رواية أشكي للي بين ضلوعي -14

لؤي توأم روحه مات هذا اكبر شئ صار له بحياته..خفف السرعه لايصير موقف شين مثل العاده كل ما اسرع وحس برجفه خوف عقب ما تذكر السالفه ورتذكر الأزمة اللي صارت له من عقب الحادث ويالله يالله تناسى الموضوع ومازال تاثير الحادث عليه....خالد حس ان السياره عمها الهدوء وماله الا هالفرصه يسأل حنان وعلى قولهم دق الحديد وهو حامي وهو يعرف ان ما سألها ما راح يعرف عن أي شئ وهو فعلا شاغله الموضوع...
خالد:"شلون ممرضتنا"
حنان كانت داخله بدوامه فضيعه قويه وعنيفه وتفاجأت ان خالد هو اللي بيوصلهم وانقهرت لو دقوا عليها كان جت مع سلمان والا احمد بس ما في مفر من السالفه...خالد صحاها من الدوامه اللي هي فيها...وردت وهي ميته خوف...
حنان تتلعثم بالكلام:"أي..وشو؟؟ بخير"
خالد حس بالاحراج من ردها وعرف ان وراها سالفه من تلعثمها وارتباكها بالرد بس ما يهون عليه يجتمعون بمكان واحد ولا يعرف وش السالفه...
خالد:"ليش تركتي الشغل؟"
حنان انصدمت من سؤاله وحست بخوف وارتباك ماله حدود...هو ما يدري عني ما يحس..ما يعرف انه اكبر جرح بحياتي وتركت شغلي بوقت الغبي يعرف ان له دخل بالسالفه..سكتت ولا قدرت ترد على سؤاله..عهود حست بالاحراج وان فيه شئ ما تعرفه وودها لو تصلح هالجو بس ما تدري شلون وقالت:اكون ساكته ازين لي...
اما خالد اللي فعلا انحرج زياااااده وحس ان ماله داعي وهو يسأل واحرج البنت وهو اول مره يكلمها بس وش يسوي موضوع حنان اشغله وخدمتها الجليله الي سوتها للعم سعد ما تدل الا على اهتمامها بمريضي...ما ادري انا غلطت والا لا...