رواية خطاي إني وفيت وأنت للجفا عنوان -16
بجماله الي يشوفه خده اليمن يستقرف سعود الي كله حركه ويحب الربشه والرقص والاستهبال بندر وهو مايحس قعد يتكلم بصوت علي: تذكر ياسعود لم كنت بثانوية وكنت مسوي نفسك مهتم فيني وجبت لي عصير برتقال وكنت حاط فيه بهارات وملح ووووع كان طعمه يقررررف... ولأتذكر لما كنا صغار لما كان عمري 13 وانت10 في بيتنا القديم لما كان أبوي يلحقنا بالعصا ونطينا من الدرج لدور الأرضي وانكسرت رجلك...ولا لما دعمت سيارة السواق لما كان عمرك15 السيارة حد ضيعك ياسعود الا حبك لسيارات كنت تقول انا اطلع من حوادث السيارات مثل الشعر من العجين ..نزلت دمعه على خد بندر سعود خلك قوي كلنا نحتاجك أبوي وأمي أمي ياسعود الي ماتقدر تعيش بدونك ونزل رأسه...حس بندر انه احد يضغط على أيده ورفع رأسه وشاف سعود فاتح عيونه بتعببندر ماعرف شيسوي قام وضمه:الحمد الله على السلامه ياخوي ياعضيدي
سعود بصوت كأنه طالع من كهف:أبي ماي
بندر:أنشاء الله ..وطلع وهو يركض جاب له الماي وشربه
بندر:انا بروح أنادي لك النيرس ولا الدكتور
ابتسم سعود لبندر وطلع بندر
بندر وهو رايح لدكتور يكلم نفسه:الحمد الله اخيراً قام بعد أسبوع شفنا فيها
العذاب
راح بندر لنيرس وقال لها تنادي الدكتور شان أخوه قام من الغيبوبه..ورجع عند
أخوه
بندر:سعود تحس بشي يعورك شي؟؟؟؟
سعود بصوت متقطع وثقيل:مـــاحــس بــشــي
بندر:الحين بيجي الدكتور وبيكشف عليك
ابتسم سعود لبندر
بندر:انا بدق على الوالد ابشره..ودق على جوال أبوه ويحط السبيكر عشان يسمع
سعود
بندر:السلام عليكم
أبو عبدالله: وعليكم السلام ياهلا
بندر:هلا بو عبدالله
أبو عبدالله:بالمهلي
بندر:أخبارك اليوم؟؟
أبو عبدالله:تمام مانشكي باس
بندر:أبي البشارة منك يابو عبدالله!!!!
ابوعبدالله: بشارة ايش؟؟؟
بندر:انا أبي البشارة وماراح تندم!!!
أبو عبدالله:لو شي يسر حلالي كله اكتبه بسمك
بندر:خيرك سابق يابو عبد الله ...سعود يبه
أبو عبدالله حط أيده على قلبه:وش بلاه؟؟؟
بندر:قام من الغيبوبه
أبو عبدالله وهو يوقف فجاءه وكل الي حوله استغربوا:لااااا الله يبشرك
بالجنة
بندر فرح من فرحت أبوه:الله يسلمك.. أشوف سعود يأشر لي يبي يكلمك
أبو عبدالله:عطني اكلمه مشــتاق اسمع صوته
بندر:هو يسمعك من أول المكالمة وانا حاط سبيكر
سعود وبصوت ثقيل:هـــلا يــبه
أبو عبدالله:يابــــعد طـــوايف أهلي كلـهم
ابتسم سعود من رد أبوه ونزلت دموعه
بندر:يبه سعود مايقدر يتكلم الحين الدكتور بيجي يشوفه
أبو عبدالله: شوي وانا عندك
بندر:حياك الله
أبو عبدالله:فمان الله
سكر بندر من أبوه الا بدخله الدكتور
الدكتور: السلام عليكم
بندر:وعليكم السلام
الدكتور يكلم سعود: الحمد الله على السلامه ياسعود
سعود:الله يسلمك
الدكتور:الحين انا بكشف عليك وبعدها بنسوي لك أشعه عشان شوف إذا العمود
الفقري متضرر ولا لا
بندر يكلم سعود:انا بطلع وبرجع لك
في بيت بو عبدالله الكل مو سايعتهم الدنيا وأم عبد الله تصيح وبناتها يصحون
معها
عبد الله: الله يهديكم الحين الولد بخير وفاق من الغيبوبه وشو له
الصياح
أم عبدالله: ودني عنده
ندى ونور: وحنا بعد نبي نروح
عبدالله:خل أول ينقولنه غرفه عاديه بعدين تزورنه
أم عبد الله:يمه وانا وش يصبرني أبي أشوف ولدي قلبي متقطع عليه
عبدالله:يمه استهدي بالله
أم عبدالله:ونعم بالله
أبو عبدالله ساكت من تكلموا لف على عبد الله:عبدالله شغل السيارة خل نروح
لخوك
فهد:انا بروح معكم انا مو بنت عشان ماروح
عبدالله: قوم وبلا هذرة زايده
وطلعوا الثلاثة وراحوا المستشفى
في المستشفى كان بندر مع سعود بعد ماخلص كشف وأشعه ونقلوه غرفه عاديه
دق عبد الله على بندر:الووو
عبدالله:هلا
بندر:هلا بو محمد
عبدالله: أنت وين؟؟
بندر:غرفه.....
عبد الله:اوكي هذا أحنا جاين عندكم
راح عبد الله وأبوه وفهد غرفة سعود قعدوا يسولفون مع سعود مع شويت عتاب
ولؤم
بندر وهو يوقف:عن أذنكم شوي وراجع
فهد بخبث:أذنك معك
بندر:بـــايخ...وطلع
راح بندر لدكتور عشان يعرف نتايج الاشعه
دخل بندر عند الدكتور:السلام عليكم
الدكتور:وعليكم السلام هلا بندر كنت بجي أكلمك بس أنت سبقتني
بندر:خير يادكتور
الدكتور:الخير بوجهك بس بغيت أكلمك عن حالة سعود
بندر:تفضل
الدكتور:انا لحظة لما سويت له كشف سريري انه مايقدر يحرك رجولة وحبيت اتاكد
بالاشعه وطلع أن الضربة أثرت على العمود الفقري وفي فقرتين من العمود تحركوا
من مكانهم هو حاليا فيه شلل مؤقت نتيجة تحرك الفقرتين وفي حال سوا العملية في
أمل كبير انه يمشي وأنصحك نصيحة أنكم تسفرونه لان العملية مو سهله
بندر:طيب بعد العملية أكيد بيمشي
الدكتور:العملية بتساعد على المشي والعلاج الطبيعي يساعد على المشي بأذن
الله أما عن التشوه الي في وجهها أحنا حطينا عليه شاش عشان إذا شاف وجها
ماينفر وتدهور حالته النفسية بس أنشاء الله بعد العملية التجميليه كل شي يرجع
مثل ماكان بأذن الله
بندر:ونعم بالله...دكتور أنت عطني التقرير وانا برسله لمستشفيات
برا...
الدكتور:انا جهزتلك التقرير تفضل..وعط بندر التقرير
بندر:مشكور يادكتور
الدكتور:افااا هذا واجبنا
بندر وهو يوقف ويمد أيده لدكتور:مع السلامه
الدكتور:مع السلامه
رجع بندر عندهم بالغرفة الا بجيت أمه وخواته ومرت أخوه عبد الله
أم عبدالله:يجعل عيني ماتبكيك يابعد روحي ..وتضمه
سعود وهو يبتسم:يجعل يومي قبل يومك يمه لاتقولين كذا
ندى:يمه خلينا نسلم عليه أول مادخلتي طبيتي عليه وراحت ندى وسلمت على
سعود
نور:الحمد الله على السلامه سعود
سعود:هالغاليه أخبارك
نور وعيونها مليانه دموع:البيت من دونك ظلمه وما يسوى
سعود:بوجود أهله منور
هدى:الحمد الله على السلامه سعود وخطاك الشر
سعود:الله يسلمك
فهد وهو يضحك:ما تلحظون أن سعود صاير ذرب زيادة عن الزوم
سعود:أصلا انا ذرب بس أول مره أشوف احد يجي لي ويتعنا لي ويصيح علي الواحد
مايعرف غلاته عند الناس الا بوقت الشدة انا الي شفته مو شوي الواحد إذا شاف
الموت يفكر انا أسويت بدنيتي لآخرتي وعندي أعمال بتشفع لي للجنة الدنيا فانية
واحنا كلنا فانين وماراح يبقى لنا الا العمل الصالح...
أبو عبدالله:بارك الله فيك هذا الولد الي ينشد فيه الظهر شوف خرابيطك أسوت
فيك اسدحتك أسبوع بدون ماتحرك كنك ميت
سعود مارد عارف نفسه غلطان
عبد الله:أقول مشينا ثقلنا على الرجال وهو يحتاج للراحة
أبو عبد الله:شورتك وهداية الله
بندر:انا بجلس عنده... وطلع أبو عبد الله
أم عبدالله:مدري ليه أعيالي حظهم واقف بالدنيا
عبد الله:ليه أمي أعيالك مافيهم الا الخير
أم عبدالله:واحد طايح بفراشه والثاني قاط مرته بيت أهلها صار له أسبوع
بندر:أقول يمه أبوي ينتظرك برا
أم عبدالله:خلها في بيت أهلها بس اعرف أني مو راضيه عليك
بندر بدا وجهه يتغير وبان عليه انه معصب
عبد الله:يمه خل نطلع مو وقته هالكلام أبوي ينتظر برا
أم عبدالله تكلم سعود:تأمر على شي ياسعود
سعود:لاتسلمين
عبد الله:يالله شباب فمان الله
سعود+بندر:فمان الكريم
طلع عبدالله ولف سعود على بندر:بندر روح البيت مابي أكلف عليك روح
وارتاح
بندر:ياخوك ماعندي شي بالبيت اقعد عندك أحسن
سعود:بندر أبي أكلمك بشي بس أخاف تعصب علي
بندر:تكلم ياخوي انا أسمعك
سعود:صح انا أخوك الصغير بس في أشياء الواحد يشوفه ماتحتاج كبير
اوصغير
بندر:مافهمت شي
سعود:أقصدك أنت وشوق وزوجتك
بندر:اشفينا
سعود:أحس وجودها عندك والعدم واحد تقعد بيت أهلها بالأسابيع ولاتراضيها
وأحسك هاملها كأنك عازب وماتزوجت وكل الي في البيت ملاحظ انا مابي ادخل بس
حرام عليك ترا لها حقوق عندك إذا أنت حاس نفسك مو قد المسئولية ليش
تزوجتها؟؟؟
بندر:خلصت!!!
سعود:انا قلت لك لأتعصب
بندر:انا مو معصب بس الي تحس فيه ما يحس فيه غيرك وانا وشوق سالفتنا طويلة
من شهر العسل صح انا كنت الغلطان في حقها بأول زواجنا بس انا حاولت أني اعدل
أسلوبي معها بس آخر سالفة انا مالي يد فيها أهي أعرفت الموضوع غلط انا مابي
ادخل بالتفاصيل ماله داعي أوجع راسك معي..
سعود:على راحتك بس شفت أمي كلتنا بقشورنا الا ماقلت لي الدكتور وش قالك
وقالك عن رجولي لأني ماحس فيها؟؟؟
بندر:سعود أنت رجال مؤمن بالقضاء والقدر
سعود:بندر لا تطولها وهي وقصيرة انا حطيت نفسي بهالمكان وانا بتحمل كامل
المسئولية أنت قولي بس شفيني؟؟؟
بندر:فيك شلل مؤقت لان في فقرتين في العمود تحركوا من مكانهم الدكتور يقول
في أمل كبير بعد العملية تمشي أحنا بنرسل تقريرك برا ونستنى المستشفى ترد
علينا
سعود وهو منزل رأسه:طيب وجهي ليه ملفوف بالشاش؟؟؟
بندر:آمممم خدك اليمين تشوه من الحادث بس ربك ستر عينك ماصابها شي بس مع
عمليات التجميل كل شي بيختفي
سعود وهو متضايق وحس الدنيا ضاقة فيه:بندر معليه انا تعبان وأبي أنام إذا
أنت تبي تروح البيت روح
بندر وه يوقف:انا بروح البيت بأخذ شور ورجع وبجيبلك ثياب ترى انا مرافق
معك
سعود:تسلم يابو سعود
بندر:ههههههاااي ماسمعك نايف
سعود وهو مستغرب:ليه؟؟؟
بندر:يقول انا أبو نايف والله ابتلشت فيكم
سعود:شفت عاد
بندر:يالله فمان الله تأمر على شي
سعود:لا تسلم..وطلع بندر
........ ..
رجع بندر البيت شاف أبوه وعبدالله في الصالة
بندر:السلام عليكم
أبوه وعبدالله:وعليكم السلام والرحمة
أبو عبد الله:الا يابندر الدكتور ماقال شي مع لجت أمك نسيت أروح اسأل عن
سعود
بندر:أبي سعود مايقدر يمشي لأنه لازم يسون له عمليه ولازم نسفره بسرع
وقت
أبو عبد الله:إن لله وان إليه راجعون سوا الي فيه الخير
عبدالله:ومين بيروح معه؟؟؟
بندر:اناااا
أبو عبد الله:ومرتك!!!!!
بندر:بتقعد في بيت أهلها
أبو عبد الله:أنت اتفق معها وسوا الي تبيه تبي تروح وإلا تقعد عندنا ولا عند
أهلها
بندر:أنشاء الله يصير خير
....... .....
->في بيت أبو الوليد كانوا مجتمعين خالد وفيصل وأم الوليد وشوق وأبو
الوليد نايم
)الوليد طلع من بيت أبوه وسكن في فلته(
أم الوليد:خالد انا اليوم خطبت لك
خالد وهو منصدم:شنووووووووو؟؟؟؟؟
أم الوليد:خطبت لك بنت خالتك
خالد:ومين قال أني أبي أتزوج؟؟
أم الوليد:أخوك الي اصغر منك تزوج
خالد:وانا شدخلني فيه تزوج ولا لاااا
فيصل:بدينا بالغلط
خالد:محد تكلم عنك
فيصل:أصلا أنت تبي الشارة عشان تتهاوش معي
خالد:أي بدينا بحركات البزران ..وقام.. وزواج ماراح أتزوج وهذي بنت أختك ما
أبيه لوتكون ملكة جمال الكون..وطلع
أم الوليد:بيجلطني هالولد مدري شالعيال الي عندي ربي بلاني فيكم
فيصل: ليه شفينا؟؟؟؟!!!
أم الوليد:واحد تزوج من ورآنا كنا بنمنعه والثاني مايبي يتزوج وواحد مطيور
على الزوج وخلفتي الوحيدة من البنات صار له أسبوع مقابله وجهي وماتبي تروح
بيت زوجها وتقول له أنها حااامل شالحظ الي عندي
شوق وهي توقف:خلو خالد في حاله وخلوني في حالي وإذا مثقله عليكم بروح عند
الوليد...وراحت غرفتها...
أم الوليد:امحق عيال احترام مافيه كل واحد يطول السانه ويطلع...
فيصل:انا عندك ماكفيك بعدين يمه الله يهديك مشاري ماصار له متوفي الا 5 شهور
وشو يقولون الناس بتزوج عيالها مره وحده
أم الوليد وهي تصيح:انا فقدت واحد ومافرحت فيه أبي افرح بعيالي
الباقين..وراحت غرفتها
فيصل:مجنون اقعد للحالي..مسك جواله ودق على شهد
فيصل:هلاااااااا والله
شهد:هلااااا فيك
فيصل:كيفك؟؟؟
شهد:منيحه أنت كيفك؟؟؟؟
فيصل:منيح بس بيتنا كله استخف
شهد:أنت ليه استخفيت معهم
فيصل:تتطنزين حضرتك؟؟؟
شهد:ههههههاااي طيب قولي ليه بيتكم استخف
فيصل:أمي أخطبت لخالد من ورآه وعصب وقلب الدنيا ولا المشكلة بنت خالتي وقال
لو هي ملكة جمال الكون مابيها
شهد:ليه أخوك مسوي اضراب عن الزواج
فيصل:مدري عنه من مرض مشاري وبعدها مات وهو متغير ومن اكلم ياكلني
بقشوري
شهد:ليه أنت ربيانه؟؟؟؟
فيصل:أنت بايخه يالله مع السلامه بسكر
شهد:والله امزح معك أبي أغير لك جووووو
فيصل وهو يصارخ:يالله مع السلامه
شهد زعلت:لاااا تصارخ يالله مع السلامه وسكرت
فيصل:اوووه صدقت كنت امزح معها وشفي الناس اليوم
....
راحت شهد عند غلا
غلا:غريبة من وين طالعه الشمس؟؟؟؟!!!!!
شهد:طالعه من راسك
غلا:بايخه أهي أهي شعندك
شهد:تهاوشت مع فيصل
غلا:انا الوقت هذا الوقت مخصص لفيصل وأنت عندي الحين!!!!
شهد:بلا بياخه حفظت الاسطوانة من تشوفيني تقولين لي نفس الكلام
غلا:تدرين ودي اقضي حق ألجامعه
شهد:كل الي شريتيه معي وانا اشتري جهازي ماكفاك؟؟؟
غلا:وانا شريت شي كلهم كم بلوزه وكم تنوره وكم شنطه ناقصني أشياء كثيرة
تدرين الي بالجامعة الي يعيد ثيابه عندهم يفشل بعدين انا أخر سنه ولازم يكون
ختامها مسك
شهد:شوق بتكمل
غلا:تدرين ودي أروح لها بكره هي في بيت أهلها
شهد:اوكي خلاص بكره نروح لها
غلا:تشوفين فلم Dvd
شهد:اوكي
غلا:أنزين عندك بدرج الطاولة أفلام جديدة اختاري فلم وانا بروح أسوي بوب
كورن وأجيب بيبسي
شهد:اوكي
غلا وهي تنزل الدرج شافت نايف
غلا:توك جاي؟؟؟
نايف:أي كنت مع بندر..أنتي وين رايحه؟؟؟
غلا:بروح المطبخ بسوي بوب كورن عشان بنشوف فلم
نايف:لازم تحسسين نفسك انك بسينما
غلا:شنسوي إذا السعودية مافيها سينما الواحد لازم يسوي سينما في بيته
نايف:أنزين بجي معك ومره وحده أبيك بموضوع!!!!
دخلوا المطبخ..
نايف:قعدي شوي؟؟
غلا:وهذي قعده قول الي عندك
نايف:آممممم الموضوع إن في واحد خطبك مني وحبيت اخذ رأيك قبل ماكلم الواحد
عشان يجيب أهله
غلا وهي منزله رأسها:أسفه أني بقاطعك بس انا مافكر بزواج حالياً انا أبي
أكمل دراستي شوف شوق تزوجة ووقفة دراستها وهي ماكان باقي لها الا سنه وهذي
شهد بتزوج ويمكن توقف دراسة انا سنه رابعة ومآبي أضيع أخر سنه لي أو اجلها
والزواج لاحقين عليه
نايف:طيب أنتي عرفي من خطبك هو واحد من العايله
غلا:نايف واحد من العايله ولا من برا انا ماابي أتزوج الحين وقوله ماله داعي
يجيب أهله وانا رافضه
نايف وهو يوقف:الي تشوفينه
غلا:ماتبي تشوف معنا الفلم
نايف:لا بروح أنام بكره ورأي شغل من الصبح
غلا:هاذي مشكله رجال الأعمال وقتهم مو لهم..
نايف:هههههههاااي تصبحين على خير
غلا:وأنت من أهله...وخلصت البوب كورن وراحت غرفتها
شهد:سنه؟؟
غلا:كنت اكلم نايف تخيلي في احد خطبني
شهد بفضول:مييييييين؟؟؟؟
غلا:مدري لأني رفضته قبل معرف اسمه
شهد:أنتي غبية ليش على الأقل عرفتي مين
غلا:هو من العايله بس من أي جهة مدري؟؟
شهد:يعني ماتدرين عيال عمي ولا من عيال عمتي ولاعيال خالتي!!!!!!!!
غلا:أحس نفسي مابي اعرف عشان مكرهه
شهد:ليه تكرهينا
غلا:ليش يفكر فيني انا اقرب له)يلعن أبو التفكير تفكير بزران الحمد الله
والشكر الله لا يبلانه(
شهد:سكتي شكلك معقده
غلا:انا وحده ماتبي من العايله أقول طفي النور وشغلي الفلم
كل وحده انسدحت عشان تشوف الفلم ...جوال غلا يدق
غلا:شهد جيبي جوالي
شهد:قومي أنت جوالك ولا جوالي
غلا:اوريك
غلا:الووو شفتي الساعة كم قبل ماتدقين
شوق:أسفه كنتي نايمه
غلا:لاصاااحيه وأشوف فلم مع شهد
شوق:انا زهقانه وطفشانه ومدري شسوي-> )تذكرني بنفسي هذي كلمتي
المعهودة(
غلا:شوفي فلم(الاخت حلتها(
شوق:التلفزيون مافيه شي وأفلام DVD ماعندي وفيصل نايم ولا كان خذت منه
غلا:خلاص بكره بجيب لك من عندي إذا جيتك
شوق بفرح:صدق بتجين
غلا:أي بجيك شفيك انصرعتي
شوق:من وناستي متى بتجين؟؟؟
غلا:مدري أنت حددي؟؟
شوق:شرايك تفطرين عندي!!
غلا:والله فكره بسال شهد إذا موافقة
شوق:بتجي معك
غلا:ااااي
شوق:اجل بتتواعد مع حبيب القلب
غلا:متهاوشه معه
شوق:بكره يتصالحون....أخاف عطلتك عن شوفة الفلم
غلا:على شانك كل شي يهون
شوق:أخليك تكملين الفلم والساعة 9 انتوا عندي
غلا:اوكي حياتي انتبهي على نفسك
شوق:أنشاء الله مــــامـــا باي..وسكرت
غلا تكلم شهد:بكره بنفطر عند شوق
شهد:حلوووو
غلا:طيب قومي نامي بكره ورآك قومه من الصبح
شهد:والفلم
غلا:بكره أنكمله
شهد:اوكي تصبحين على خير
غلا:وأنت من أهله بس خذي البوب كورن وطلعيه برا مو ناقصة وصاخه بغرفتي
خذت شهد البوب كورن وطلعت وكل وحده فيهم نامت
........ ..
->على الساعة 7 ونص الصبح دق المنبه عند غلا قامت من النوم وهي مشبعت
وودها تحط رأسها على المخدة وتنام قامت وتسبحت ونزلت عند أمها
بالصالة.......
أم نايف:شعندك قاعدة بدري
غلا:شوق عازمتنا على الفطور انا وشهد في بيت أهلها
أم نايف:من صباح الله خير
غلا:أمي هو فطور يعني بنروح متى بعد صلاة الغرب(تنكت حضرتها(
أم نايف:أنزين كلتيني روحي وأنت احد يقدر يقولك لااااا
غلا:تسلمييييييييين
أم نايف:أنزين يام المصالح روحي قعدي أختك ساعة الين تجهز
راحت غلا تصحي شهد وراحت غرفتها عشان تتجهز دقت عليها شوق:الوووووو
غلا:هلاااا والله صباح الخير
شوق:هاا على الوعد
غلا:أي الحين بتجهز 9 أحنا عند باب بيتكم
شوق:اوكي انا بروح الحق على فيصل قبل مايطلع بااااي ...وسكرت
طلعت شوق من غرفتها وشافت فيصل بينزل من الدرج
شوق:فيصل
فيصل:هلا والله صباح الخير
شوق:صباح النور رايح الشغل
فيصل:أي
شوق:لاتروح
فيصل:ليه؟؟؟
شوق:في وحده بتجي تفطر عندنا
فيصل وهو مستغرب:طيب انا شدخلني؟؟؟!!!
شوق:أنت اعرف مين بعدين تعرف أنت شدخلك؟؟
فيصل:الهم طولك ياروح مين؟؟؟؟
شوق:شهد!!!!
فيصل:شهد!!! وشو الي بيجيبها عندنا من صباح الله
شوق:انا عزمتهم على الفطور
فيصل:آآآآآآآآآه
شوق:بتقعد؟؟؟
فيصل:والله مقدر عندي شغل ضروري اليوم بس سلمي عليها
شوق:انتوا الرجال مافيكم ذره رومانسيه
فيصل وهو ينزل:تسلمين بااااي
شوق:بااااي ونزلت بعده وقعدت ترتب الـ break fast بالطاولة
........ ..
->في بيت أبو نايف:-
غلا قاعدة عند أمها الين ماتتكرم شهد وتنزل
أم نايف:غلا دقي على جوال نواف قولي له يرجع من بيت عمك خاس عندهم صار له
أسبوعين ياوجه استح
غلا:يمه خليه على راحته هنا مافي احد كبره واحنا قاعدين لا طلعه
ولأدخله
أم نايف:على كثر طلعاتك لأطلعه ولأدخله
غلا:تسلمين طلعت السوق طلعه تروحين تدورين لك شي وفي الأخير ماتلاقين هاذي
اسمها مغثه انا قول خليه عندهم
أم نايف: انا بخليه اليوم بس بكره بخلي نايف يروح يجيبه بنفسه
غلا: سوي الي يرضيك والله يامي إن بنتك شهد بتجيب لي الجلطة سنه عشان تجهز
الله يعين الي بياخذها
أم نايف: وأنت الله يعين الي بياخذك لسانك وش طوله
غلا:الا يتمنى...ماتدقين على جدتي وخالاتي
أم نايف: أمس كلمتهم وقلت لهم تعالوا عندنا قالوا مايقدرون والله أني مشتاقة
لهم بقول لبوك يوديني عندهم كم يوم...الا بنزلت شهد
شهد:انا خلصت
غلا:بطلنا ماراح نروح
شهد:لـــيـــه؟؟؟!!!!!
غلا:شوق دقت وقالت خلص وقت الـ break fast تعالوا وقت الـ lunch سنه تجهزين
عروس
شهد:بدل هذرتك كان وصلنا الحين...وطلعوا
شهد:ماراح نجيب شي معنا؟؟
غلا:مدري أحنا متأخرين ومافي شي في بالي أجيبه
شهد:فشيله
غلا:عاااادي مابينا تكلفه
عشر دقايق ووصلوا بيت أهل شوق
غلا تدق على شوق
شوق: هلا تاخرتوا
غلا:أحنا عند الباب استقبلينا
شوق:اوكي بااي
غلا:بااااي
دخلوا البيت واستقبلتهم شوق عند المدخل
شوق وهي تضم غلا:اشتقت لك بقوووووة
غلا:حتى اناااا
شوق وهي تسلم على شهد:هلاااا بمرت اخووووي القاااطعه لو ادري بتقطعينا كان
مازوجتك اخوي..
شهد:من تزوجتي شوفتك قلت وبعدها وقفتي قيدك بالجامعة
شوق:تدرين دنــــيا مـــالـــهــا صـــاحــب (إهداء خاص هاذي الكلمة(
تفضلوا...
غلا وهي يدخلون:كان حطيتي الفطور عند البركة آحلى
شوق:والله أنك فاضيه الدنيا حار تعالي عندنا بالشتاء
غلا:كل من نواف الدعله أبوي ردم البركة لما غرق فيها وليومك احن عليه يسوي
بركه بس مو راضي
شهد:تزوجي واحد في بيته بركه وننتهي من هذي القضية
غلا:والله انك تافها أتزوج عشان بركه ليه تبيني أصير مثل الي تزوجة عشان
جوال
شوق:عطوني عباياتكم مافي احد بالبيت خذوا راحتكم
دخلوا الصالة وكانت أم الوليد جالسه تشوف التلفزيون قامت أول ماشفتهم وهلت
فيهم
أم الوليد: هلا بالغالين
غلا:هلا خالتي أخبارك..وباست رأسها
أم الوليد: هلا فيك يمه انا بخير أنت أخبارك؟؟
غلا:الحمد الله
وتقدمت شهد وسلمت
أم الوليد: هلا بمرت الغالي
شهد:هلا فيك يمه
أم الوليد: عساك بخير
شهد:الحمد الله
أم الوليد: يمه بعد الفطور تعالي سولفي معي
شهد:أنشاء الله
راحت شهد وغلا غرفة الطعام
شوق:أيه متوصين فيهم مرت الغالي على قولتهم
غلا:لنا الله
شهد:بلا حركات عبط كلوا وانتو ساكتين
شوق:معرف أكل وانا ساكتة هاا استعديتوا للجامعة
غلا:شريت لي حق ألجامعه من الرياض اوووه شوق هالسنه أنتي مو معي ماقدر أتخيل
انا سنه رابعة وأنتي مو معي(أهي أهي أهي(
شوق:مفروض تعودتي
غلا:بس أهم شي انك معي بالجامعة
شوق:صح
شهد:انا الي ورأي مشوار طويل الين متخرج مدري أحس بعد الزواج بتكيسل
شوق:صح انا تثيقلت الموضوع بعد ماتزوجت وبيني وبينك أقول الدراسة بتنفعني
بشنو آخرتها بعلق الشهادة
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك