رواية ثلاث سنين من شقى عمري -55

غيداء : اذا ازعجتك عطيها عبدالعزيز بس واسحبي عليه هو وبنته ونوومي
الهنوف : مايقصر والله دايم ياخذها مني بس انا ماأرتااح والله
غيداء : يااحبيلك مين يصدقك انك صرتي ام وهذي بنتك
ساره : انا عن نفسي احس اني في حلم وقريب بصحى
الهنوف : ليه

ساره : مو متخيله انك صرتي ام .. مابعد استوعبت فكرة زواجك علشان استوعب فكرة ان عندك بنت

الهنوف : لازم تستوعبين كلها اياام انشاء والدور راح يجييك

ساره : انشاااءالله .. الله يسمع منك

حصه : اللي يشوفك ياساره يقوول كبيره وعانس .. شفيك مستعجله على الغثا

ساره : ومن قال لك انه غثا بالعكس تغيير .. شي جديد بحياااتك

حصه : والله اللي يشوفك يقول مجربه

ساره : اييه مجربه متزوجه اصلا وماقلتلكم

ام سعود : بسم الله عليييك .. عاد انتي سارونه اخر العنقوود بتجلسين عندي

ساره خافت: والى متى يعني يمــه ؟؟

الهنوف : ههههههههههههه شوي شوي لاتطلع عيوونك

ام سعود : بزوجك لاتخافين بس اذا جاء زوجك يسكن عندنا الله يسلمه

ساره : اييه اشوا .. بس انا ماااابي بيتنا صراحه

ام سعود : وين تبين يابنت ابووك

ساره : والله يمه انا تزوجت بغير جوو مو تزوجت واروح اسكن بنفس البيت

لطيفه : من يحصل له يسكن عند امــه ..

حصه : ايه والله

ساره : ايه ماقلنا شي بس احسن تغيريين البيت

غاده :والله اللي يسمعكم الحيين يقول خطيبها ينتظر رايكم بس.. انتوا خلووه يجي بالاول بعدين تكلموا

ساره : وانتي شعرفك بالله لاهيه في حيااتك .. خلييك لاهيه احسن لك

غاده جلست تطالع في ساره فووق تحت ..

غاده رافعه حاجبها: بكوون لاهيه في حياتي احسن لي من جلسة معك مالها فايده

ساره : وجلسااتك بغرفتك لحالك كأن لها فااايده

حصه تلتفت على ساره مره وعلى غاده مره :سااره .. غاده .. عسى ماشر شفيييكم

غاده : اسأليها .. ماأدري شفييها علي

(( ساره طبعا صاير طبعها مع غاده كـذا مو علشان تكرهها والا حاقده عليها ..

بس ساره كانت شاكه بغاده وجلووسها الغالب لحالها بغرفتها .. وتبي تطفش غاده وتصحيها من غلطها اللي كانت تحس فيه ))

حصه تلتفت على ساره اللي كانت بجنبها : سااروونه شفيك شصاير

ساره : مافيني شي

ام سعود : ساره خلييك عاقله وخلااص تراها بنت اخووك

ساره : شفييكم قلبتوا علي شسويت انا الحيين

لطيفه : بس خلاااص لاتكبرونها وهي صغيره حصل خيـر

ام سعود : مابي يصير بينكم هالشي ياساره .. سامعتني

ساره من دون نفس: انشاااءالله يمه

الهنوف حبت تغير الجوو اللي متكهرب ..

رفعت بنتها ووقفتها : وسعوا صدوركم بس وشوفوا هالزينه تضحك لكم ..

لطيفه : يالبى هالضحكه والله

الهنوف : بالله علييكم مو توسع الصدر

حصه : بسم الله عليييها مادامك امها اكيد توسع الصدر

غيداء : واكيد خذت مني شووي

الهنوف : ههههههههههههه كل شي اخذته منك

ام سعود : الله يخلييها لأهلها .. حصه حبيبتي دقي على ابووك شوفي رجعوا العيال والا لا

حصه : ان شاءالله يمه

حصه اخذت جوالها ودقت على محمد ..

محمد : هلا والله بالغاليه

حصه : هلا والله حبيبي .. ويينكم

محمد :بالمجلس عند جدي

حصه : العيال كلهم موجودين

محمد : لا مافيه الا انا وخالد وجدي كلهم طالعين

حصه : طيب ياأبووي دق عليهم يجوون يتعشوون

محمد : انشاءالله يمه ..

ابو سعود : شتبي امك ؟

محمد : تقول لي دق على العيال يجوون

ابو سعود : عشاهم جاهز

محمد : ايه

ابو سعود يقوم : يلا اجل انا برووح لهم شوي وانت دق على العيال يجون لايتأخرون

محمد : انشاءالله

طلع ابو سعود ..

دق محمد على عبدالعزيز .. عبدالعزيز : هلا والله

محمد : هلابك .. عزوز وينك

عبدالعزيز : انا جاي بالطريق

محمد : معاك العيال

عبدالعزيز : لا والله مامعاي احد

محمد : وين راحواا مو كانوا معاك

عبدالعزيز : ماكان معاي احد انا رحت شوي لواحد من العيال وهذاني راجع

محمد : طيب خلاص ننتظرك .. مع السلامه

عبدالعزيز : مع السلامه

محمد : غريبه عبدالعزيز يقول العيال مو معي

خالد : وين راحوا يعني

محمد : مدري عنهم .. خلني ادق على وليدووه اشوف

الوليد : مرحباااا حمووود

محمد : هلا والله

الوليد : هلافيييك

محمد: وليدووه وينك فيه انت والعيال

الوليد : لييه بغيت شي

محمد : العشاااء جاهز تجوون والا تعشينا عنكم

الوليد : خلاص كلها دقايق واحنا عندكم

محمد : يلا اجل باااي

الوليد : بيباااي

خالد : انت مثلي حمود مالي خلق شي ابد

محمد : والله نفسي ماالي خلق اي شي بس شسوي علشان جدي وجدتي

خالد : انا احس طفشاان من كل شي ومالي خلق عشاء صراحه

محمد قرب وجلس بجنب خالد : خاالد سلامات شفيك

خالد كان وجهه عالجهه الثانيه : مافيني شي

مسكه محمد مع وجهه ولفه له : خالد الله يعييينك علي .. انت في بالك شي يلاا قول لي

خالد يحس انه اذا جلس مع محمد ولو دقاايق بيقوول له كل شي في قلبه لانه مو قادر يكتم اكثر وبيتورط بالاخير فقال اقووم احسن ..

خالد قام : اجل انا بطلع قبل لاتنشب لي

محمد وقف معه : لحظه لحظه وين

خالد : بروح انام

محمد : تستهبل وماراح تتعشى

خالد : قلتلك مالي خلق وترى الدعوه مو غصب

محمد : جدتي بتزعل عليك

خالد : لا ماعليك انا اقول لها بطريقتي الخاصه وترضى

في هاللحظه دخل عبدالعزيز ..

عبدالعزيز : سلآآآآم

محمد : هلا عزوووز تعال حلو انك جيت

عبدالعزيز : خير شفييه

محمد : خالد مدري شفيييه في بالـ ..

قطع خالد كلامه وبنظره عطاها اياه : محمد خل عنك حركات الاستهبااال

عبدالعزيز : شسالفتكم الحييين انتم

خالد : ابد مافي شي .. يلا انا طالع انام

عبدالعزيز : مو متعشي معنا

خالد : لا والله شبعان ومالي خلق .. طلع خالد من دون مايسمع شي من عبدالعزيز

عبدالعزيز يكلم محمد باستغراب : شفييه خالد

محمد : مدري عنه

عبدالعزيز : قايل لك شي ؟

محمد : لا ماقال لي شي بس مدري شفيه شكله تعبان لانه مانام من امس

دخلوا العيااال عليهم

الوليد : احنا جيييييينا

عبدالعزيز التفت عليهم : واذا جيتوا يعني نسوي عزييمه

فارس : تدري عزوز دايم افكر انا بشي يعذبني

عبدالعزيز : تفكر بإيش

فارس : افكر لو انا ومشعل ووليدووه مو موجودين بالدنيا .. كيف تعيشوون ؟

عبدالعزيز + محمد : هههههه

عبدالعزيز : نعيييش وبأحلى عيشه بعد

محمد : ايه والله يعني من انتم علشان مانقدر نعيش من دونكم

الوليد : اييه والله .. الله يعينكم على حياتكم من دونا

عبدالعزيز : الله لا يحرمنا منكم

بجهه ثانيه في الصاله ..ابو سعود وام سعود ولطيفه والباقين كانوا بالمطبخ

ابو سعود : طيب علشاني شووي لو تجلس معنا من دون ماتاكل وبعدين روح ارتاح

خالد : والله ودي ياجدي بس مره تعبان ومو مشتهي شي

ابو سعود : والله شكلك مو عاجبني ابد لو تشووف وجهك كيف صاير اسود

ام سعود : خله براااحته النوم اريح له

ابو سعود : الله يهديييك روح اجل الله يحفظك

خالد يحب راس جده وجدته

خالد بابتسامته رغم تعبه : تصبحوون على خير

الكل : وانت من اهله

طلع خالد فووق ..طلع يبي يرتاااح وينام يبي يريح باله من التفكير اللي مو راضي يخليه لو ثانيه ..

تفكيره بـ غاده وهل هي بترضى فيه وتوافق وتقبله كـ زوج لها والا انها بترفض .. تفكير ذبحه واتعبه حيل ..

بعد ماتعشوا وخلصوا ..

عبدالعزيز والهنوف راحوا بدري وحصه ولطيفه جلسووا عند امهم ..

بالصاله ..

لطيفه : اجل اختك وينها ياغيداء

غيداء : مدري والله تعشت وراحت فوق

ام سعود : وش تسوي روحي ناديها

غيداء : اكيد نامت ياجدتي

ساره : اتحدى اذا كانت نااايمه

ام سعود : يعني شتسوي لحالها فوق

حصه : ساره وانتي شعليك منها خلاااص شفيك عليها

ساره : مافيني شـي

حصه : ماعليك منها يمه اكيد انها نايمه

غيداء : تبين اروح اشوف ياجدتي

ام سعود : لا خلاص بكيفها

في جهه ثانيـه في غرفة غاده ..

تكلــم بالجوال ..

غاده : للحييين نفسيتك زفت؟

فيصل : لا مو زفت

غاده : اجل شفييك فيصل بليز لاتحيرني معاك

فيصل : غاده والله مافيني شي شفيييك انتي

غاده : كل هذا يافيصل وتقول مافيني شي

فيصل : غاده بقولك شي

غاده : قوول

فيصل : تتوقعين علاقتي معاك بتستمر الى متى ؟

غاده : شهالسؤال يافيصل

فيصل : جاوبيني طيب متى تتوقعييين تنتهي

غاده : ماراح تنتهي

فيصل : كيف ماراح تنتهي .. الى متى يعني بتستمر

غاده بضيقه : فصوول ليه تبي تضيق صدري

فيصل : ياقلبي انا مو قصدي اضيق صدرك بس انا اسألك الى متى تتوقعين

غاده : ماأدري ماعندي جواب .. فيصل تكفى لاتجيب لي هالطاري مره ثانيه

فيصل : لازم اجيـبه لأنه هذا وقته

غاده بصوت عالي : فيييييصل

فيصل : هلا

غاده : فيصل انت وش جالس تقووول حرام عليك وشو اللي هذا وقته شتقصد بكلامك يافييصل

فيصل : غااااده اول شي هدي بالك ولاتعصبين انتي اسمعي كلامي وصدقيني بالاخير بتقتنعين فيه

غاده : لاتحاااول تقنعني مستحيل اقتنع والله مستحيل

فيصل : طيب اسمعي ماراح يضرك شي

غاده : طيب يلا قول

فيصل : غاده انا ماأكذب عليك من اول يوم كلمتك فيه وسمعت صوتك تعلقت فييك وحبييتك وتمنيتك طوول الوقت وانا اسمع صوتك ..

بس بعد فتره اذا فكرت بالشي اللي انا اسويه معااك يعني الى متى بضل احبك.. الى متى بضل معاك بعلاقه والله ياغاده اساسها غلط في غلط ..

غاده والله الانسان اذا فكر في شي على حساب مصلحته راح يعرف كل شي سواه غلط وسواه على غفله وهو مو حاس باللي يسويه ..

غاده قاطعته والعبره خانقتها : بس يافيصل تكـــفى خلآص

فيصل : غاده والله مو قصدي من كلامي اللي اقوله لك انو ابي اجرحك والا اضيق صدرك بالعكـس والله من حبـي لك

غاده : فييصل يعني انت اذا تحب واحد تتوقع انك تبي فرقاااه بالعقل يافيصل والله تراني مو بزر صغير مايفهم .. فيصل انا اذا حبيت واحد ابد ماأتمنى فرقاه لو دقيقه ..

شلوون تبيني استوعب كلامك اللي جالس تقوله ..

فيصل : غاده صدقيني هالشي اللي انا بسويه بتعب عليييه حيل بس والله ماراح اسويه الا برضاااي ولعيون شخص غالي راح اتعب واسويه

غاده : فيصل انت انجنيييت يعني بتسوي هالشي على حساب شخص غالي اغـلى منـي .. فيصل ليه متناقض بكلامك انت .. تقول لي أحبك بس بتركك علشان واحد غالي ..

فيـصل :لاتفهمين كلامي غلط .. ياغااااده بإختصار الطريق اللي حبيتك فيه وانتي حبيتيني فيه والله غلط .. والغلط ياغاده عمره مايدوم

غاده خلاص مو قادره تتحمل كلام فيصل .. تتمنى انها تصارخ وتصحى من الحلم اللي كانت تتوقع انها حلم مو واقع ..

سكتت فتره ودموعها على خدها تعبر عن حزنها وقهرها باللي يصير

فيصل : غاده

غاده بصوتها المبحوح : هلا

فيصل : تكفيــن لاتصيحين ياغاده .. والله انتي اللي راح تشكريني بعدين

غاده : فيصل شلوون اشكرك .. الشي اللي بتسويه انت راح يبعدني عن شخص حبـيته بكل مافيه شخص حبيت صوته ..حبيت اسلوبه ..حبيت كل شي فيييه ..شلون تبيني اتركه بكل سهوله

فيصل : بتقدرين تتركينه ياغاده وتنسينه لانه فيه واحد ينتظرك غيـره ..في واحد ياغاده راح يعوضك عن كل شي ممكن تفقدينه من فيصل واحد ياغاده يحـبك وانتي راح تحبينه صدقيني

غاده : فيصل والله تراني مو مستوعبه شي مييين اللي ينتظرني ويحبني وتحلف اني راح احبه

فيصل : انتي انسي فيصل واتركيه وصدقيني بترتاحين وبتعيشين احلى حيآة من بعده

غاده : والله ماأتوقع ..فيصل حبي لك وين اوديه فيصل انا احبك شفيك مو راضي تفهمني

فيصل يحس بخناجر على صدره اذا سمع من غاده كلمة أحبك ..يحس بضييقه مو طبيعيه..فيصل ماوده يتركها ويضيق صدرها ويجرحها بس شي بيسويه غصب عنه لـ عيون خالد ..

الشخص اللي حبه وهو مو حاس بنفسه

فيصل : غاده انا اخلييك الحين ترتاحين واتمنى تفهمين كلامي زين وتفسرينه شي من مصلحتك .. ولاتفسرينه كره مني اوشي شين راح يتعبك ..

غاده تصيـــح ..

فيصل : غاده تكفييين ليه هالدمووع ..لاتضيقين صدري الله يخليك

غاده لازالت دمووعها معلنه استسلامها ..

فيصل : غاااااده اذا كان بقلبك معزه لفيصل بليز وقفي دموعك

غاده خففت من صياحها : ولعيوونه انا بسوي كل شي

فيصل : تسلميين لي والله .. يلا اجل انا اخليك تامريني شي

غاده : سلآمتك

فيصل: الله يسلمك ..فكري بكلامي .. باي

غاده: بايات

فيصل من بعد ماسكر من غاده حس بضميره يأنبه يحس انه جرحها هي مالها ذنب انها حبته وتعلقت فيه ..

فيصل ماكان وده يكمل معاها وهو خلاص صاير عادي معاها ماصار يحبها مثل اول.. ماوده يعذبها فتره اطوول.. ماله الا حل انه يتركها ويرتاااح وهي بعد ترتاح ..

اما غاده اللي اول ماسكرت من فيصل رمت جوالها وضمت رجولها لصدرها وجلست تصيييح بدموع قهر وألم .. يعني معقوله فيصل ماكان يحبني مثل ماأنا احبه .. وين كلامه لي دايم يقول لي انا احبك

ومستحيل اتخلى عنك ولا افكر انساك .. وين كلامك يافيصل يعني بس كل هالمده كنت توسع صدرك فيها وانا اللي اصدقك واحبك واتعلق فيك وبالاخير تجيني وتقوول راح اتركك .. شهالقلب القاااسي

مو معقوله هذا قلبـك ..

في لحظاااات غاده اللي تضيق الصدر .. سمعت صوت احد يطق الباب

رفعت راسها ومسحت دموعها بيدينها ..

غاده : مين ؟

ام سعود : افتحي ياغاده انا جدتك

غاده بسررعه اخذت المنديل ومسحت وجهها وحاولت تخلي نفسها طبيعيه ولاكأن شي صاير .. بس عيوونها اللي مستحيل تقدر تخفي اثرها واضح عليها الصيااح

ام سعود : غااده نايمه ؟

غاده تقوم تفتح الباب : لا لا هذا انا جيت

فتحت الباب .. ام سعود : عسى ماصحييتك بس

غاده منزله راسها ماودها جدتها تلاحظ: لا والله ماكنت نايمه

ام سعود : طيب ابيك بكلام ياغاده

غاده : امري شبغيتي

ام سعود : تعالي معي

جلست ام سعود على السرير وغاده جنبها ..

ام سعود : من زمان كان ودي اقول لك بس كنت متردده ..وجدك هالمره غصبني اقولك الحين

غاده : خير ياجدتي شصاير

ام سعود انتبهت لعيون غاده ورفعت وجهها بيدينها .. ام سعود : غاده شفيييك ليه عيونك كـذا

غاده : مافيني شي بس رشيت تو العطر على عيوني وحمرت

ام سعود : الله ييصلحك انتبهي ثاني مره

غاده : انشاءالله

ام سعود : المهم انا بقولك اللي عندي وانتي لك الخيـار

غاده : قولي ياجدتي

ام سعود : بسم الله عليك ياغاده انتي الحين كبرتي ومابقى عليك شي وتخلصين الثانوي

غاده قاطعتها : شلووون يعني

ام سعود : شفيك خليني اكمل كلامي

غاده : اسفه جدتي مو قصدي .. كملي

ام سعود : وفيه واحد جاي يخطبك من جدك

غاده بسرعه: مييين

ام سعود : انا اشك ان فييك شي .. شفيك مستعجله

غاده : جدتي ميييين

ام سعود : خـالـ ..

ام سعود ماأمداها تكمل اسم خالد وقاطعتها غاده ..

غاده : كل شي ولا خاااالد ..

ام سعود : شفيه خالد

غاده : جدتي انا اقولك من الحين ..خالد مستحيل اوافق عليه وهذا ردي جاكم بدري وبريحكم

ام سعود : مايصير ياغاده وليه ماتبينه..خالد شفيه بسم الله عليه مليون بنت تتمناه

غاده : خلاص شوفوا له وحده غيري بس انا مارراح اوافق عليه

ام سعود عصبت من اسلوب غاده : وليه ماتوافقين عطيني سبب غاده بلا دلع شفيييه خالد جاوبيني

غاده : مافيه شي بس انا مابيه جدتي الزواج مو غصب

ام سعود : انا ماأقولك غصب تتزوجينه بس انا اقول ليه ماتبينه .. انتي اكيد ماخذه موقف اول ماقلتلك عصبتي ورفضتي على طول

يتبع ,,,

👇👇👇