رواية ثلاث سنين من شقى عمري -31
غاده: غيداء شبغيتي .. ليه الدعوه تحقيقغيداء عصبت : لا مو تحقيق .. غاده ..
غاده : نعم
غيداء : ممكن تعطيني جوالك شوي
غاده : لا مو ممكن
غيداء: ليه
غاده: بس كذا اسمحيلي شتبين فيه
غيداء: ابيه عادي ياغاده مو من عادتك تمنعيني من جوالك
غاده: كل شخص وله خصوصياته وطلعت غاده من الغرفه ..
غيداء : ياااربيه هالبنت والله اكيد وراها شي .. الله يستر منك ياغاده بس انا لازم اعرف شعندها
في جامعة الملك سعود ( كلية الهندسه )
خالد: تركي انت صااحي ؟؟
تركي : خالد والله تعبت
خالد: هانت كلها سنه وشووي
تركي : انا مدري شخلاني ادخل هالكليه المعفنه
خالد: ياابن الناس شفيييك انت وربي ماراح تندم بكرا اذا تخرجت تلقالك الوظيفه انشاءالله بسهوله
تركي: والله تدرس وتتعب وبالاخير تجلس في بيتكم
خالد: قول لااله الا الله يارجال واذكر ربك وقووم ناخذ لنا شي خفيف
تركي : مالي خلق شي بس انتظر اخوي يجي برووح للبيت مره دايخ
خالد: اخوك هو اللي بيجي ياخذك ؟؟
تركي : ايه سيارتي مابعد طلعت من الورشه
خالد: بدل ماتجلس تتنظر اخوك متى يجي تعال اركب معاي انا اوصلك
تركي : تعب عليك خلوود
خالد: ماعليك قوم بس ولاتجلس تتنظر مادام ودك تنام
تركي : يلا اجل مشينا
طلع خالد مع تركي وركبوا السياره ..
وصل خالد تركي لبييتهم وقبل يرجع تذكر امه واخواته وقال لازم ارووح ..
فرصه مادام اني قريب عند البيت .. وراح خالد لبيت امه ..
وصل خالد للبيت وماكان فيه الا رهف ..
دخلته رهف بالصاله ..
خالد: اجل امي وينها والعنود
رهف : امي تعبانه شوي ونايمه والعنود رايحه عند صديقتها
خالد: من اللي وداها ؟؟ وامي شفيها
رهف : صديقتها جت ومرتها وراحت .. وماما مافيها شي تطمن
خالد: الحمدلله حلوو عمي يوافق ان العنود تطلع
رهف : خاااااااااالد
خالد: بسم الله شفيك
رهف: وش اللي عمي الله يخليك لاترفع ضغطي بليييييييز
خالد: شفيها اذا قلت عمي
رهف : الله يخليك قوول يوسف
خالد: طيب يوسف يوسف .. بس شوي شوي ليه معصبه
رهف : وبعديين مصدق انو يوسف يوافق انها تطلع بس هي اخذتها فرصه علشانه مسافر
خالد: رهف لحظه بسألك
رهف : اسأل
خالد: انا بفهم ليه تنادينه يوسف مو ابوك هو
رهف: والله ياخالد مدري شقوولك بس مايستحق كلمة أب
خالد: اووف لهالدرجه
رهف : خالد لاتفتح باب مسكر والله ترا ان تكلمت وقلتلك ماعاد سكت خلنا ساكتين احسن
خالد : رهف عادي قولي كل شي عندك
رهف : بس كل اللي عندي انو انسان مايستاهل كلمة اب وربي حرااام عليه
خالد: رهووف انتي شكل عندك كلاام يبي له جلسه محترمه
رهف : ههههههههههه كلام وكلام ياخالد
خالد قام : اوكي انا برووح الحين وبدق عليك اليوم واسمع منك كل شي
رهف قامت معاه : لاخلوود تكفى اجلس شوي
خالد: رهف والله اني جيت من الجامعه على طول هنا حتى غداء مابعد تغديت
رهف : اطلب لك من مطعم بس اجلس شوي والله طفشانه ماصدقت انك جيت
خالد: طيب شرايك تجين معاي نروح نتغدى بأقرب مطعم وارجعك
رهف: حلوو بس اخاف امي تصحى وماتلقاني
خالد: انشاءالله مانطول ارجعك قبل تصحى .. يلا رووحي البسي انا انتظرك بالسياره
رهف : اووكي دقايق بس
راحت رهف بسرعه ولبست عبايتها ونزلت عند خالد وطلعت معاه ..
في سيارة خالد ..
خالد: يلا رهووف شتبين أي مطعم
رهف : والله انا شبعانه بس جايه معاك كذا
خالد: طيب ماعليه شتبين .. انا بصراحه في بالي ماكدونالدز
رهف : اوكي خلاص
خالد يرن جواله بهاللحظه ..
خالد: يووه هذا جدي اكيد يسأل يقول وينك
خالد: هلا والله بالغالي
ابو سعود: وينك بسم الله عليك تأخرت
خالد: لاياجدي انا طلعت بس رحت اتغدى مع واحد من العيال
ابو سعود : الله يهديك كان قلتلنا خفنا عليك
خالد: والله راحت عن بالي
ابو سعود: خلاص اجل لاتتأخر ..
خالد: انشاءالله من عيوني
ابوسعود: يلا فمان الله
خالد: مع السلامه ..
رهف: خالد فيه سؤال محيرني مره
خالد: وشو رهف اسألي
رهف: خالد ابيك تجاوبني بصراحه انت مرتاح عند جدك وجدتك ..
خالد يوم سألته رهف هالسؤال حس انه محتاااج له ..
من زمان كان وده يتكلم ويفضفض عن اللي بداخله وصار يتكلم لرهف من دون مايحس بنفسه
خالد : والله يارهف جدي ماقصر علي بشي .. ماعمري طلبت منه طلب ورفض يلبيه لي ..
معيشني احلى عيشه .. جدتي ماتقصر بعد .. جدتي عوووضتني الحنان اللي كنت فاقده من طلعت عالدنيا .. حسستني بالامومه اللي ماعمري حسيت فيها .. من كنت صغير واللي اعرفه ان جدتي هي امي ..
وجدي هو ابوي وماكنت اناديهم الا ماما وبابا ..بس كبرت وعرفت الحقيقه ..
عرفت ان الاثنين اللي دلعوني وعطوني الحب والحنيه بالفعل هم لا ابوي ولا امي ..
كبرت وعرفت كل شي ماصرت اناديهم مثل اول ببرائتي وطفولتي ..
رهف انا لو اجلس من اليوم الى بكره وانا اتكلم عن الشي اللي سووه لي هالشخصين ..
وربي ماأوفيهم نقطه من بحر .. جدتي عوضتني عن الام اللي كانت موجوده بس ماحسيت فيها ..
جدي عوضني عن الاب اللي مات وتركني .. لولا هالاثنين وربي ماعشت حياتي كذا ..
الله يخليييهم لي ولايحرمني منهم .. مالي غيرهم بالهالدنيا ..
مدري اذا فقدتهم وش ممكن يصير في حياتي ..
رهف اللي كانت تسمع خالد بكل جوارحها .. توها تحس بمعاناة هالشخص .. كان ودها تصيح صووت خالد اثر فيها كثير حست انه الشي الاساسي بحياته ..
رهف : الله يخليهم لك .. بس ياخالد امي تحبك ومستحيل انها تتخلى عنك
خالد تنهد : ادري امي تحبني وانا احبهاااا ومااقدر اصبر عنها ..
والله امي كل شي سوته مو برضاها والله ادري يارهف ادري .. بس تدرين يارهف ..
صحيح جدتي عوضتني كل شي بس والله يارهف كل ماشفت امي ..
اتمنى احضنهاااا وقت طووويل اتمنى ارتمي بحضنها واصيييح لين ماعاد يبقى لي دموع ..
رهف يمكن انتي ماراح تفهميني لأنك ماجربتي هالشعوور ..
رهف: خالد بس الله يخليك لاتضيق صدري اكثر ..
خالد: سووري يارهف وربي نسييت عمري وانا اسوولف معاك والله يخليييك بطلبك طلب
رهف: آآمـــر
خالد: انسي كل الكلام اللي قلته لك وكأنك ماسمعتي مني أي شي
رهف : ماطلبت شي من عيووني
خالد: تسلمين .. ماتلاحظين اننا واقفين عند ماكدونالدز لنا فتره
رهف : ههههههههه ايه صح يلا ننزل
خالد: يلا ..
نزل خالد مع اخته وتغداء وياها ورجعها للبيت بعدييين رجع بيت جده ..
في بيت لطيفه .. غرفة عبدالعزيز ..
عبدالعزيز صحى بدري وشاف الهنوف مابعد صحت راح واخذ له شااور سريع ..
وبدل ملابسه .. وبعد ماخلص راح ييصحي الهنوف ..
عبدالعزيز : هنوووفه خلاااص حرام عليك للحين ماشبعتي
الهنوف : والله امس مانمت زين
عبدالعزيز : يلااا قومي بس امي تنتظرنا تحت نفطر معاها
الهنوف : خلاص انزل وانا بنزل بعد شووي
عبدالعزيز : لا ماراح انزل الا معك يلا قومي
الهنوف: عزوز الله يخليك شوي بس والله بنزل بعدك
عبدالعزيز: انا ماراح انزل قلتلك الا اذا انتي معاي
الهنووف: عزوووز خلاص شفيك بنزل الحين
عبدالعزيز يقوم : طيب انتظرك واذا مانزلتي اورييك
الهنوف: طيب
نزل عبدالعزيز تحت عند امه ..
عبدالعزيز : صبااااااح الخير
لطيفه + فارس : صباح النوور
راح عبدالعزيز وباس راس امه .. وجلس
لطيفه : اجل الهنوف وينها
عبدالعزيز : بتنزل الحييين .. فرووس انقلع شوف لك شغل خل زوجتي تفطر على راحتها
فارس: مالي دخل في زووجتك .. رووح دور لك بيت طال عمرك
عبدالعزيز : والله شكلك انت بتطلع من البيت ( التفت على امه ) اقول يمه شرايك نزوج فارس ونرتاح منه
لطيفه: بسم الله توه صغير عالزواج
فارس : يالشين تبي ترتاح مني يعني جت الهنوف ونستك اخووك ( قام فارس ومسوي زعلان )
خلاص انا برووح خل زوجتك تنفعك
عبدالعزيز : هههههههههههه مع السلامه
لطيفه: تعال كمل فطوورك طيب
فارس : تسلمين يمه شبعت الحمدلله
لطيفه: حرام عليك انت تعرف اخوك يزعل بسرعه
عبدالعزيز : ماعلييك شوي ويرضى
لطيفه : طيب ويين الهنووف ماكأنها طوولت
عبدالعزيز : اكيد انها دخلت تاخذ لها شااور
بهاللحظه دخلت الهنووف ..
عبدالعزيز : هلا وغلا الطيب عند ذكرره
الهنووف ابتسمت وراحت سلمت على خالتها ..
في بيت فهد :
ام مها : الله يهديك ضيعت عليك الفرصه في بيت لطيفه
فهد: كان ودي اتكلم واقول لهم بس والله ماقدرت حاولت حسيت فيه شي يمنعني
ام مها : مايصير يافهد حاول هذا شي كبير والله قول كل شي وارتاح صف حسابك في هالدنيا
فهد: انا بسأل ابوي متى بيجتمعون كلهم
ام مها: مو لازم يجتمعوون روح لبيت لطيفه مادام عبدالعزيز والهنوف سكنوا عندها وقول لهم اللي بخاطرك .. بعدين رووح لحصه وبالاخير روح لابوك
فهد: مايصير اذا كانوا كلهم مجتمعين احسن
ام مها: براحتك بس حاول يافهد تستعجل قد ماتقدر
فهد: انشاءالله بحاول
ام مها: الله يعيينك انشاءالله ويوفقك يالغالي
فهد: والله يامنيره انا من دونك توني اعرف اني ولا شي ..
لولاك كان مافكرت اني اصحح غلطي .. لولاك كان مشيت بطريقي ومافكرت اصحح اغلاطي .. مدري شلون اجازيك بكل شي تسوينه
ام مها: ماسويت شي يافهد
فهد: كل اللي اقدر اقوله الله يخليك لي ولبناتك
ام مها : امييين ويخليك لنا انشاءالله ..
انتهـــى ..
توقعآآآآآآآآآآآآتكم ..
البارت الثالث والعشرون ..
.. كلية التقنيه ..
مشاري: الله يخليك يامحمد مو الحين
محمد: وشو اللي مو الحيين شفيك انت
مشاري: وش ناوي تسوي
محمد: ماراح اسوي شي بروح اسلم عليه بس
مشاري: تسلم عليه والا شي ثاني
محمد: مشاري تكفى خلاص انا اللي في بالي خلني اسوويه ماتبي خلاص لاتجي معاي
مشاري: شفيك حمود زعلت
محمد: لا مازعلت بتمشي معاي والا كيف
مشاري: شنسوي بنمشي معاك يلا
محمد: يلا مشينا ..
راحوا محمد ومشاري عند سلطان اللي كان جالس مع مجموعه من الشباب
محمد: سلاااام
العيال : هلا والله
محمد: اخبااركم
العيال : تمااام ..
محمد: سلطان ممكن شوي
سلطان : وش بغيت
محمد: تعال معاي شوي ابيك
سلطان : مالي خلق
محمد: وشو مالك خلق ابيك شوي ماراح اكلك انا
سلطان : طيب الظاهر انك تشوفني جالس افطر متى ماخلصت جيتك
محمد: اووكي بالعافيه بس بلييز استعجل لان عندي شغل
سلطان : يصير خير
راح محمد ومعاه مشاري وجلسوا على اقرب كرسي ..
مشاري: محمد الله يخليك انا خايف منه
محمد: وش تخاااف منه بعد انت مشاري ترا حايمه كبدي منه لاتزيد علي خلاص
مشاري: وشو ماسوا لك شي
محمد: يكفي انه سفهني وماجاء معاي
مشاري: معذور جالس يفطر
محمد: ماعنده عذر ابد .. لاتصير معاه يامشاري
مشاري: شدعوه اصير معاه محمد افهمني الله يخليك
محمد: فاهمك خلاص
مشاري: والله ماجد ( الله يرحمه ) مدري كيف صابر عليك
محمد : نعم ؟؟ يامشاري وشو اللي مدري كيف صابر علييك شقصدك
مشاري: مو قصدي شي بس انت مزاجك مدري كيف
محمد: مشاري انا ماغصبتك انك تجي تجلس معاي ..
ماتبي خلاص روح شووف طريقك والله يوفقك ..
واذا انت مومتحملني خلاص رووح والله ماراح ازعل ..
مشاري: حموود قلبي افهمني بلييز والله مو قصدي
محمد: اجل وشو قصدك
مشاري : مدري بس انا كل اللي اقصده مزاجك متقلب ويرفع ضغطي احيانا
محمد: شسووي طيب هذا مزاجي
مشاري : خلاص عاد لاتزعل والله من معزتك وحبي لك قلتلك كذا
محمد: تسلم
مشاري: زعلان ؟
محمد: لا والله مشاري مو زعلان
مشاري: هههههههههههه اموت في شكلك متنرفز كذا
محمد: انقلع يالدووب مره مستانس
مشاري: وليه مااستانس مادامني جالس مع حموود
محمد: اووه بدينا في المدح .. انت ماعندك حل وسط ياتجرح ياتمدح
مشاري: هههههههههههه اووه انا اجرح قوويه هذي
محمد: مشاري تراك فقعت راسي خلاص اسكت
مشاري: طيب من عنووني
بهاللحظه جاء لهم سلطان ..
سلطان : خير يامحمد بغيت شي
محمد قام : مايصلح نتكلم هنا
سلطان : انا مستعجل يامحمد وماعندي وقت اضيعه معك
محمد: سلطان انت ليه تحب تبداء بالمشااكل
سلطان : ماقلت شي خطأ
محمد: سلطان احترم نفسك لو سمحت
سلطان: مو انت اللي تعلمني الاحترام
محمد: انسان ماعنده احترام ولا ذووق
سلطان : انت اصلا الوقت ضايع معااااك يلا باي
محمد: سلطان لحظه خل اقول اللي عندي وروح
سلطان مااهتم بكلام محمد وكمل طريقه
محمد التفت على مشاري : لاتلووومني اذا قلتلك ودي اذبحه
مشاري: محمد ياقلبي انت ليه ماتخليه بحاله
محمد: مستحيييل تعرف وش معنى مستحيييل
مشاري: براحتك بس صدقني بتتعب كثير
محمد: ماعليه انا بتحمل تعبي بنفسي وراح محمد عن مشاري ..
مشاري: يووه يامحمد خلاص عاد وربي مايستاهل الكلام اللي قاله سلطان انك تسووي كل هالزحمه والهووشه .. الله يعييينك بس ..
مشعل يكلم فارس بالجوال ..
مشعل : يوه ياقدمه من وين طلع هذا
فارس : انا شفته اليوم عند مقهى وربي يوم شفته حسيت انه مو غريب علي
مشعل : ياحبييله شخباره
فارس: زعلااان مره
مشعل : افا ليه
فارس: يقول خلاص يعني انتهينا من ثالث وايام الدراسه ونسيتوونا
مشعل : وش قلت له بالله
فارس: قلت له والله انشغلنا وبعدين انت غيرت رقمك وماارسلت لنا ..
عاد بالاخير اتفقت معاه وقلت لازم نجتمع مع العيال كلهم
مشعل : واحمد معاه ؟؟
فارس : لا احمد عندي رقمه ندق عليه ونشووف
مشعل : ياحلييلك يافيصل والله من جد مشتاااقين له
فارس : ايه والله جلسنا نسوولف عن ايام ثالث وربي جلست اضحك .. يقول تتذكر مشعل يوم يجيب القهوه
مشعل: ههههههههههه الله يرجه للحين يذكر
فارس: ههههه يقول هالسالفه مستحيل انساها
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك