:انا في سؤال ابي اسألك
ياسر خاف:ايش؟
ليان:انت زعلان مني؟..
ياسر:..ليه ازعل؟
ليان:مدري..يعني انت ماتتصل الا عشان تسألني اذا ابي شي ولا محتااجه شي..ولا تتصل تسولف معي زي.....يعني زي لما اشوف أي بنت مع خطيبها
صحك ياسر ضحكه حلووه:وربي اني كل مره ابي ادق عليك..اقول يمكن ازعجهاا..او يمكني ثقيل دم..
ليان:لاوالله بلعـكس..اتصآل واحد منك......."وسكتت..أستحت"
ياسر:ايش؟..كملي
ليان:لاولاشي
ياسر ماحب يظغط عليها..لان الميانه مابعد طاحت بينهم:طيب انا اقولك..اتصال واحد منك..يفرررحني..ماتدرين وش كثر افرح لاشفت رقمك
ليان:تشوف رقمي؟..
ياسر:هههههههههههههههه..نسيتي؟..هماني قلت اني اشوف بلقبي
ليان:هههههههههه..لاوالله..تشوف بـ اذنك..اكيد انك حااط لي نغمه خاصه
ياسر:ياعيني عليك!..ذكيـه زوجتي
ليان..زوجتي؟..ههههه..حلوه والله:هههههههههههه
ياسر:فديت الضحكه!..احلى ضحكه سمعتها
ليان:بيااع حكي..
ياسر:افاااا..انا بياع حكي..انتي شكلك طاايحه من عين نفسك!..يوم اقولك حلووه شكل كلامي ماعجبك..والحين ماعجبك صوتك...
ليان:توااضع
ياسر:لاوالله..ماتحبين نفسك كثر ماأنا احبك!...انا عن نفسي خلاص انتي الحرمه حقتي
أبتسمت بحياا..اعتراف حلوو..صحيح بسيط وعلى قد امنيتها..بس حلوو..طريقته في الكلام الحلوو والمعسول غير.."الحرمه حقتي"...حلوووه الكلمه
ياسر:تدرين وش اتمنى؟
ليان:ايش؟
ياسر:اتمنـى اشوفك
ليان انقبض قلبها:وش تتوقع شكلي
ياسر:امممممممم..مدري والله!..
ليان بهدوء:ماأظن اعجبك..
ياسر:ليش؟
ليان:انا عاديه..يعني مو مرره..وأميـل لـ....
ياسر قاطعها:انا قلت انك احلى وحده شفتها يالياان!..وماراح اغير كلمتي لو تحطونك جنب ملكة جمال
ليان:صدق يايياسر؟
ياسر:صدقـين..مو اقولك انك الحرمه حقتي؟..هههههه
ليان:ههههههه
"نــــوف"
- يعني افهم من كلامك انك موافقه؟
نوف:ايه يمه..هذا الوليد ولد خالتي..رجـآل والنعم
ام نوف:طيب ماعليه فكري شوي
نوف:لالا يمه..ماأبي افكر..اتصلي الحين وقولي انك موافقه..وخل يعجلون بالملكه
ام نوف بـ وجه اسود:بس مانقدر نسوي زواج..طبعاً انتي تدرين ان عمك توه متوفي ولا نقدر..
نوف:ايه عادي..بس ابي عزيمه صغيره بليـز
ام نوف:ان شالله يمه!..
"طـــلآل"
قمت من النوم.شفت التلفزيون مطفى والغرفه ظلام بس الابجوره مولعه..ناظرت ساعتي كانت 12 ونص..طالعت حولي انا مب فـ البيت..وتحتي وساده و محلفتني بـ لحااف!..
أبتسمت..هذي اكيد غلا..شافتني ناايم وخلتني..اخذت جوالي ودقيت لها رنه وحده..عشان تفهم اني قمت..مالي خلق اتلكم ماأحب اتلكم وانا توني قاايم..قمت ..اووووف وش هالثوب؟.. تعفل مسكيـن..هههههههه..فصخته ورميته ع الكنب ودخلت الحمام وانتوا بكرامه
ويوم طلعت شفت غلا جالسه وفارشه سجاده وحاطه ثوبي فوقه وتكويه..أستقبلتني بـ أبتسامه حلووه..قال وهي منزله راسها تكوي الثوب:نوومه هنيه..تكفي ميه!!
طلال:شكلي نمت كثيـر
غلا:شفتك نااايم ماحبيت اصحيك
طلال جلس ع الكنب ..يحس بالجوع..بس ان طلع بمر على اقرب مطعم..لو فول اهم شي ياكل له شي
غلا وهي تسكر المكواه..وتمد له الثوب:تراني مسويه مكرونه بالباشميل..انتظر لاتروح..عشان نتعشى سوا
قام طلال وتقدم..:غلا تدرين اني احبـــك!!
أبتسمت غلا:وش طاري عليك
طلال يحط يده على بطنه:والله اني جااايع
غلا تمسك يده:يخسي الجوع..ثوااني واجيب لك العشـآ
"الوليـد"
-لعب عيال الظاهر؟
الوليد:ليش؟
راشد:مب انت تحب هاللي مخترق جهازها؟
الوليد:ادري!..انا ماأحبها بس كنت ابيها من نصيبي..بس انا ابي رضى امي..وماأظن انها بتختار لي شي بيضرني
راشد:برآحتك!..
طالعوا في بنت لابسه عبايه مزينه ومتلثمه..والمكياج اوفر وكأنها رايحه لـ زواج
- هااي
راشد:اهليـن
الوليد..لاحوول..هذي وش جابها..
مريم وهي تجلس:كيفكم؟
الوليد:الحمدالله
راشد:اسمع يالوليد!..انا ماأأيد زواج الاقارب..بنت خالتك ذي ماااش ماأحس انك تنفع تتزوج اقارب
مريم:وش السـآلفه؟
الوليد:بس انا ماعندي مانع..وبنت خالتي الحمدالله اخلاق والنعم فيها..على ماأذكرها
مريم:ان اتكلم!...وش السالفه
راشد:حبيبتي مريم....خلي الرجال يتكلمون
مريم بنظره لـ رآشد:انا أسألكم...وش السالفه
الوليد:انا بخطب بنت خالتي..هذي السـآلفه
مريم:لاوالله؟..وانا يالوليد..وحبي لك..وين وديته؟
الوليد مطنش في ابوها:آسف مريم..مستحيل ارتبط فيك
مريم:وليش ان شالله؟..وين الريشه اللي فوق راسك؟
الوليد:مريم!..انا صحيح تفكير متفتح شوي..بس مب معناه ارتبط بـ بنت من حظن لـ حظن
مريم:وش تقصد؟
الوليد هز كتفه:مدري وش اقصد
مريم:انا فـري ياوليد..واظن انك عايش برا وفاهم ان الدنياا ماتوقف ان صارت البنت فري!
الوليد:انا عن نفسي ابي بنت بقراطيها..مابي وحده.........................."وسكت"
مريم:انا جالسه انسب هنا!..اوكي ياوليد..مردك لي قامت الدنيا او قعدت..انت لي..
وقامت عنـهم!!
راشد:حرآم عليك ياخبي..البنت تموت في تراب رجولك
الوليد يطالع السوارع وهو جالس ع الطـآوله حقت الكوفي شوب:انا مقلت لها تعالي حبيني..او عشمتها فيني..هي من نفسها
راشد:الشرهه مب عليها..الشرهه على اهلها اللي تاركينها
اول مادخلت القاعه كنت جالسه ومستحيه جنب عندل وام عبدالله
ام عبدالله:هو!...منيـل؟..ورا ماتقومين ترقصين ياكافي؟
منال:مدري..خليني الحين جالسه بعدين اقوم
عندل:هههههههههههه خايفه ع البرستيج؟
منال:هههههههههههههههههههههه.."ضحكة توتر"
×
×
عبيـر وهي واققه قدام المرآيه تصلح روجها:مدري عنك
هيفا:انا خاايفه لايكون شافني بس..لاومشغل أغنية لحن المفارق بعد..ماأقول الا مالت
عبير:ههههههههه..طيب انتي ليش خايفه الموقف من زمان صاير..يبعدين جسمك حلوو ماله داعي الخوف ذا كله
هيفا طارت عيونها:من جدك؟؟..القول تيس تقول احلبـوه..انا أقول شافني تقولين "تقلد صوتها"..جسمك حلوووو..اففففف
عبير:أقول ماي لوف!..ترا رنا تبي رقمك..وانا عطيتها
هيفا:ليــش؟...من سمح لك؟
عبير:انا سمحت لـ نفسي..في شي؟
هيفا:لا..بس قولي لي اول
عبير:تبين اقولها انك ماتبيها تتصل عليك؟
هيفا:لا خلاااص.انا عادي بس قلت ليه تقولين يعني..بس
عبير:امشي بس نقوم نردح..
هيفا:عاجبني فسـتانك
عبير:مقدم..ولو ان امك مب ساامحة لك..بس حلوو لبسك يعني.."وهي تطالع لبس هيفا"
هيفا:يسلمووووو
عبير:ولو اني ماأحب اشكـآل البازرات
هيفا:حرآم عليك..هذي مصممه سعوديه مرره عسسل
طلعت عبير اللي كانت لابسه فسـتان موف فوق الركبه وسيور وفتحت ظهر
اما هيفـآ كاانت لابسه استرتش طويل لونه أسود واكمامه طويله حلوو وفخـم
×
×
منـآل"
قمت وانا اشوف رقم نجد يرن بجوالي..مره استانست
رديت عليها قالت لي انها عند البـآب رحت عشان استقبلها..
وقفت في المدخل احتريها تدخل..ثواني دخلت وحده..بس يوم فتشت مب هي..انا فـ قمة توتري..من زمان ماشفت نجد اللي كانت صديقتي من اياام المتوسط
-ميموو؟
التفت وراي شفت نجد..صررخت صرخه قويه بس ماباان صوتها لان صوت الاغاني كان قوي واعلى من صرختي..حضنتها وعلى طووووول قمت اصيــح
نجد وهي تسمح دموعها:وش عندها العاطفيه؟؟..اقول منيـّل تراك خربتي فستاني
حضنتها بـ أقوى ماعندي..وكأني ابي ادخل داخلهاا واعطيها روحي وانتـهي انا..حسيت بـ حب اتجاه نجد ماقد حسيت به..انا من اول كنت اشوفها اخت ماولدتها امي..بس هالمره غير..مع الغربه...ومع لوحده وتغير البيئه والاجواء والناس حولي..حسيت اني كل ذرة حب املكها خليتها لـ نجد..أختي وصديقتي وكاتمة اسراري..وتؤام روحي
نجد:ياليل البعارين..يلله عاد وخري
وخرت عنها وانا اضحك وامسح دموعي:هههههه..كيفك يالشينه؟
نجد:االحمدالله.."وهي تعدل فستانها"..بغت تخرب الشخصيه يختي
منال:هههههههههههههههههههههههههههههههه..أحبـــك
- ياعيني ياعيني!...واحنا ماعطانا ربي من هالحب لو شوي
طالعت في ريم اللي كانت امل جنبها:ههههههههه..انا قلبي فندق..كل واحد له غرفه
أمل:بس منهوو صاحب الجناح الرئيسي
ريم:انا طبعـــــــــــــآ
منال تقلدها في ياعيني:ياعيني ياعيني.. ع الثقــه
×
×
هيفـآ:يختي هالادميه تنرفزني مره
عبير:من جد...بس ليه تنرفزك..انا اكرهها احسها شايفه نفسها؟
هيفا:مدري..تقهـرني..في راسي حرش..
عبير:وش بتسوين
هيفا: اصبري
رآحت هيفـآ..ووقفت معاهم..:اممم منال!..معاك قلوس؟
طالعت في هيفا..أبتسمت:أيه!.."فتحت شنطتي"..أصـبـ......
خطفت مني الشنطه..وأبتسمت:ثاانكس قلبووو..أبروح احط وبرجع لك الشنطه
أبتسمت وانا مستغربه منها:طيب
طالعت امل فـ أختها مستغربه..يوم كانوا في البيت مابقت قلوس الا أخذته.بس سكتت
×
- وش ناويه عليه؟
فتحت هيفا شنطة منال..ولقت ورقة مكتـوب فيها رقم (34)
هيفا:يسسسسسس!!!!
عبير:وش بتسوين؟
هيفا:تعـآلي..
طلعت هيفا ومعها عبير...ورحوا لـ منال..:منال تفصلي ومشكوووره
منال:تعالي كل يوم.."وانا مبتسمه"
راحت هيفا عند العبآيات..ومدت الرقم لـ الحرمه:لو سمحتي ابي عبايتي
الحرمه:اوكي..
اخذت الرقم من هيفـآ..أخذت هيفا العبـآيه بعد ماشكرت الحرمه
عبير:ههههههههههههههههههههههههههههه...والله انك ذيبـــه
هيفا:اصبري ماشفتي شي..
رآحت عند الحمامات (تكرمون)..وراحت عند اخر حمام اللي عادتاً تكون فيه عدة النظافه..ورمت العبـآيه هنـآك
هيفا:ههههههههه..نشوف كيف بتطلع من غير عبــآيه
عبير:والله انك شريره..منتي هينـه!!!
هيفا:كنا كنا..أعجبك انا
"الوليـــد"
- مدري..تقول امي ان مافيه عرس..كلها عزيمة ملكه وخلصنـآ
رآشد:حلوو..يعني مافي تكاليف عرس وحوووسه
الوليد:أيه أشوى
راشد:وش عليك ياعم...ملكتك قريب..
الوليد:ههههههههههه..عقبــــآلك
راشد:أيه ابشر بها
"منـــآل"
نجد وهي تجلس ع الكرسي:خلااااااص.."وتلتقط انفاسها"..والله تعب..
منال:ههههههههههههههههه هذي اوامر ريم..لازم ننفذ ولا بننطرد
- ميموو يلله بتبدا المسيــره
قمت وانا امشي ورا العنود..رميت بوسه لـ نجد وهي ضحكت..
نجد:ماتغيريت حركااتك..روحي لايشكون فيك بس
منال:هههههههههههههههههههههههههههه..ان شالله عمتـي
دخلت الغرفه كانت فيه امل وريم..لابسين العبايات حقت التخرج..اخذت عبايتي من الكيس ولبستها
امل تاخذ نفس:اوكي!..اول وحده ريم..وبعدها انا..."والتفت علي"..وانتي ميمووو اوكي؟
هزيت راسي وانا ابلع ريقي..يعني الكل بيشوفني؟..
مدري ليه جا على بالي سلـطان.."اخذت نفس مره ثانيه"..اعوذ بالله من الشيطان..هههههه الحين سلطان صار شيطان؟..بس وش يقصد بـ أني ذبحته..انا والله ماسويت له شي..ادري ان يحس اني حمـل عليه بس..بس مب لدرجة اني اذبـحه..
طول عمري عبء على غيري..والحين على سلطان اللي يحسني حمل على ظهره..مث الجبل اللي شايله
بـدا الشــآعر بـ كلماته..وقام يمدح..هههههه كشخه والله هالشاعر قام يمدح فينا بشكل مبالغ..
شكيت انه احنـآ..بدت اغنية مصريه مدري وشي بس رجـه اول وحده طلعت ريم..وبدت تركض وهي تضحك..وتلوح بيـدها..وكأنها ملكت الدنيا بهالحفله..كانت امها واختها عبير في وجهها..راحت لـ أمها وحضنتهااا..وبعدها اختهاا..
بعدهــا طلعت امل..ونفس الشي بدت تركـض..ونفس الشي كانوا امها واختها هيفا بالاستقـبآل..
وانــا؟..من بيستقبلني؟؟..امي وابوي اللي ماتوا؟..لا جدي وجدتي اللي مدري منهم..ولا عمي ومرة عمي..ليه هالحفله انقلبت نكد وانا توني كنت مبسوووطه..نزلت دمعتي..طلعت من ورا الستـآره وكنت اركض..او مب اركض..اهرول..واضحك بس ليه؟..اضحك على فرحة تخرجي..بس من يشاركني؟..منهووو؟؟؟؟؟
يوم وصلت عند المنصـه شفت عندل وام عبدالله اللي بالمووت تشيلها
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك