رواية بقول ولا تقاطعني -11
سعد يتنهد:حالها مب زين..مراات اقول تحسنت ومراات ترجع تصيح مثل اول
طلال:هي الى الان تحت تأثير الصدمه لاتنسى انه مات قدامها
سعد:احياننا اقول هي السبب..انها ماأنتبهت له..بس.."تنهد"
طلال:تعوذ من أبليـس مافي أم بتموت ولدها
سعد:ادري ياطلال..ادري
طلال:ترا هـ الافكاار بتدمر حيااتك..لاتنسى انها مرتك
سعد ابتسم:ترااني مابعد فقدت عقلي..لاتنسـى هذي منى!
طلال ابتسم لـ ولد عمه:اشووى
سعد:الا ماقلت لي..وش صاار على مرتك..ومتى عرسكم ووين بتسكن؟
طلال:العرس هي تحدد..انا علي احجز..
سعد:بتسكن في بيت ابوك؟..ولا؟
طلال:لاان شالله...بسكن في شقه هي بتروح لـ بيت اهلها..
سعد:هههههههههه..واخيرا بتفتك
طلال:ايه والله!...
سعد:بس ماأشوفك تدق عليها.."يتذكر"..اتذكر يوم ملكت على منى كل يووووم اتصل ماخليتها في حالها
طلال:ههههه..الا اكلمها بس الى الان في حواجز..يعني الى الان الرسميات موجوده..
سعد:يللآ عااد..نبيك انت اللي تتجرأ
طلال:ههههههههههه..ترانا ماحنا بـ مسلسل مصري..هذا زواج
سعد:كيف؟..مافهمت عليك؟
طلال:اقصد..اني بدلعها بس مب كل كلمه والثانيه اقول احبك وياحبيبي ومن ذا الحكي
سعد:البنت تحب هيك ياأخ
طلال:ادري!..بس لازم اعودها على طبعي..انا مب رومنسي
سعد:عااد انا الرومنسي!..انا احااول عشاان ماتشوف الا انا..
طلال:ادري..انا ان شالله بدلعها واصير لها زوج وحبيب ..بس ماراح تلقى مني اللي تلقااه بالقصص المسلسلات
سعد:ترا البنت ان مالقت من يدلعها ويقولها حكين زين..بتروح لـ الحرام.."وبـ نبره شرير سنمائيه"..تبي تحس انك ع الهاامش؟؟
طلال:تراك بتسسطر ياسعد!
سعد:هههههه..مشكله انت بصرآآحه
"مـنآل"
يوم دخلت غرفتي احس ان ودي اروح لـ المحامي بس مدري ليه احس ان هـ الروحه بتغثني.. اممممم.. ودي اروح بلحالي بس كيف؟..كيف يامنال فكري؟..اقول لـ عندل؟..
اممممم...لالا..طبعا لا..هي مهما كاان ماأقدر اعتمد عليها اسبوعين ماتثبت شي..أفففف..وش اسوي؟..اتسلف منها سوآق؟..
طـق!..طـــق!
- ادخل
دخلت العنود..ابتسمت لي:هلا منوله..
منال:هلابك
العنود:جايه أسألك..وش نتيجتك
ابتسمت:مدري..خخخ
العنود طارت عيونها:ماتدرين؟..اجل من اللي يدري؟
شبكت اصابعي:انت ادرى بالضروف
العنود هزت رآسهاا:انتي في أي مدرسه؟
منال:حكوميه..اسمها(....)
العنود:اهاا بـ أي حي طيب؟
منال:ليش؟
العنود:حب استطلاع
منال:حي الـ(.....)
العنود:اييييييه..قريب من بيت اخوي احمد
ابتسمت..العاده اسمع ابو عبدالعزيز..احلى شي انه مثل اسم ابوي..
منال:انا ماأهتميت اعرف وش نتجيتي
العنود:ليش؟
طبعا انا قلتها من ورى قلبي..قلت:اممم..ماراح اروح الجامعه
قاامت العنود..وابتسمت لي وهي تقول:راح تغيرين رايك..وبتشوفين
ابتسمت..شكلها ناوبه تغصبني..ههه..مب مشكله
طلعت من عندي..التفت لـ التفلون الموجود عندي..مدري ليه مافكرت اني داتصل بـ المحامي ..واكلمه..بدال لاأروح له
اتصلت..وهو يرن انا في قمة خووووفي..شوي جااني صوت رجـآل:آلووو
لاحوول..سعودي..انا اخااف اكلم سعوديين:آ..آلوو..هذا مكتب المحامي محمد الـ..."يووه ماأعرف وش اسم عايلته...ايه تذكرت"..محمد الـ"...."
الرجـآل:ايه نعم..اي خدمه اختي؟
منال بـ تردد:انت هوو؟
الرجآل..الظاهر ابتسم علي كلامي:لاوالله..كان ودي احولك عليه بس هو في الوقت الحاظر مسافر..من حضرتك؟
منال:أ..ط..طيب متى يرجع؟؟
الرجآل:الله اعلم..بس يقول انه بيتأخر..يعني بـ القليل شهرين
طاارت عيووني:شهريـــــن؟؟
الرجال:ايه نعم؟..تحبين تاخذين موعد؟
منال:ياليت والله
الرجآل:بـ اسم مين؟
منال:اممممم..احمد الـ"...."
الرجآل:على خير.."والظاهر انه يسجل بيانات"...اختي موعدك يوم الثلاثاء تاريخ..(.....)
يوم جلست احسب:حرام عليك بعد 4 شهور؟.."حطيت يدي على فمي..الظاهر طيحة المياانه"
الرجآل:اسف اختي!...بس الاستاذ محمد محذرني اعطيه أي موعد قبل 3 شهور
منال:ان شالله.."مايندرى وين الخيره فيه"..فمان الله
سكرت..وش اسوي هـ الـ4 شهور؟..اجلس عاله عليهم..اففف..ياله مايندرى وين الخيره فيه..
من بكرهـ...
طـق!..طـق..
بس مافي رد..دخلت العنود وهي مااسكه ورقه ..:قوووووووومي منوووله شوفي شهادتك
قمت من غير رااي:هاه!..وشو؟..شـ....ايش؟
العنود:هههههههههههههههههههه..قومي الله يصلحك
منال:هااتيها بليـز
العنود:هذي اللي ماتبي ولا مهتمه..اقول روحي غسلي وجهك
منال:عندل بليـز عن المصااله وعطيني..ابي اشووف
العنود:لالا..روحي غسلي وجهك اوول
قمت وانا أتأفف..والله قهر..دخلت الحمام عشاان اغسل وجهي
"طـلآل"
- امممم..مدري..انت وش رايك..احس فاتني الكثير
طلال:لامافاتك الناس تدخل الجامعه وهم في الـ 19 ..وانتي 20.. بس فاتك كورس واحد.. مو انتي تقولين درستي كورس بس؟
غلا:ايه
طلال:حلووو..أي قسم
غلا:حاسب
طلال:اكشـخ
غلا:ههههههههههههههه..
طلال:ههه فديت الضحكه
استحت غلا..اول مره بـ حيااتها يكلمها احد بهـ الطريقه..اول مره احد يحسسها بـ انوثتها..ماتنكر ان طلال او من دخل حياتها..واول من دخل قلبها..وان شالله اخر واحد
طلال:هههههههههههه..غلا!..
غلا بـ اندفااع:يآلبـآه..أأ.."استحت لأنها طلعت عفويه"
أبتسم طلال:وين رحتي
غلا:معك والله
طلال:مب شكلك..شفيك سكتي؟
غلا:..مـ...."انحرجت"
طلال:اوكي..خلااص بسكت..خل نغير الموضوع..اممممم..تحبين الكتشب؟
غلا:هههههههههههههههههههههههههههه..عاادي..ليش؟
طلال:انا ماأحبه ابد..استغفر الله بس
غلا:ههههه..
طلال:اختي اول كاانت داايم تاكله قدامي..وتقولي عشاان اتقرف.."وضحك بـ حزن"..ههههه..الله يرحمها
غلا:آمين.."متردده"..بس وش السـآلفه اهلك وينهم؟
طلال تنهد:تعرفين شعور لما تقومين من النوم ولا تلقين احد من اهلك عندك؟..
غلا:....................
طلال:كان وقتها عندي شغل لي رااسي..وهم كانوا بيروحون الخرج عشان اهل امي..خوالي كانوا مسوين عيد..انا ماقدرت اروح ذاك اليوم..انا عتذرت وقلت بجي من بكره..بس لـ الاسف وهم في طريق ورايحين لـ الخرج..صا...صارلهم حادث..
غلا بـ غباء:...محد نجا
طلال:ولا احد..لاامي ولاابوي..اخوااني الـ2 واختي..ولا احد ابد..اخوي الكبير كان يقولي ان العيد من غيري ماراح يسوى لآني انا وايااه ماراح نتهاوش.."تنهد"..هذا انا انحرمت حتى من صوته..العيد انقلب مأسآة لـ الكل..
غلا:طلال!..انا
قاطعها وكأنه ينفس عن اللي جواااه:ابوي قبل يطلع من البيت وكأنه حااس انه ماراح يشوفني.. قال لي انتبه لـ مرة ابوي هند..وفعلاً..تحملتها سنه ونص ولاقدرت..دااايم تعايرني بـ مستواي المداي لانه مب زي عمااني..وداايم تتشمت فيني..وتقولي ليش ماأموت معااهم..احياننا أسأل نفسي هـ السؤال بس..استغفر ربي واقول مدري وش الخيره..يمكن هذا ابتلاء..رحت لـ تبوك لاني معد قدرت..والانسـآن له قدره ع التحمل..ومره وحده كنت ابعد عن نظرات الشفقه اللي بـ عيون الكل..عمااني وعيالهم..وكل طلبااتي ماتنرد لان اهلي مااتوا..
غلا:طلال..
طلال:ع العموم هذي السـآلفه..
غلا:طلال..وربي آآسفه لاني قلبت المواجع..ادري انك تألمت بس لـ ذكرك لهم
طلال:لا..بلعكس..كنت ابي اطلع اللي دااخلي
غلا أبتسمت بـ أرتيااح وقتلت دمعه على وشك تولد:الحمدالله على كل حـآل...صح؟
طلال:هههههههههههههه..صحيين
"منـآل"
مسحت دمعتي..جهدي مارآح هباءاُ منثورا..الحمدالله يارب الحمدالله
العنود:ههههههههههههههههههه..وش فيك افلمتي؟..
منال:مب بـ يدي..99؟..فوق اللي احلم به..فووووووق!
العنود:هههههههههه..مبرووووووووووك..حتى سلطان..يقول شكلها داافوره
منال:سلطان؟..
العنود:اايه..هو اللي جااب الشهاده بعد اقناع مني.."تفكر"..والله يمكن يخق على شهادتك ثمن انتي...ثمن..تتزووووووجوون
ابتسمت لـ خيالها الوآآسع..سلطان وانا؟...هههههههه..ليه لا
×|تكملة الفصل السـآبع|×
"من يلملم هـ الشتآت اللي تبعـثـر"
قام من النوم..ودخل النت..مادخلت اليوم اكيد ماراح تدخل..مب عادتها انها تدخل وااجد..
سكره ونزل تحت..سمع صوت اخته منى
أبتسم لها:هلا منى..كيفك؟
منى ابتسمت له..العاااده تنطط وتتناقر معه بس الحين لا:هلا الوليد...تمام..
جلس الوليد...طالع الجوال لين الساعه 5:الا وين امي؟
منى:مدري..انا توني جااايه
طالع في البيت..العااده لما تكون منى موجوده لازم يلاحقها حس نواف..آآه الله يرحمك يانواف..
الوليد:توك جاايه؟..العااده ماتقبلين علينا الا الاربعاا وش عندك
أبتسمت..بس من غير بشاشه:عاازمه ريهام صديقتي
أبتسم الوليد:ارحبوووووووووووو..وريهام ماتجي الا في بيتنا
منى:لان بيتي صغير ولا يكفي..بعدين ودي بـ حس امي..وامي من زماان ماجلست مع ريهام
الوليد يحك يديه في بعض علامة شرر بـ استهبال:هههههاااي...ماكذب يوم قلت.."وعاد بـ نفس النبره"..ارحبوووووووووووو!
منى:هههههههه..تراك كبرت على هـ الحركاات
الوليد:ههه..بس والله كانوا فله..كنت اتهااوش مع ريهاام..واتناقر معها..اما الصغيره وش اسمها؟
منى:رهف!
الوليد:ايووووه!...كنت احب اضربها..
منى:حرآآم عليك..مسكينه ماكانت تقولك شي ابد
الوليد:عز الطلب..انا ابي كذا..ماأبيها تقولي شي...الى الان وهي كذا؟
منى:والى بكره..
الوليد:عاد مب زين لها..في هـ الوقت اللي يسكت عن حقه..يضيـع..ولحد يعمل له حساب ابد
منى تفتش في شنطتها:لا هي تمشي جنب الجدار..ماتحب احد يعمل لها حسااب ولا شي..
طلعت منى عطر..وتعطرت..قامت صلحت لبسهاا..:ابروح لـ امي..شكلها راعية طوويله
الوليد يقوم:اجل انا طاالع مع الربع..
"يـآسر"
- يايمه واللي يسلم لي قلبك..انا ابي افررح بك
أبتسم يااسر:يمه..الله يعافيك افهميني..انا ماأشتهيت..وبعدين منهي اللي بترضي بـ اعمى؟
ميعاد:يااسر!..وش هـ الحكي!..وبعدين انت رجال والرجال مايعيبه شي..والحمدالله ربي معطيك جمـآل اللهم لك الحمد
أبتسم يااسر..الكل يمدح في جمآله اللي يلفت..أبتدااء من بيااض بشرته لكن من غير حمره.. مروراً خشمه الـ"مرتب"..فمه الصغير اللي يحمل اسنان كأنها منحوته نحت.. و أنتهاء بـ عيوونه الرمااديه..
ياسر:يحسدون الاعمي على كبر عيوونه
ام يااسر:ياسر ياحبيبي..لاتضيق صدري بـ حكيك
ميعاد:والله كان ودي اخطب لك وحده من صديقااتي..بس المشكله انهم كلهم متزوجين
ام ياسر:فيه ليـآن!
ميعاد:نعــــم..مابقى الا هي!
ياسر ضحك على طريقتها:هههههههههههه
ميعاد:لا ان شالله..ألمحروقه
أختفت ابتسآمة ياسر..:محروقه؟..
ميعاد:ماعليك منها ياياسر..ابخطب لك وحده وش زيييييييينها
ياسر:منهي هذي؟
ام ياسر:هذي صديقة اختك..بنت الـ"...."..مكبوب عليها موية ناار
ياسر عقد حواجبه:موية ناار؟..ومن وين؟
ميعاد:مدري..المهم ماعلينا منها..لاتغير طاري العرس
ياسر ابتسم بـ هدوء:ابيـها!
ام ياسر:منهي؟
ياسر:المحروقه!..ماأعرف وش اسمها
ميعاد:ليـآآآآآن؟؟..من جدك؟؟
ياسر:ايه..روحوا اخطبوها لي
ام ياسر:هو!..انهبلت شكلك..وش لك بـ عوار الرااس
ياسر:يمه!..مب لاني ولدك تتغاضين عن عيبي..ولان بنت النااس محروقه ماتغاضين..بعدين انا بخلي الكامله لـ الكامل..
ميعاد:لااا..هذا اللي بينرفزني!...ياسروووه..مالقيت الا ليان؟
ياسر:اجل مانيب متزوج
وقـآم..وهو يخفي ابتسـآمته
ام ياسر تحط يدها على دقنها حركة العجايز:اقول شكل احوتس انهبل..ولا؟
ميعاد:الا الظاهر..ولا احد يبـي ليـآن؟
ام ياسر:اقول دقي عليها حل نروح نشوفها
ميعاد:لا..يمه معليشش..ماأبيهاااا!..هذي مرة ياسر المزيوووون؟
ام ياسر:اقول اسمعي الكلام ودقي
"مـ ن ـآل"
دخلت على ام عبدالله..خخخخ..وحشتني!...كانت جالسه تطالع التلفزيوون..:السلآم عليكووووم!
ام عبدالله:هلاوالله!..وينتس وانا امتس تأخرتي!
أبتسم لها..حبيت رآسها:سووري مدام
ام عبدالله مسكت يدي..أبتسمت لها وقلت:ماما..انتا ليش كول يوم يجلس هيناا!..تألي روهـ برآآ!
ام عبدالله طالعت فيني شوي:برآآ؟
منال:يس!..
ام عبدالله.شورتس وهدية الله..مشينا
"هيفـآ"
"مشت بـ خطوات طويله..وصلت لـ المكتبه واخذت القلم ولعبت به وكملت"- كرهت عيشتي..أففف
عبير:أووكي اسمعي هذي!..صديقااتي بيطلعون يوم الجمعه لـ حفلة دي جااي..ابيك تكونين هنااك
طارت عيونها:جمعه؟..الناس تسبح وتهلل..ونتوا ترقصوون؟
عبير:هيفـآ..لايكثر!
هيفا:طيب اسمعي!..تخيلي شكلي رايحه لـ أبوي واقوله ان في حفلة دي جااي..والكل اللي بيجون مفااصيخ!..وبوياات..وهنااك لزبوو كثير..مرره بيوافق..بيقول انا بوديك
عبير:ههههههههههههههههههه..اتركي الحفله طيب!..قولي انك بتجيني عندي بالبيت..لان صديقااتي جاايين..حلو؟
هيفا:بلكن يوافق!..اوكي!
عبير:حلوو..روحي قولي لهاا..بسررررررررعه!
"مـ ن ـآل"
- والله الجوو حلوو مرره.."التفت علي".صح؟
طالعت في الحديقه الحلوو:ايه والله!..."احححم"..اي مين..يس
ام عبدالله ضحكت:هههههههههههههههههههههه..اقول وانا امتس تراني مب غبيه!
طالعت فيها..كنت ابي اقول أي شي..بس!..خفت اتكلم وافضح نفسي..فـ حبيت اني الزم الصمت..وأشوف هي ليش مب غبيه..
ام عبدالله تبتسم لي:انت موب شغاله صح؟..حتسيك عربيّ!
منال:i..idon't get that
ام عبدالله أبتسمت بـ حنيه:من انتي؟
منال:...................
ام عبدالله كانت كل كلمه تطلع من منـآل انجليزي او عربي مكسر تثبت لها انها عربيه..لان نفس مخارج الحروف ماتقدر تخفيها..اصلا حتى شكلها مب من اشكـآل شرق آسيآ..هي ماتنفي ان شكلها مب خليجي..بس مب من شرق آسيآ
ام عبدالله:تكلمي يابنتي..أسمعك!..لاتخافين مني ترآ انا مثل امك
مدري ليه كان ودي اصيـح..يمكن طريقتها معي..وأسلوبها الحنون خلااني احن لـ مثل هـ الطيبه.مدري ليه تذكرت عمي ومرة عمي!..ولو اني فقدت هـ المعامله..بس انا ماقد حظيت بها..ليش استخدمت كلمة "فقدت"..عمي ومرة عمي الله يرحمهم ويسامحهم ماقد عاملوني كذا
عبدالله:ماودتس تحكين؟
منال:آآسفه ياخآآله..بس..
ام عبدالله أبتسمت..ولاتفآجأت:احتسي ياأمي..اسمعتس..وش حادتس تشتغلين شغـآله؟..
وسألت سؤال خلاني اصغر بـ عين نفسي:تبين دراهم؟
نزلت دمعتي..ليش خلوني احتاج؟..بس منهم..امي وابوي؟..ولاعمي ومرة عمي؟..آآه ياربي
"سمعت صوته الغااضب"- يمــه!
طالعت في سلطان..قمت وتوزيت ورا كرسي ام عبدالله..اللي رمت علي الجلال..
ام عبدالله:وش بغيت؟
سلطان طالعني بـ غضب:من.."مايدري وش يسأل"..من كنت تكلمين؟
أم عبدالله:هذي الشغاله الجديده
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك