رواية ثلاث سنين من شقى عمري -20
ابو سعود: افا وليه ماجت الجمعه هذي علشانها
حصه: شسوووي فيها مارضت اخوانها قالوا لها بس مدري شعندها
لطيفه: ايه المسكينه اعذروها زواجها بعد بكره
ام سعود: عاد واذا صار زواجها بعد بكره مانشوفها يعني
ساره: هههههههههه تستحي البنت
ابو سعود: اقول ياساره قومي دقي عليها قولي لها تجهز عمرها انا اروح لها واجيبها
ساره قامت: من عيوووني بابا
حصه: لا يبه .. ماله داعي تتعب عمرك والله حاولت فيها بس مارضت
ابو سعود: لا ماعليه .. اذا رحت لها انا انشاءالله بتجي
حصه: نشوووف ..
لطيفه: ايه عاد مرة ولدي شوي شوي عليها
ابو سعود: ههههههه من الحين بدينا
ام سعود: الله يوفقهم انشاءالله
ابو سعوود راح يجيب الهنوف من بيتهم وحاول فيها لين مارضت وجت معاه
وصل ابوسعود والهنوف للبيت ونزلوا ودخلوا من عند المجلس وكانوا العيال كلهم موجودييين
مشعل : هلا هلا .... هلا بالعروووس ( ويغمز لعزوز )
عبدالعزيز يناظره بنظرات يعني اسكت احسن لك وكان وده يصفقه ..
الهنوف في هاللحظه كانت ودها الارض تبلعها ولاتصير بهالموقف العيال كلهم موجودين ومفتشله من وجودها
ابو سعود: ماعليك منه يالهنوف روحي للبنات ينتظرونك بالصاله
الهنوف طلعت من المجلس وراحت للصاله وراح وراها ابو سعود
عبدالعزيز: مشعل مافي احد قد صفقك من قبل
مشعل: هههههههههه لا ياولد خالتي
عبدالعزيز قام وهو يرفع اكمام ثوبه : حلووو .. يعني انا اللي ببدا فييك
مشعل يقوم : لا لا... واللي يرحم والديك خلاص ماعاد اكررها
فارس: مشعل الحق على نفسك وانحاش ترا هذا اذا ضرب الواحد مايرحم ... إسأل مجرب
مشعل: تراني انا توأم زوجتك ... يعني اذا ضربتني كأنك ضارب الهنوف
عبدالعزيز: اقول لايكثر بس
مشعل قام وطلع برى المجلس وعبدالعزيز يلحقه
والعيال ميتين ضحك على اشكالهم الا محمد اللي كان يبتسم ببرود ومن دون نفس
خالد: الله يعينك يامشعل
صوت مشعل اللي كان يجيهم من برى المجلس: ياابن الحلال قلنا اسفين خلاااااص اتركني
نواف: فارس قوم شوف اخوك لايقضي على اخوووي
فارس : خلهم يتصافون لحالهم مالي خلق ادخل في الهووشه
محمد: الله يعينك يأختي على زوجك ..
الوليد: ههههههههه من جد الله يعينها اذا عصب عليها بيوم من الايام احس بتروح فيها
فارس: تراني عطيتكم فرصه وانتم تسبووون في اخوووي .. عاد كلش ولاعزوز
نواف: اقووول قوم شوف اخوي ماعاد نسمع له صوت لايكون مات
فارس: قام : هههههههه كل شي جايز
العيال: هههههه
اليوم هو يوم الاربعاء ... يوم ناس بتفرح فيه كثير ... وناس بتحزن عليه ... ناس فرحانه وتنتظر هاليوم بفارغ الصبر ... وناس تتمنى الموت قبل لايجي هاليوم ... اليوم هو زواج عبدالعزيز والهنوف ...
طبعا الزواج راح يكون صغير وعائلي في بيت ابو نواف .. بسبب الظروف والمشاكل اللي صايره في عائلة ابو سعود ...
( طبعا بهاليوم غيداء ماكانت موجوده في بيت ابونواف .. كانت نايمه عند جدها ابوسعود)
كان الوقت الساعه 9 الصبح
محمد يطلع من غرفته: اوف انت شعندك بعد على هالصبح
مشعل: تعال تعال وتعرف
ابونواف: الله يهديك يامشعل قومتني من لذة النوووم
مشعل: شفيكم انتم مع هالنوم ... اليوم زواج الهنوف المفروووض ماتنامون
نواف اللي توه طالع من غرفته ويحك راسه وعيونه نصها نوم: شعندكم شهالازعاج
مشعل: تعالوا انا عازمكم بغرفتي ... مسوي لكم سبرايز
ابونواف: الله يستر ... شعندك... طيب امك وينها؟؟
مشعل: امي تحت الحين بتجي بس انتم روحوا وقفوا عند الباب لين ماتجي الهنوف علشان ادخلكم الغرفه
نواف: شدعووه.. صايرين مقصف مدرسه ... خير وش طابوره
مشعل: طيب خلاص اجلسوا هنا بالصاله لين ماتجي الهنوف
محمد وهو يروح يجلس: لاحووول الله يعيننا عليك انت وتوأمك
مشعل: حرام عليكم لاتخربون اللي مسويه انا ... ليه معصبين كذا ومالكم خلق
ابونواف: الله يهديك ياولدي وقتك غلط ... في هالصبح جاي تصحينا
مشعل مسوي ضاق صدره: خلاص طيب روحوا نوموا مو لازم
ابونواف وهو يجلس: هههههههه لا خلاص ننتظر ونشوف وش اللي عندك
مشعل مبسوط: ايه شاطرييين ... وه ياحبيلكم بس
نواف: اقول لايكثر وخلصنا ... ترا ورانا نووووم
مشعل : طيب طيب .... وراح لغرفته
طلع مشعل من الغرفه
مشعل: يالله ياحلوين حياااكم
ابونواف: امك مابعد جت روح لها نادها
مشعل راح عند الدرج: يممممممممه
حصه: طيب طيب جااايه
مشعل: يالله امي جت تفضلوا تفضلوا حياكم
نواف يكلم محمد: شعنده اخوك اليوم
محمد وهو يقوم : ههههههه مدري
في غرفة مشعل ........
طبعا مشعل كان قالب غرفته فوق تحت مزينها كان حاط بالجدار صورهم وهم صغار ... وحاط كل شي يخص الهنوف وهي صغيره وذكرياتهم مع بعض اول...
محمد: هههههههههههههااي مايمديني انا
مشعل: اقول اجلسوا يالله ... هنووو وصلت
الهنوف دخلت وتفاجئت باللي تشوووفه مشعل كان تعبان باللي مسووويه .. في غرفته ... يعني طالعه شي صراحه
مشعل مسك ايدها: شفيه الحلو واقف ؟؟
حصه: تعالي يابنتي شوفي اخوك وش مسووي
الهنوف تجمعت دموعها في عينها .. خلاص دمعتها بتطيح
نواف يتطنز على اخته : طاحت الدمعه طاحت امسكيها
محمد: اجي امسكها عنك ؟؟
الهنوف في هاللحظه خلاص دموعها اعلنت استسلامها وكان قدامهاا مشعل
كيف بتفاارقه وبتكوون بعيده عنه هذا غير عن اخوانها كلهم ... من يومهم صغار وهم مع بعض
... وضمته وهي تصيح
مشعل شوي ويصيح: هنوو شدعووه هالدموع .. الحين انا ابي افرحك واوسع صدرك .. مابيك تصيحين
نواف يضحك : وربي ماعمري شفت فيلم زي هذا ... مره رووعه
محمد مسوي متأثر: بس يحزن هالفيلم صح ياأخوي
ابونواف: محمد ... نواف ... وبعدييين معاكم انتم ..
نواف: يبه الله يهديك احنا نبي نلطف الجو شوووي
حصه قامت وراحت لبنتها
حصه: خلاص يالهنوف مانبي نشوف هالدموع ... نبي نفرح بهاليوووم ... يلا قومي غسلي وجهك حبيبتي
الهنوف : انشاءالله
طلعت الهنوف وراحت تغسل وجهها ورجعت وجلست مع اخوانها ... وكانت من اروع جلساتهم ... اخر جمعه بتجتمعها مع اهلها ... قبل زواجها... سواليف وضحك ... ويتذكرووون ايامهم اول وهم اطفال ..وكيف ان محمد ونواف اول دايم يغارون من الهنوف ومشعل ويحبون يتهاوشون معاهم ...
انتـــــــــــــــــــهى ....
يوم الاربعاء ... تتوقعون هاليوم يمر بخييير والا لا ؟؟
وابطال قصتنا ايش راح يصير علييييهم ؟؟
البارت السابع عشر
هيا: وليه ماقلتلي من زمان ياخالد
خالد: يمه والله انشغلت
هيا: مو عذرهذا
خالد: بعدين زواجهم صغير وعائلي
هيا: مهما كان الزواج .. المفرووض انك تخبرني بدري والا نسيت ان عندك ام
خالد بنبره حزينه : شدعوووه يالغاليه .. انسى الدنيا ولا انساك
هيا: ايه خالد سكتنا بالكلام الحلوو
خالد: يمه .. والله انشغلت .. والا كان في بالي اعلمك كل يوم بس انسى
هيا: طيب خلاص .. انت بتروح؟؟
خالد: ايه اكييييد
هيا: سلمني عليهم كلهم
خالد: ابشري يالغاليه
هيا: يلا اجل فمان الله
خالد : فمان الكريم
ساره تصارخ: الوليييييييد ..
الوليد اللي كان نايم بسريره : خييير شعندك تصارخين تراك ازعجتيني
ساره: وليد مايصير شوف كم الساعه 4 العصر وانت للحين نايم
الوليد: ليه .. صار النووم حرام وانا ماادري
ساره تسحب المفرش: وليدووه عن حركات البثاره ويلا قووم
الوليد: ساروووه اطلعي من غرفتي لايجيك شي
ساره: قوم ودنا طيب وبعدين ارجع كمل نومك
الوليد: ماراح اوديك لاي شي .. انقلعي عن وجهي خليني انااااااام
ساره: ولييييييييد حرام عليك تأخرت مره على الهنووف
الوليد: مو شغلي .. وابوي وينه .. ليه مايوديك
ساره: ابوي مشغول ومو فاضي لي
الوليد: وانا نايم ومو فاضي لك
ساره عصبت: قسم بالله انك سخيييف وبااايخ
الوليد: من ذوووقك ... اطلعي برا بس
ساره : اوووووف منك ولد ...
وطلعت ساره وسكرت البا وراها بقووووه
كانت ماسكه الجوال ويدينها ترتجف وكل جسمها يرتجف بخووووف وضيقة صدر
سحر: هلا والله مهاوي
مها بخوف: هلافيك
سحر: مهااااااااوي شفيييييك
مها صرخت: اليوووووووم ياسحر اليوم
سحر: مها شفيك هدي بالك شوي
مها والدمعه بعيونها: خلاص ياسحر راح كل شي راح رااااح كل اللي في بالي ... راح الشي اللي كان فيه امل يخلي حلمي يرجع راااااااح
سحر: ومن قالك انه راح
مها عصبت : اليوم زوااااااااجهم شفيك انتي ماتفهمين
سحر بمكر: واذا كان زواجهم اليوم ... مها حبيبتي اسمعيني زييين وفكري معاي .. صدقيني اذا كانوا متزوجين يكون احسن
مها: كيييف؟؟
سحر: انا اعلمك كيف ؟؟
مها: شلون سحر مافهمت عليك
سحر: مها حبيبتي الشي اللي في بالي صدقيني لما نسويه وهم متزوجين يكون احسن من وهم متملكين او مخطوبين
مها: يعني للحين فيه امل
سحر: هههههههههههه الى بكره ياقلبي
مها : ههههههههههههههه
سحر: بسم الله عليك مها شفيك
مها: مبسووطه ياسحر مبسووووطه حسيت الدنيا فتحت لي ابوبها بعد ماسكرتها في وجهي
سحر: مادام معاك سحوووره لاتشيلين هم .. وصدقيني اللي تبينه بيصير
مها: يلوموني فيك يااحلى سحوره بهالدنيا كلها
في غرفة الهنوف
الهنوف: وين الكوافيره تأخرت
غيداء: ايه من جد مافي وقت علشان يمديها
رن جوال الهنوف في هاللحظه ...
الهنوف: هذا الرقم من 3 ايام وهو مزعجني ورديت عليه وصار واحد يستهبل ومو ناقصته الحين
غيداء: تبين ارد
الهنوف مدت الجوال: ايه تكفين
غيداء خذت الجوال
غيداء: الــو
.....: الو
غيداء: نعم ... ميييين؟؟
.....: ممكن اكلم صاحبة الجوال
غيداء: انا صاحبة الجوال
....: انتي الهنووووف ؟؟
غيداء مستغربه وتناظر الهنوف : مييين؟؟ الهنوووف
....: ايه الهنوف والا غلطان بعد
غيداء: ايه غلطان
....: اقول عطيني اياها وخلصيني بسرعه لوسمحتي
غيداء : قلتلك غلطان ... يلا باي
سكرت غيداء الجوال
غيداء: شدراه يالهنوف عن اسمك
الهنوف بخوف: مدري
غيداء: من نبرته احس وراه شي هالانسان
الهنوف: حرام عليك غيداء لاتخوفيني
غيداء: ماعليك منه بس ... اليوم زواااجك انسي السالفه وافرحي ووسعي صدرك
الهنوف: الله ياااااخذه ان كانت نيته شييينه
غيداء: امييين ... وماعليك منه انسيييه وفكري بعزوز بس
الهنوف: ياااسخفك بعد انتي .. من جد رايقه
غيداء: فيه احد مايروق وهو يشووف وجهك... ( وتغمز لها )هاه شرايك فيني اعرف امدح صايره مثل عزوز ههههههههههه
الهنوف: ههههههههههههههه من جد ...
غيداء: ايه وسعي صدرك خلينا نشوف هالضحكه الحلوه
الهنوف: اييييييه تعالي
غيداء: وشوو
الهنوف: اذا تزوجت انا بتروحين تجلسين عن جدي
غيداء: شرايك يعني والا تبيني اجلس عند اخوانك الحلويييين
الهنوف: لا بس مالك داعي تروحين وتخلين بيتنا تعود عليك
غيداء: هههههههههه حلوه تعود علي وانا شعلي منه
الهنوف تغمز لها: وتخلين نواف
غيداء: خيييييييير ونواف منهوو علشان ماتبيني اخليه
الهنووف: ههههههههههههههه ولا شي
غيداء: الله يعين بعض الناس عليك
الهنوف قامت : امييييين
غيداء: هههههههههههههههه
في بيـــت حصه .. الكل كان فرحااان ومبسووط بهاليووم .. فرحتهم ماتوصف بهاليووم .. الكل مجتمع .. يهني الهنوووف وعبدالعزيز بزواجهم .. الا وحده كانت تتمنى تموت ولاتحضر هاليوووم ..
محمد اللي كااان كاااشخ ولابس الشمااغ والثوب وكان يطالع رووحه في المرايه يعدل شماغه ..
مشعل: محمد يلا الرجال كلهم تحت وصلوا
محمد: دقايق طيب انت انزل وانا بجي وراك
مشعل: يلا لأن ابووي معصب القهوجي للحين ماجا
محمد: اوف يعني احنا بنتورط وبنصب القهووه
مشعل: الله يعيننا .. يلا يلا ننزل
محمد: يلا مشينا
نزلوا العيال تحت وقابلهم نواف ..
نواف كان مختبص : وييينكم انتم يلا
مشعل: لاتقووول القهوجي ماجا
نواف: ايه خلاص ابوي دق عليه وقال لاعاد تجي
محمد: ياليييييييل يعني احنا اللي بنرووح فيها
نواف: اقول بلا كلام فاااضي ورحوا صبوا وانتم ساكتين
في مجلس الرجال
ابوسعود(الجد).. مبروووك ياولدي مبرووك الله يوفقك انشااءالله ويكتب لك اللي فيه الخير
عبدالعزيز يحب راس جده: الله يبارك فيك ياجدي .. امييين الله يسمع منك
ابوسعود: ماشاءالله عيني عليييك بارده .. شهالزييين ياولدي
نواف: جدي ترى اللي قدامك على طول يصدق لاتمدح كثييير
عبدالعزيز: ههههههههه تسلم ياجدي
نواف: بس ماراح يصير احسن من اختي
ابوسعود: ايه عاد كلش ولا عبدالعزيز سميي ..
نواف: ههههههههههه خلاص خلاص ماقلنا شي كلش ولا سميك
ابوسعود ابتسم وقام وحط ايده على كتف عبدالعزيز: الله يوووفقك انشاءالله
عند الحريم في الصاله
حصه: ياهلا ياهلا شهالمفاجئه الحلووووه
ام منصووور: والله الهنووف تستاهل من يتعب ويجي لزواجها
حصه: اهم شي انك جيتي نشوووفك من زمان عنك
ام منصوور: ايه والله حتى انا فقدتك وفقدت عيالك ياحبيلهم
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك