رواية ثلاث سنين من شقى عمري -41
من بكرا الصباح صحت الهنوف بدري وشافت عبدالعزيز نايم قامت وغسلت وجهها وعيونها مره منتفخه وصايره حمراء .. راحت وبدلت ملابسها ..
نزلت تحت ولطيفه ماكانت صاحيه اخذت لها كاس عصير ورقت فوق لغرفتها
جلست ومعاها العصير وهي تقرا بالمجله .. من دون نفس
صحى عبدالعزيز وشافها جالسه .. قام وغسل وجهه .. وراح عندها وجلس جنبها ..
عبدالعزيز : صباح الخير
الهنوف : صباح النور
عبدالعزيز : متى صاحيه
الهنوف : من شوي
عبدالعزيز : طيب ممكن تخلين المجله اللي بيدك ابيك شوي
الهنوف : شبغيت فيني ..
عبدالعزيز : بقولك شي .. بسولف معاك
الهنوف رفعت راسها : اذا خلصت من المجله قول اللي عندك
عبدالعزيز انصدم يوم شاف عيونها كانت حمراء ومنتفخه ..
عبدالعزيز ضاق صدره : الهنوف شفيها عيونك
الهنوف : مافيها شي
عبدالعزيز مسك وجهها ولفه من جهته
عبدالعزيز : من كثر ماصحتي
الهنوف : عبدالعزيز وخر يدينك بليز
عبدالعزيز وخر يدينه : طيب اتركي اللي في يدينك لو سمحتي
الهنوف : ابي اقرأ حتى قراءه بتحرمني منها
عبدالعزيز : هنوف ماقلت بحرمك ابي اقوولك شي والله دقايق وارجعي سوي اللي تبين
الهنوف : خلاص طيب اذا خلصت
عبدالعزيز يقوم : اوكي انا بنزل اسلم على امي وارجع ..
الهنوف : انا من شوي نازله ماكانت صاحيه خالتي
عبدالعزيز : غريبه مو من عادتها .. يمكن صحت الحين بروح اشوف ..
ريناد اللي كانت مره مبسووطه : يمه طيب خليني أدق عليهم
ام سحر : الله يهديك شفيك مستعجله خلاص كلها دقايق وهم واصلين
ريناد : والله مشتااقه لسحووره حيل
ام سحر : الله يوصلهم بالسلامه انشاءالله
ريناد : ابوي قال لك هم وين
ام سحر : على كلامه توهم واصلين المطار يعني على بال مايووصلون نص ساعه
ريناد : يووه الله يصبرني
ام سحر : اللي صبرك هالشهوور بيصبرك هالدقايق
بعد لحظات من انتظار ريناد وامها ..
دخل ابو سحر ومعاه بنته .. بس كانت المفاجأه اللي ماكانوا يتوقعووونها ..
ريناد صرخت : سحـــــــــــــــــــــر
ام سحر بهاللحظه مو مستوعبه اللي تشوفه قدامها متوقعه بنتها تدخل نفس بنتها اللي عرفتها بس اللي شافته غيـــر
انتهــــــــــــى البارت ..
سحر وشو الشي اللي تغير فيها وصدم امها وريناد ..؟؟
خالد وفيصل .. علاقتهم هل بيكون لها ضرر على علاقة غاده وفيصل ؟؟
غاده هل بتضل كـذا مع خالد والا فتره بسيطه وترجع غاده الاولى اللي عرفها ..؟؟
البارت السادس والعشرون ..
نواف واخوهمشعل اللي كانو جالسين بالصاله ..
نواف : اقوول مشعل
مشعل اللي كان يلعب بلاي ستيشن : هلا
نواف : بسألك سؤال وابيك تجاوبني بصراحه
مشعل : طيب واذا ماعرفت اجاوب
نواف : مشعل لاتجلس تستهبل انت اسمعني وبس
مشعل : قوول انا اسمعك
نواف : لاتضحك وتجلس تتطنز علي انا من زمان كاتم هالشي بقلبي ومدري ليه الحين احس اني مو قادر اتحمله وبقوله لك
مشعل : قول نواف تراني متحمس معاك
نواف تنهد بالبدايه : مشعل شرايك ببنت خالك غيداء
مشعل استغرب من سؤال نواف
نواف : شفييك رد علي اقولك شرايك
مشعل : وش هالسؤال يانواف
نواف: ماعليك من سؤالي انت جااوبني وبس
مشعل : والله بنت كفوو وتستاهل كل خير
نواف : هذا رايك فيها
مشعل : ايه ,, ليه ناوي تدور لها عريس
نواف : لا وش ادور لها عريس بعد انت
مشعل : اجل وشو
نواف : انا بتزوج
مشعل مندهش : ايش ايش ؟؟
نواف : شفيك قلت بتزوج والله ماقلت شي غلط انا
مشعل : ايه ايه مو غلط بس لا مستحييل اصدق
نواف : ليه مستحيل هذا عبدالعزيز تزوج وجاء دوري الحين
مشعل : ههههههههههههههه لا بس انت غير عبدالعزيز اعقل منك
نواف : اقول مشعل ترى بصفقك
مشعل : طيب قلت لأبووي
نواف : لا ترى انت اول واحد اقوول له اسكت ولا كأني قلتلك شي
مشعل : طيب من عيوني
نواف : يعني رايك في غيداء انها كفووو وتستاهل
مشعل : وشووو يعني ناوي تخطب غيداء
نواف : لا ناوي اخطبك .. ايه وانا وش اتكلم عنه انا من سااعه
مشعل: لا بس غيداء ماتصلح لك
نواف : ليييه يامشعل
مشعل : غيداء مره هاديه
نواف : طيب واذا صارت هاديه يعني لازم اتزوج وحده خبله
مشعل : ايه علشان تصير معاك انت وياها مهبل
نواف يقوم : والله اذا كنت باخذ رايك في زوجتي ماراح اتزوج ابد
مشعل : انا نصحتك وانت بكيفك
نواف : هههههههههه مستغني عن نصيحتك ياحلوو .. يلا انا طالع باااي
مشعل : مع السلامه
طلع نواف وجلس يلعب مشعل بلاي ستيشن وهو مو مصدق اخوه نواف واللي جالس يقوله له يحس انه يستهبل معاه ,,
ام سحر وقفت تشوف بنتها والدمعه خانقتها .. ماتدري وش الشعور اللي جاها هاللحظه .. احاسيس متضاريه من الم وفرحه وقلق وخوف ..
ابوسحر : شفيكم ماتبون تسلمون على سحر ..
ام سحر ماتحركت من مكانها ضلت واقفه ..
ريناد راحت تركض لأختها وضمتها وهي تصيح ..
ريناد : سحووره حبيبتي اشتقت لك حييل
سحر وصوتها يغطيه الالم والحزن : وانا اكثر والله
ابو سحر بعد ماسلم على ام سحر مسكها مع يدينها وجابها عند سحر وخلاها تسلم عليها ..
سحر : يمه شفيييك مو فرحانه اني رجعت
ام سحر : لاياحبيبتي والله فرحانه و يكفينا جيتك يالغاليه ..
في بيت ابوسعود .. في الصاله ..
خالد اللي كان منسدح على الكنب وطفشان ويقلب في قنوات التلفزيون ..
دخل الوليد ..
الوليد جلس : خااالد
خالد: ......
الوليد : خلووود
خالد: هلا
الوليد: شفيك
خالد: مافيني شي
الوليد: طفشاان شكلك ومالك خلق
خالد يقوم يعدل جلسته : والله من جد طفشاااان
الوليد : افا .. ليه طيب
خالد: مدري
الوليد : والله شكلك يضيق الصدر قووم بس ووسع صدرك مافي شي يسوى
خالد : وين اقوم
الوليد : برووح للشباب تعال معاي
خالد: وانت مالك الا الشباب والاستراحه ماتطفش بالله ؟
الوليد: وش اسوي مالي الا هي والله هناك وناسه
خالد: روح وسع صدرك مالي خلق اطلع انا
الوليد: وش يجلسك هنا مو انت طفشان
خالد: والله مالي خلق من شوي تركي داق علي يقول بمرك نطلع قلتله لا
الوليد : يعني بتنام والا وش بتسوي
خالد: مدري ولييد ودي اروح لأمي
الوليد: تروح لأمك؟
خالد: ايه من زمان مارحت
الوليد : طيب خالد وش اللي يمنعك
خالد: مدري والله
الوليد : روح بس اذا كان ماعندك شغل سلم على امك وأخواتك
خالد: برووح ان شاءالله
الوليد يقوم : اوكي انا بروح للشباب .. بغيت شي ؟
خالد: سلامتك .. سلم عليهم
الوليد : يبلغ ..
طلع الوليد وراح خالد يبدل ملابسه على اساس يروح لأمه واخواته ..
بعد مابدل خالد ملابسه وهو نازل من الدرج قابلته ساره ..
ساره : خلووووووود والله جيت بوقتك
خالد: ليه شعندك
ساره : انت بتطلع الحين صح
خالد: ايه
ساره : وين بتروح
خالد: برووح لشغل شوي وراجع
ساره : لا مايصير لازم تقولي
خالد: سااارونه يلا عاد تراني مستعجل وش بغيتي
ساره : ابيك تودينا وانت طالع
خالد: انتي ومين
ساره: انا والبنات نبي السوق
خالد: جدتي موافقه
ساره: ايه قلتلها
خالد: اوكي البسوا وانا انتظركم بالسياره
ساره : اووكي
راحت ساره لغرفتها ودخلت ..
ساره: يلا بنوتاااااات خالد وافق يودينا قوموا
غيداء قامت : يلا انا جاهزه
غاده : يوووه استنوا انا عبايتي مدري وينها فيه
غيداء : قايلتلك انا من زمان تجهزي
ساره : يلا غدووش انزلي وانا باخذ عبايتي وانزل
غاده: لحظه وانا وش اسوي
ساره : انزلي تحت اكيد الشغاله غاسلتها
لبست ساره ونزلت مع غيداء ..
تحت بالصاله ..
غاده : لحظه يالبايخاااات وين بتروحون ؟
ساره : خلوود من زمان عند الباب
غاده: حرام عليكم وعبايتي مالقيتها
غيداء : خووذي عباية جدتي والا اجلسي
غاده : لا حرام علييكم استنوا ابي اروح
ساره: يلا ننتظرك بالسياره .. وطلعوا البنات
في سيارة خالد .. ركبوا ساره وغيداء ..
خالد: خلاص
ساره : لا دقيقه باقي غاده مالقت عبايتها الخبله
غيداء : والله شكلها مطوله ماعليه نمشي هي مالها حاجه بالسوق
خالد: لا لا عادي ننتظرها
ساره : وانتي من جدك ياغيداء تبينا نمشي
غيداء : ليه عادي
ساره : ههههههههههههههههه عندك عادي وعند غيرك لا
خالد: ساره
ساره : هلا
خالد : والله احبك وانتي ساكته تكفين اسكتي
ساره : هههههههههههههه طيب من عيوني
بعد 10 دقايق من انتظارهم ..
ركبت غاده ..
غاده : السلام عليكم
الكل : وعليكم السلام
غاده: معليش تأخرت علييكم شوي
ساره : حرام عليك طفشنا ساعه تدورين عبايتك
غاده: اسكتي بس لو تدرين من لبست عباته
ساره : ميييييييييين .. لايكون عباية ماما
غاده : ايه
ساره : ههههههههههههه الله يرررجك قصيره عليك اكيد
غاده : لا والله عادي بس مو متعوده عليها
غيداء : يعني وين راحت عبايتك
غاده : مدري خلاص لاتضيقون صدري
خالد: المهم بس وين تبوون تروحون
ساره : شرايكم بنوتات نروح الممكله
غاده : لااا بليـــز
ساره: ليه ؟
غاده : تبين توديني المملكه وانا كـذا واكيد بشوف كل صديقاتي .. لا بلييز
ساره : عادي كأنهم بيعرفووونك
غيداء : طيب نروح حياة مول
غاده : ايه حياة مول ممكن اهون شوي
ساره : وإحنا وش لنا بـ حياة مول .. مو اتفقنا ع المملكه .. خلاص خلود ماعليك بس المملكه
خالد : والله وجعني راسي ,, وين تبووون يالله
غاده: حياة مول
خالد: طيب حياة مول
ساره : وانا وش اقووول من ساعه .. لا مانبي
خالد: خلاص ياساره ترى كلهم اسواق مايختلفون
ساره : لا لا انا مابي غير المملكه
غيداء : خلاص عاد كل وحده تعاند الثانيه شوفوا لكم سوق واحد وانتهينا
خالد: خلاص انا اللي بوديكم وماراح اوديكم الا لـ حياة مول .. خلاص انتهيييييينا
ساره : لاااااا ليه اخترت بالذات حياة مول ليه ..
خالد: ساره خلاص انا كـذا احب هالسوق مدري ليه ..
ساره : ايه واضح انك تحبه .. والله هالحب عذبنا ياخالد
خالد : هههههههههههههههههه شدخل الحب
ساره مسويه معصبه : مدري ..
خالد: ياملحك زعلتي يعني ..
ساره : لا مازعلت خلاص روحوا للي تبون
غاده : اووف خلاص مادام السالفه كـذا روحوا للمملكه
ساره : لا خلاص
خالد : خلاص انا عاد حطيت في بالي حياة مول
ساره: ايه اهم شي اللي يبيه خالد
خالد: ههههههههههه ودي اصفقك ياساره
ساره : شسويت لك بعد
خالد: ماسويتي شي لاتعصبين طيب .. وسعي صدرك شفيك
ساره : مافيني شي
وصلـــوا للسوق .. نزلوا البنات ..
خالد : من بيرجعكم ؟
ساره : الله يخليك لنا مالنا غيرك
خالد: اوكي انا بروح مشوار ساعه وراجع اوكي
ساره: اوكي
خالد: انتبهوا لأنفسكــم ..
ساره : ان شاءالله ..
دخلوا البنات .. وكمل خالد مشواره لبيت هيا ..
وصل للبيت ..
نزل ورن الجرس ..
ثواني وفتحت له العنود ..
خالد : اهلييين عنوده
العنود : هلا والله خالد ويييييينك من زمان عنك
خالد: والله شسوي عنوده انشغلت شوي
العنود: اهم شي شفناااك الحين.. ادخل حيااك
خالد: امي موجوده
العنود: ايه ايه موجوده
دخل خالد معاه العنود الصاله .. وكانت رهف جالسه وباين عليها انها معصبه مره .. العنود راحت فوق تنادي امها ..
خالد: اهلين رهوووفه ..
رهف ببرود : هلا
خالد: شفيك رهف سلامات
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك